用戶登入
用戶名稱:
密      碼:
搜索

讀萬卷書不如行萬里路 (2) - 阿拉斯加

熱度 14已有 419 次閱讀 12-5-21 14:14 |個人分類:Travel|系統分類:生活點滴|關鍵詞:阿拉斯加

十多年前轉工,要按合約過冷河幾個月,同時安排一家人飛往溫哥華,然後坐郵輪到阿拉斯加的 Inner Passage。雖然昂貴,係一個好特別的旅程。當時阿仔只有3-4歲,事實上他的記憶是十分模糊,確實有點可惜。阿仔第一次坐長程飛機及坐郵輪,我倆要做好多安排。但他全程表現非常好。到溫哥華後,遊覽幾日先上郵輪,一來可以克服jet Lag,而來孩子會有多些時間適應外面的飲食習慣。

 

一上船,先辦加拿大出境,然後即刻辦理入境美國,我沒有想過這麼簡單。郵輪上每日可以吃11餐,如果你的胃可以容得下,真係由朝食到晚。飲食都以西餐為主,阿仔鍾意麵包及pasta,所以問題不大。他最鍾意Gala Dinner,不是有機會跟船長同檯食餐,而是最興奮跟侍應生週圍去唱生日歌,第一晚之後,每次上甜品時,他會自動跟隊去唱生日歌,唔夠兩日,好多人識佢,間接識埋我們,好多時都讓我們唔駛排隊上岸,上餐廳又快少少。參加郵輪假期以長者較多,多數慶祝生日,或結婚紀念日。

 

船上大部份工作人員來自東歐及加勒比海,可能工資偏低或者想賺多些錢,開口埋口都是錢,自己內心唔係咁喜歡。有些來自加勒比海的服務生,態度及笑容好好多,例如圖書館傍的Coffee Bar的黑人服務生,佢好識同阿仔溝通,每晚他都預備牛奶俾阿仔飲,阿仔好鍾意見到佢,每晚都傾偈。

 

我最懷念是跟阿仔在0度以下在戶外游泳及浸jaccuzi,太太怕冷,沒有游泳及浸jaccuzi,在外面幫我們影相及拍錄像。現在睇翻d相都好懷念。郵輪停過兩個小鎮Juneau, Skagway,我們在Juneau坐馬車又碼頭到鎮中心,阿仔好興奮,太太要抱得好實,怕他會跌出去。參觀小型博物館,拉著雪橇影相,買了不少紀念品。在兩個小鎮見到不小菲律賓人,細問之下,他們在阿拉斯加取得工作簽證,工作滿??年可以取綠咭,然後接家人過來團聚。

 

Skagway,我好想坐直昇機飛上冰川,由於要簽生死狀及保險會括免,太太好唔想,如假包換仔細老婆嫩。最後CEO批准之下,參加了不45分鐘的直昇機冰川之旅。在起飛前簽生死狀,個心都好忐忑,又記掛住太太及個仔,當時禱告後心內有平安,簽署去馬。機上有一對黑人母子,兒子下身癱瘓,母親為完兒子的夢想,雖然有畏高症都參與旅程,不然之話,他兒子不能參加(20+)。機師解釋安全規則及注意事項,跟著按重量分佈安排坐位,為飛行安全不能換位。

 

起飛後,在空中看到郵輪,很快飛入冰川,機師介紹冰川的移動,我們清楚看到樹林被冰川移平。一路看到冰川的溶解,冰塊跌入海中,然後飛上冰川頂部,機師找安全及平坦地點,然後降落冰川之上。他關掉引擎,然後再提點安全事項,讓螺旋槳停止後,安排我們落機,除了那年輕人,到現在我明白點解機師安排他坐近機門,因為機門打開,我們就企在他旁邊,下不了機,但仍可分享大家的興奮。機師介紹冰的顏色,飲冰水,冰的溶洞,他拋一塊冰落去,很久才聽到撞擊聲,我地才知道溶洞很深。最後安全飛返機場,回到船上立即跟太太及兒子分享,太太都覺得值得一看。

 

有一日上午,船員通知上甲板,以為逃生演習。上到甲板,原來船慢慢駛近冰川 Glacier Bay,跟著關掉引擎,我們聽到冰川溶化,掉入海中的聲音,肉眼目擊,對全球暖化有另一種感受。

