用戶登入
用戶名稱:
密      碼:
搜索

沒有菲傭的日子

熱度 12已有 1289 次閱讀 14-3-27 17:01 |系統分類:生活點滴

自去年十二月初,工作了十多年的菲傭約滿離職後,家中一切安好,日子不難過,但也沒預期般容易。

 

外子愛入廚,重奪廚房的控制大權,異常投入,雖至今已有三個多月,熱情有增無減,晚餐餸菜款式不斷。

 

三餐以外的一切,外子一概不理,全交我「負青」。

唉,還以為兩個中學的孩子,功課自理,我只負責催促監督;一家人早出黃昏歸,家裏不會太亂,週未才略為清理打掃,餘下來每天只是洗衫收衫,有何難度呢?

 

誰不知我就是少窺了洗燙這環工作。雖說四年前在兩多個月沒工人的真空日子裏,我也做過同樣的工作。惜今時不同往日,忘記了四年後的今天,兩個仔已長高過我,家中一個男人兩個大男孩的衫褲,每天總有滿滿的一洗衣機,體味加汗味,留不得!洗衫後要曬衫,將軍澳天氣潮濕時要抽乾,收衫後要燙、要摺。這看似簡單的工序,佔去了我每天晚上飯後及早上的僅餘時間,且日日如是,年中無休。

 

除了洗燙衣服,我的生活作息也來了個翻天覆地。以往晚睡遲起,現在早上5:30要緊記起床,先打點一下,準6時開始「鏟」醒兩條冬眠似的「睡蟲」,接着的45-50分鐘,一邊收收拾拾、摺衫,一邊催促他們專心吃早餐、換衫摺床舖,呼喚他們不要只顧看手機,直至準時趕他們出門後,我方可專心收拾殘局 -- 曬衫、餵飼小魚烏龜,給牠們換水、澆花、清洗早餐食具,有時還要洗頭吹頭……最後以99逃難似的衝出家門,是以差不多沒有一天是不遲到的。

 

因要早起,晚上11時前就要上床了。以前尚可在晚上偷點時間閱報、上網、看電視,現在一概謝絶,只能陪外子去探周公。

 

對於這種改變,想我還未能完全接受。昨天我一邊燙衫一邊喃喃自語,跟正在廚房洗碗的外子說要是有天我突然罷工,失踪大半天,叫他不要感到意外。

 

不過上天亦待我不薄, 這種叫我精神緊張的生活,令我在短短個多月內瘦了兩個碼 飲食如常、沒做運動,全身由面到手腳全方位均勻地消減,那天翻出廿多年前結婚前的衣服也能穿上,叫公司女同事們嘖嘖稱奇,她們老以為我是有甚麼絶世減肥秘方,左探右探想我公諸同好。

 

對於老婆突然變瘦,外子是又愛又恨。

他曾說老婆娶入門,應要養得肥肥白白,如此清減,他心痛之餘,也怕人以為他沒善待老婆。當然,他也樂見老婆重現苗條又靚咗。話說不介意,如有得選,那個男人想拖着位周身肉的出街呢。

這可是兩難啊!所以最後他說,還是要我半肥瘦就好了!


路過

雷人
7

握手
1

鮮花
2

雞蛋

剛表態過的朋友 (10 人)

發表評論 評論 (33 個評論)

