用戶登入
用戶名稱:
密      碼:
搜索

「唔想輸喺起步點!」

熱度 3已有 215 次閱讀 12-1-10 17:13 |個人分類:學琴交流|系統分類:課外活動|關鍵詞:最好

當子女可以入讀Playgroup時,唔少家長己經盤算何時開始學音樂、學樂器,最好喺小學入學試前考到5級及10歲考到8級,「短期訓練」成為目標,見到人家小朋友同時學鋼琴及小提琴會好羨慕,音樂啟蒙班最好連一出世BB都收,等不及大琴行要接近5歲先可報讀單對單課程,就盡力揾肯私人教授的老師,有求自然有供,五花八門的課程及保薦考試比賽就成為音樂中心同私人老師嘅宣傳重點。

「求學不是求分數」人人識講,但真實世界會唔會咁理想呢?父母嘅擔心同苦心可以理解,但唔希望變成為有心人揾錢嘅弱點,錢花了但學到唔三唔西。

我唔反對家長學鋼琴目的係報學校,做父母又點會想見到仔女為課外活動搞到身心俱疲,活在呢個教育制度下如無更好解決辦法,家長爭取考試比賽成績back up仔女profile係無可厚非,但希望家長明白學習係有個過程,唔係只得張分紙或證書,用捉題目或填鴨方式盡谷小朋友考琴試或比賽,唔係發掘佢哋潛質,反而令佢哋對學習過程怕怕,考完8級後連琴都唔想彈,屋企就多咗件大型傢俱!


路過

雞蛋
1

鮮花

握手

雷人

剛表態過的朋友 (1 人)

發表評論 評論 (6 個評論)

回覆 lillymarie 12-1-10 21:10
the world is getting crazy
回覆 音樂人長老 12-1-10 23:51
This City is Dying ! 睇每日報導模擬文憑試情況就知大件事,未來教琴會著重培養學生自學能力及認真思考,希望學生叻過我世界先會進步。
回覆 karen_hau 12-1-11 01:10
我都係教樂器的,眼見D家長為咗學而迫子女學,子女跟本唔想學,真係好無奈...教的唔開心,學的唔開心...雖然亦會有學生學學下愛上,但為數不多...唉...可,悲
回覆 音樂人長老 12-1-11 23:31
karen_hau: 我都係教樂器的,眼見D家長為咗學而迫子女學,子女跟本唔想學,真係好無奈...教的唔開心,學的唔開心...雖然亦會有學生學學下愛上,但為數不多...唉...可,悲 ...
有太早學,有趕考試,都係不利學習同培養興趣,但風氣係咁好難改變,自己做得幾多得幾多。
回覆 lillymarie 12-1-13 08:51
win在起跑點,有研究證實是真的,但講緊的是通識而不是沒意義的操練。
相信音樂亦然,小朋友如果很早就開始聽音樂,聽音樂故事,認識不同的音樂。相信到他真正拉接觸樂器時,已勝了一籌。
回覆 音樂人長老 12-1-14 23:15
每項研究都有參考價值,但應用時會受環境及其他因素影響。香港小朋友最愛打機,特性係物件速度移動快色彩豐富,固然提高學新嘢接受能力,但有得就有失,會令佢哋對靜態活動好似彈琴、畫畫、閱讀等失去耐性,控制情緒能力都有不足,如果妳嘅小朋友肯自發去練習,妳真是好幸運嘅家長。

生理上小朋友都出現學習問題,適齡兒童掌握唔到彈琴簡單平衡動作見過唔少,我好理解個情況,見過近4歲要用奶樽飲湯因為攞唔穩湯匙,可以講智力提高咗但身體協調能力倒退,我教嘅學生樂理可以好快學完一冊,但技巧冊就停喺頭幾頁PASS唔到呀!

facelist

你需要登錄後才可以評論 登錄 | 註冊

Copyright c 2002 - 2018 Baby-Kingdom.com Limited, All Rights Reserved.
GMT+8, 18-11-17 00:24, Processed in 0.058777 second(s), 10 queries , Xcache On.