學琴唔係食快餐呀！

熱度 3已有 214 次閱讀 12-1-9 23:17 |個人分類:學琴交流|系統分類:課外活動|關鍵詞:學鋼琴

近年快餐文化己遍及不同界別，小朋友學鋼琴都不例外，小六前己考完8級人數越來越多，但下一步會點行呢？似乎家長同學生都無咩Planning，如果唔再學琴會唔會連練琴都唔想呢，無老師教學生仲識唔識彈新曲呢？

可教8級以上老師數目比教8級以下為少，家長唔會想揾8級教番8級啩，即使揾到合適老師學費唔會平，一位資歷夠老師每星期可教學生人數係有限制，學生返工或返學時間唔上得堂，上堂時間只限平日傍晚或weekend，老師教得幾多個有數得計，如果有個人STUDIO同用靚琴，呢啲全部係成本嚟，唔收貴啲點交租同供部琴，而家長見負擔大咗就無動力想仔女繼續學。

現實啲講，學完8級使費以萬計，仲未計家長陪練陪上堂時間同心機，如果未能發展成仔女長遠興趣或對佢哋成長有實質裨益，只為趕考試報名校，家長就要自行判斷是否值得咁做，畢竟唔少名校而家都唔睇學生考完幾多級。

我有位教咗多年小朋友的老師講過學得越快，忘記得越快，我會本著呢個目標教學，趕時間嘅家長同學生唔係我杯茶，我希望學習鋼琴令每個孩子發展最大潛能，呢樣做法好似名廚唔會去快餐店煮餸，因為做好一道菜要花心機同創意呀。