龍年係個新開始,希望人人事事順利,身體健康!
回顧過去一年教學,發覺小朋友自學能力其實唔錯,可惜佢哋用成人步速學習,日日趕頭趕命,小書袋裝滿不同課外活動的書本用具,一項緊接一項根本無時間返屋企攞,當然無足夠空間讓佢哋發揮個人能力。
有求自有供,五花八門的學前課程通街都係,只要POCKET有MONEY就得,家長想要嘅都有,無諗過都可以提供。呢類課程唔係主流課程,政府並無規管,質素如何只能靠舉辦者自律,但MARKET咁大,吸引好多非專業人士入行,教學質素係點可以想像。
個人認為唔少家長知識及人生閱經歷比很多市面見到的導師豐富,可惜現今社會唔少雙職父母不能親身教導子女,但依賴言行舉止未完全成熟的小導師教學令人担心,在商言商,教育中心老闆們最緊要多人報名,導師唔掂或家長投訴咪換人囉,家長報讀課程取態都係車輪轉,有人話某課程好就跟風,呢類中心成日轉導師或唔夠學生人數取消上堂都係無可厚非,唔通蝕本都做,當教育事業變得商業化,好多成人世界遇到的商業決定都會見於教育層面!