||
不斷有家長問點樣才算「好」樂器老師,討論呢個問題要睇下家長點樣為小朋友選擇老師啦,有家長話係「口碑」,但更多家長睇重學生考試或比賽成績作為揀選老師準則。睇番某教育網站經常有老師宣傳學生考試成績或比賽獎項,學唔學樂器好多時只係家長一句話,為咗「錢途」,老師有咩辦法唔將考試歌日練夜練,或者比賽刻意報低級別以求高分。
學樂器可以洗滌身心,但將學習當成補習學校咁只求背答案捉題目而不求理解背後意義,最終會令孩子考完樂器試好似完成9年免費教育咁,唔想再練,唯一唔同係家長其實俾好多錢去學同買樂器。
唉,喺我能力範圍內,我可以做只係對家長們潛移默化吧,但可以改善空間真係唔多。
補充一點,香港其實有好多有天份小朋友,但佢哋完善樂器技巧及鍛鍊體能黃金時間己被學業時間表取代了,專業音樂路唔易行,理想係應該追求,但可以學多另一門專業技能及知識,俾多啲機會自己。