揾好學生同揾一個好老師同樣困難,又乖又叻不在討論範圍內。綜合所見,學生可分以下幾大類:
(一) 「惡過你」型 - 你講一句佢回你十句,好似音樂的DYNAMIC 咁,由細聲到放聲大叫,係都要嬴,講唔通都要大聲過你;
(二) 「軟皮蛇」型 - 唔會同你硬踫,叫佢做功課會應你,但左耳入右耳出,做錯事永遠話下次改,不過佢有好多個下次。而家最多小朋友係咁,吃過虧知道大人受軟唔受硬;
(三) 「小白兔」型 - 乖到粒聲唔出,教佢嘢好似全部受哂,問佢明唔明白連點頭動作都幾乎睇唔到,你要佢行東,佢唔敢行西,問多兩句唔識答就眼紅紅。
上述學生己經唔易搞,仲有讀寫障礙、專注力不足、自閉症、四肢不協調....等等,每位家長都以自己小孩為尊,但學校點樣將不同類型融合呢?遇過家長要求我教好孫女等佢唔好做小公主,美其名話佢聽老師話多過屋企人,但全家4個大人一齊住都搞唔掂,我呢個每星期見半個鐘琴老師所講嘅嘢佢有幾多會記入腦呢?