 

最難忘是最後一晚,因為午夜有甜品自助餐,在晚上十一點可以分批入場參觀及影相,真係好精緻。十二點前清場,然後分批入內飽嚐美味甜品,又於熟人多,讓下讓下,我們一家變左最前。


路過

雞蛋
9

鮮花

握手

雷人

剛表態過的朋友 (9 人)

發表評論 評論 (19 個評論)

回覆 MacMa 12-5-21 15:39
my dreamed journey...
回覆 Yanamami 12-5-21 15:54
可唔可以要"中"字體呀? 老花....
回覆 ANChan59 12-5-21 16:25
Yes, Madam....
回覆 Yanamami 12-5-21 16:41
ANChan59: Yes, Madam....
This is much better, thanks.  Such a wonderful journey.  I once drove from Cairns to Canberra but my little one was too young to remember anything!  She insists that she has never been to Australia.
回覆 YY媽咪 12-5-21 18:25
正!!!
唔知係唔係自己開始老, 現在想坐郵輪去旅行多D...
回覆 HY412 12-5-21 18:49
我兒時既夢想, 係去阿拉斯加睇北極光/希臘/埃及..., 唔知幾時可以夢想成真??
回覆 vincher 12-5-22 01:10
YY媽咪: 正!!!
唔知係唔係自己開始老, 現在想坐郵輪去旅行多D...
哦!你變相話ANChan59 老!
(雖然我也認為年紀大才坐油輪)
回覆 YY媽咪 12-5-22 01:52
vincher: 哦!你變相話ANChan59 老!
(雖然我也認為年紀大才坐油輪)
    好彩我有講自己呢個字眼
回覆 龍舌蘭 12-5-22 14:14
好彩可以睇到你的分享.
回覆 vincher 12-5-22 20:26
龍舌蘭: 好彩可以睇到你的分享.
係唔係唔加入好友,就看不到日誌呢???
回覆 ANChan59 12-5-22 22:16
唔係好識寫遊記,寫得唔好,請見諒。

記憶所及,隨心而寫,找著幾件感受較深的事作敘述。
回覆 Yanamami 12-5-22 22:45
ANChan59: 唔係好識寫遊記,寫得唔好,請見諒。

記憶所及,隨心而寫,找著幾件感受較深的事作敘述。
遊記....我fb blog有一篇.  copy過o黎先.
回覆 One-Mama 12-5-23 21:52
ANChan59: 唔係好識寫遊記,寫得唔好,請見諒。

記憶所及,隨心而寫,找著幾件感受較深的事作敘述。
吓!  要recall十多年前的記憶, 又要兼顧大眾口味, 你的確已寫得十二分好了, 好溫馨+立體呢, 跟菜欄果D比較, 可能欠色香味而已(亦唔需要).
看罷足以令我有點後悔當年取消的voyage, 三個家庭帶幾個小孩子, 今時今日都似是mission impossible了!  唯有重睇你D遊記感受一下!
回覆 龍舌蘭 12-5-24 14:00
vincher: 係唔係唔加入好友,就看不到日誌呢???
好像是可以看啊.
回覆 One-Mama 12-5-24 21:49
龍舌蘭: 好像是可以看啊.
It depends on writer's security setting.  Some are restricted for friends only.
回覆 vincher 12-5-25 00:43
ANChan59: 唔係好識寫遊記,寫得唔好,請見諒。

記憶所及,隨心而寫,找著幾件感受較深的事作敘述。
已很好!讓我有親歷其境的感受!你很聰明,選一個一般人少去的地方!我遊覽嘅地方都唔少,你寫的地方及遊玩的方式,我未試過,題材確令我感興趣!
回覆 ANChan59 12-5-25 00:47
Thanks for your flattering comments.

More is coming...
回覆 vincher 12-5-25 21:02
期待!
回覆 LovelyPlanet 12-6-26 22:07
期待更多分享。

facelist

你需要登錄後才可以評論 登錄 | 註冊

Copyright c 2002 - 2018 Baby-Kingdom.com Limited, All Rights Reserved.
GMT+8, 18-11-20 00:31, Processed in 0.081993 second(s), 10 queries , Xcache On.