回覆 csy_ma 14-3-28 02:03
潮濕時拿出去磅洗吧,要求不高的話,拿回家可以不用燙
回覆 ickwong 14-3-28 07:57
我沒工人一年了,都很適應。現在只熨恤衫西裤校服,其餘免問。
回覆 ickwong 14-3-28 07:59
但我沒瘦,反而肥咗,因為每餐都煮大家喜愛的食物。
回覆 Yanamami 14-3-28 08:49
沒工人自由自在得多呢!我喺你就開家庭大會,同兩個仔講,因家庭情況有變,以後請自己起床、吃早餐上學。人肉鬧鐘、溫馨提示等服務將自此完結。至于換衫收拾床被,relax啦~~無工人就咪理。有d衫唔燙就拉拉且且算,校服叫仔閣下仔理。無工人兩個仔要分工啦。我點兩個女去到垃圾、洗浴缸&面盆、抹枱開飯燙校服。唔好當我喺阿4~
回覆 Meikin 14-3-28 09:11
csy_ma: 潮濕時拿出去磅洗吧,要求不高的話,拿回家可以不用燙
磅洗咪又要攞出去, 上上落落, 一星期唔通日日磅洗咩.
之前屋企部用了10多年的cheap cheap抽㬎機突然死亡後, 我放工立刻趕去Fortress買了另一部三菱的, 重要立刻抬由家開工.
回覆 Meikin 14-3-28 09:16
ickwong: 我沒工人一年了,都很適應。現在只熨恤衫西裤校服,其餘免問。
我家三名男子, 單是裇衫西蛼校服加埋都好多, 不能留在周末才燙, 我寧願日日燙好, 收入衣櫃, 我而家已經成洗燙熟手女工, 做得好快, 但真的好討厭, 日日對住都是那埋衣物, 煮飯你都會轉下餸啦.
回覆 Meikin 14-3-28 09:18
Yanamami: 沒工人自由自在得多呢!我喺你就開家庭大會,同兩個仔講,因家庭情況有變,以後請自己起床、吃早餐上學。人肉鬧鐘、溫馨提示等服務將自此完結。至于換衫收拾床被 ...
我有壓力就會瘦, 食極都唔肥, 因為根本不吸收.
老公已預期我到暑假應該會反彈番.
回覆 Meikin 14-3-28 09:19
ickwong: 但我沒瘦,反而肥咗,因為每餐都煮大家喜愛的食物。
我有壓力就會瘦, 食極都唔肥, 因為根本不吸收.
老公已預期我到暑假應該會反彈番.
回覆 Meikin 14-3-28 09:25
Yanamami: 沒工人自由自在得多呢!我喺你就開家庭大會,同兩個仔講,因家庭情況有變,以後請自己起床、吃早餐上學。人肉鬧鐘、溫馨提示等服務將自此完結。至于換衫收拾床被 ...
由Day 1開始已講過了, 兩個仔聖誕假新年假時都有主動幫手, 所以那時好些, 但近期開始mid-term test, 多project, 功課要趕, 每天放學活動後回家已不早, 食完飯做多一陣10:30前又要瞓, 所以佢哋做掂自己的事唔先我催我提已經好好了.  佢哋都有幫手早返屋企洗米煮落飯, 偶然幫手炒下菜, 鋪枱拾枱的, 見他們都好忙, 不能要求太多了.
回覆 Yanamami 14-3-28 09:32
Meikin: 由Day 1開始已講過了, 兩個仔聖誕假新年假時都有主動幫手, 所以那時好些, 但近期開始mid-term test, 多project, 功課要趕, 每天放學活動後回家已不早, 食完飯做 ...
好吖~~他們都算乖。但人肉鬧鐘喺一種依賴,你不叫,遲一兩次就學乖了,不用你費神。
回覆 Meikin 14-3-28 09:40
Yanamami: 沒工人自由自在得多呢!我喺你就開家庭大會,同兩個仔講,因家庭情況有變,以後請自己起床、吃早餐上學。人肉鬧鐘、溫馨提示等服務將自此完結。至于換衫收拾床被 ...
自由度是大咗, 但屋企不能太亂, 因奶奶每週會不定時特擊在日中來我家, 太亂的話, 下次飯聚時(尤其是在一大埋親戚在座時)就會有好多說話聽......唉!
回覆 MacMa 14-3-28 09:46
我都無用工人差不多兩年,so far okay la !  我是大廚和洗熨工人,老公喺廚房雜工兼吸塵掃地,大少都喺闊佬懶理!大少啲波衫汗臭味濃,要日日開機洗,當然抽濕機絕對不能少。一星期熨兩日衫,假日做簡單的清潔,將要求降低,自己無咁辛苦!
回覆 Meikin 14-3-28 09:47
Yanamami: 好吖~~他們都算乖。但人肉鬧鐘喺一種依賴,你不叫,遲一兩次就學乖了,不用你費神。
我都想, 也試過, 但不忍心.  哥哥尚可, 返學MTR直達, 細佬要趕巴士時間, 走了一班車就遲硬(遲好多), 要罰抄及留堂.
回覆 Meikin 14-3-28 10:08
MacMa: 我都無用工人差不多兩年,so far okay la !  我是大廚和洗熨工人,老公喺廚房雜工兼吸塵掃地,大少都喺闊佬懶理!大少啲波衫汗臭味濃,要日日開機洗,當 ...
可能做多半年我會適應啦, 要接受自己根本沒得選擇.
壓力可能也是來自本人對自己的要求.  對工人要求不高, 但對自己就高好多, 樣樣要盡力做到最好.
回覆 MacMa 14-3-28 10:21
Meikin: 可能做多半年我會適應啦, 要接受自己根本沒得選擇.
壓力可能也是來自本人對自己的要求.  對工人要求不高, 但對自己就高好多, 樣樣要盡力做到最好. ...
take it easy!
回覆 MacMa 14-3-28 10:24
Meikin: 自由度是大咗, 但屋企不能太亂, 因奶奶每週會不定時特擊在日中來我家, 太亂的話, 下次飯聚時(尤其是在一大埋親戚在座時)就會有好多說話聽......唉! ...
明白,因為我同事奶奶都喺咁!佢仲慘,奶奶有門匙,自由出入,我哋笑佢衛生幫辨上樓突擊巡查
回覆 Meikin 14-3-28 10:26
Thanks!  I'll try.  但性格問題, 知易行難.
回覆 Meikin 14-3-28 10:35
佢就係有門匙, 自出自入, 從不會先來電, 平日我都係返屋企見有些東西的擺位不同先知佢來過.  最慘是佢覺得有甚麼問題也不會同我們講聲, 只會在一大埋外人在座時先攞出來唱......屆時我們只得硬吞, 沒得出聲.
回覆 totheend 14-3-28 10:47
ickwong: 但我沒瘦,反而肥咗,因為每餐都煮大家喜愛的食物。
same here!!!
回覆 totheend 14-3-28 10:49
是以差不多沒有一天是不遲到的-------same here!

facelist

你需要登錄後才可以評論 登錄 | 註冊

Copyright c 2002 - 2021 Baby-Kingdom.com Limited, All Rights Reserved.
GMT+8, 21-3-3 15:37, Processed in 0.443227 second(s), 10 queries , Redis On.