教育王國

標題: 會否因就讀國際學校，而推遲到外國升學既時間？ [打印本頁]

作者: kinder.bb 時間: 21-11-14 18:31 標題: 會否因就讀國際學校，而推遲到外國升學既時間？

小兒小學時，是讀傳統小學，本已諗住中五/中六左右，就到外國升學，讓佢容易適應語景，及做好升大學準備。但最後因覺得國際學校教學更適合他，所以中學便轉入國際學校。由此開始，我對香港國際學校解多了，信心更增加不少，對比朋友小孩在加拿大當地學校讀書，香港國際老師更細心跟進學生學習進度及成長。所以，令我覺得可以完成整個中學後，才到外國升讀大學。雖然都明白，外國讀中學有更多外地文化體會，但始終伴小孩成長，對家長來講，又是難能可貴。我想睇吓，多唔多家長因讀國際學校，而推遲到外國升學既時間？

作者: wingjaiii 時間: 21-11-14 19:48

會啊，其實我見啲朋友讀國際學校，好多都係好大個先去外國寄宿，因為本身喺香港間國際學校好好唔捨得走

作者: 綠荳媽媽 時間: 21-11-14 20:02 標題: 回覆樓主:

會，我就係咁。

作者: yuettoi 時間: 21-11-14 20:45

會，囝入到IS，會俾佢完成中學先去外國，佢唔會有適應問题。

作者: puiyima 時間: 21-11-14 21:37

本帖最後由 puiyima 於 22-9-27 17:10 編輯

.....

作者: kinder.bb 時間: 21-11-14 22:19

謝謝各位，咁我有咁諗法都好正常

作者: ckm7772000 時間: 21-11-14 22:37

會，原本打算local school讀到中二或三就英國boarding，而家升中轉咗IS就打算喺香港完成中學，留喺我哋身邊耐啲

作者: Kaoru.Lavender 時間: 21-11-15 00:16

我諗睇你有冇打算移民
會的話都係儘早越細過去越好

作者: Wwong071 時間: 21-11-15 08:39 標題: 回覆樓主:

冇~~絶對冇

作者: aidan08 時間: 21-11-15 08:42

你呢個諗法，多數係仔女細個一直在local school 讀，而後來轉讀IS的家長比較常見的諗法。我仔從小在IS大，好多一直讀IS，無讀過local school 的同學會Year 9出國讀Boarding school.

我估，可能係由LS轉讀IS的小朋友，一來家長覺得佢哋已經經歷過一次轉變環境，唔想短時間又轉變。二來已經覺得IS似外國教育，無需去外國。

但小朋友一直讀IS的家長，送仔女去外國讀boarding school有唔同的approach. 佢哋係想仔女體驗寄宿生活，學獨立，有規律同更多的運動和活動，唔係只target 學術同教育方式方面。

作者: kinder.bb 時間: 21-11-15 09:51

aidan08 發表於 21-11-15 08:42
你呢個諗法，多數係仔女細個一直在local school 讀，而後來轉讀IS的家長比較常見的諗法。我仔從小在IS大， ...

我都覺一直讀IS 既家長會有唔同睇法, 因你哋一開始已有不同打算, 而我LS 轉 IS 又係另一種體會.
謝謝你分享.

作者: melobi12 時間: 21-11-15 10:29

我自己細個時係一家人分隔兩地，所以即使而家俾小朋友自細讀IS，我都傾向盡量留小朋友喺身邊，有咁耐得咁耐。我未諗課程同考試嗰啲點安排、咩year出去較好，但以年紀計，我想起碼year 11先放佢出去。

作者: 木子兔媽媽 時間: 21-11-15 10:34

我哋比較另類；從來冇諗過小朋友出外國；佢哋自己揀另計.

歡迎光臨教育王國 (/)