用戶登入
用戶名稱:
密      碼:
搜索

轉校生,從二線到所謂城中寶校

熱度 1已有 292 次閱讀 15-11-10 09:45 |系統分類:教育

阿仔轉校過左兩個月喇, 好感恩, 佢開始習慣新環境, 之前擔心既係自己諗多左, 好感謝老師咁細心去幫佢適應, 咁有耐性,  亦好開心, 無撰錯, 之前一直係到諗, 阿仔啲學習動機咁底, 舊校就學校谷既,係唔係撰錯左, 呢間咁FREE, 樣樣都係自主學習, 但係發現, 原來諗住番轉頭係錯既, 最根本就係要主動去學, 只靠學校谷只不過係逃避左根本既問題, 谷得多,人都巔, 反而要佢提升番學習動機, 比佢覺得有需要去學習先最緊要, 阿仔讀左幾年小學, 做阿媽而家先知, 跟足功課, 温習, 係無咩用, 最緊要要佢肯自己做
講真,阿仔係舊校又不至於隱型人, 係班入面都有小小名次, 這算是一種幸運,因為以他性格, 不主動, 不爭取, 不太聰明又不太壞, 其實都好難比人見到, 好在係班內成績不錯, 至少老師會知道這個小朋友,但係問親老師都話無問題,OK,成績幾好, 有啲覺得成績表就懞住左佢既問題
 黎到新校, 小班教學得黎看得出老師好用心, 係行為同學習動機, 以及好多小節上提出過意見, 亦係咁聯絡我問番屋企同舊校情況, 有啲家長可能覺得呢啲係投訴, 但係我又覺得如果有問題.佢比我知好過我唔知好, 亦都讓我可以正視呢啲問題 (因為佢唔覺得係問題, 我只能懷疑,但都係覺得唔需要處理), 因為老師肯講即係有留意佢,對佢有期望;BTW 尋日見到老師同佢地分組,特別將普通話好同英文好既小朋友一齊同一組, 而且係特別好朋友既一齊合作去搵遊客做訪問, 真係對老師好敬佩
好多人話,點解去康山, 唔去其他, 什至阿妹都跟住去, 功課量,老師, 環境, 語境, 都付合我所想, 尤其係環境, 小朋友本身有哮喘, 舊校一邊係大馬路, 再對上又起梗公屋, 至少而家對住啲山, 後面就係行山徑,我估唔會連行山徑都比人掘掛. 以前開親學,一落車就唔舒服, 要去急症,每年要入院,一年總有8,9日缺席, 今年真係無咁既情況, 最多轉天氣時要吸氣;不過,其實有啲兩難, 到阿妹呢年, 聽聞多左好多人, 因為自己幼稚園都有2X過自行過去, 學校能否丞受咁多學生呢, 呢4年由1到3到4班4班, 相信WORKLOAD一定高左, 希望學校有足夠資源SUPPORT同埋老師一樣咁有HEART喇

路過

雷人

握手

鮮花

雞蛋

發表評論 評論 (2 個評論)

回覆 cocokan2004 15-11-19 00:41
由MTR行去康山係一條大鈄路, 小朋友OK?
回覆 @[email protected] 15-11-19 14:04
20MINS 校車 到學校門口,係星期六課外活動要自己番去,通常都係行,有其他小朋友一齊行邊行邊傾計,又唔覺好辛苦,如果佢想塔VAN仔哥陣,通常同行唔見其他小朋友,咁係地鐵一出等小巴,所以都OK

facelist

你需要登錄後才可以評論 登錄 | 註冊

Copyright c 2002 - 2024 Baby-Kingdom.com Limited, All Rights Reserved.
GMT+8, 24-3-29 04:28, Processed in 0.228737 second(s), 10 queries , Redis On.