推行學琴新模式己一個多月,學生是每月2至3堂,3月份是學校中期測驗,家長們都歡迎這個新模式,可更靈活安排子女温習時間。坦白講,個人方面收入少了一截,但相對教學層面來說,學生能有充裕時間練習是必需的。
現在每課最少一小時,有時還加上10多分鐘樂曲分析,好似校際音樂節5級比賽歌曲Good Time Rag,我便可以用超過一小時為學生分析樂曲artisitc performance的特點,比起琴行教時學生排滿了的情況不可同日而語。
鋼琴初級至2級或年紀小學生我是贊成每星期一課,這時期是教授音樂基本知識階段,小孩子一下子就忘記了,課程緊密啲會幫到佢哋,但3級開始係深入學習階段,樂曲技巧提高,學生需要練習時間加長了,每星期一課會變成上堂等如練琴,上堂彈極都唔達標會增加小朋友的挫敗感,覺得覆琴係慘事,慢慢會失去學琴樂趣。
同家長講過教多同教少一首歌無咩大分別,重點係培養佢哋自學能力,了解自己邊度彈得唔好及如何修正,靠老師講先知自己錯喺邊唔算學到嘢,耳朵靈敏度不足係學琴難點,上個月校際音樂節綵排聽到參加者彈幾首熱門比賽歌Old German Lullaby, Little Flowers 同Good Time Rag都有相同問題,訓練呢方面能力要有耐性同上堂時間要足夠,試諗下趕住落堂只有快啲講出答案係唔會做到效果,不過而家教育制度講value for money,用呢個方法去教係曲高和寡...