用戶登入
用戶名稱:
密      碼:
搜索

「學習障礙」= 不能學習?

熱度 7已有 185 次閱讀 12-4-22 20:09 |個人分類:生活分享|系統分類:課外活動|關鍵詞:學習障礙、親子

鋼琴學生中有確診學習障礙的小男孩,父母唔想佢辛苦有壓力,學習上從無要求,昨日上琴課時我認真同小男孩講無練琴令我好失望,個小朋友聽得明白,本來坐唔定改為安靜地彈哂全首歌。

而家小孩子會有嘅「症狀」多到數唔清,我個人意見,家長唔好俾學習礙障、專注力不足等專業名詞大到,一刀切以為小朋友全體性學習能力有問題,真正可能只是某方面教學方法要靈活啲啫。

近年強調良好的「親子關係」,但尺度去到邊並無統一標準,唔少家長當仔女係老闆自己係打工,令寬容變縱容,是非價值觀唔理亦唔教,香港核心價值實在令人憂心。

路過

雞蛋
5

鮮花

握手

雷人

剛表態過的朋友 (5 人)

發表評論 評論 (8 個評論)

回覆 lillymarie 12-4-23 07:18
你真是好老師!我大囝的老師和你一樣,她曾要求大囝邊彈邊數拍子。我對她說,我囝囝的節奏感好差,又不能一心多用,這對他來說很困難啊!(我不相信囝囝會做得到。)但老師回答我,邊彈邊數拍子當然是難!但囝囝一定可以做到的!又向我解釋當中的好處。我見老師那麼肯定,那麼有信心, 唯有回家抱着“只許成功,不許失敗”的心態,陪他慢慢練。竟然成功!我又從老師身上學了一堂寶貴的功課!
回覆 音樂人長老 12-4-23 10:08
唔少職場父母知識水平做事經驗勝過我好多,只是對著自己孩子感情蓋過理性,好多時handle唔到,但家長要明白,他們合作才是成功教育孩子的因素。

我個人認為老師應扮演coach角色,教授知識只是基本,最重要根據學生的強弱項針對式培養解難能力,教多一兩首樂曲又有何難,「認識自我、放眼世界」先係我哋下一代要做嘅事。我期望學生未來能力勝過我,這個社會先有進步,好似劉翔能力成績一定好過他的教練,但教練會帶領他打破自己紀錄!
回覆 Yanamami 12-4-23 10:11
無錯. 小時對孩子的縱容, 是對他將來的殘忍.  古時一句「慈母多敗兒」, 現今一句「疼佢=害佢」.
回覆 音樂人長老 12-4-23 18:35
汽車望倒後鏡會有盲點,家長看待自己子女又何嘗不是,但我相信從來父母只有愛護子女,所謂「虎毒不食兒」,只是商業社會,以教育為業人士會有各種商業計算,我欣賞陶傑先生的一句話「是非黑白,無可退讓」,唯有端正心靈才能彈奏好的音樂。
回覆 One-Mama 12-5-4 09:12
"端正心靈才能彈奏好的音樂" ---- 唔單止學生, 家長都要學吓, 追求目標.層次唔一定單由公開級試成績而定論, 更希望家長唔好追求急功近利. 懂得尊重及多D欣賞.
回覆 ANChan59 12-5-5 15:03
如果小朋友有任何一種障礙,父母會特別留意及遷就他是可以理解,如何一同面對挑戰亦是生命教育的一部分,我都經歷過,世上還是有奇蹟的,不要自己放棄。
回覆 Snakemama 12-5-5 15:45
你寫出了我的心聲。近年強調的「親子關係」,往往變成了溺愛。父母對孩子賞罸分明,才是愛兒的最佳表現。
回覆 音樂人長老 12-5-6 12:41
Snakemama,我唔係家長,但身邊人係,見到好多cases嘅「親子關係」往往是一面倒,我個人意見「親子關係」應該是對等交換的,令孩子明白易地而處的道理及學懂感恩心。我教嗰位學障小朋友好喜歡玩拍子機,我俾佢自由玩一陣,但佢亦要跟我要求留心彈番好首歌,佢真係表現到專注一面。

教育成功與否,不是全靠父母師長,小朋友嘅決心意志好重要,我哋要做嘅係幫佢哋建立理想學習平台,而不是取代佢哋做學生嘅本份。

facelist

你需要登錄後才可以評論 登錄 | 註冊

Copyright c 2002 - 2018 Baby-Kingdom.com Limited, All Rights Reserved.
GMT+8, 18-7-18 16:54, Processed in 0.063657 second(s), 10 queries , Xcache On.