用戶登入
用戶名稱:
密      碼:
搜索

長沙灣天主教英文中學(長記) - 排長

熱度 15已有 3122 次閱讀 12-5-10 16:52 |個人分類:Others|系統分類:教育

cowboymama 想知道長記的長跑,越野及運動歷史,我都好願意分享長記如何由一間藉藉無名的普通地區英中,變成一間文武兼備的英文中學。我會講梁柏林老師(排長)及梅元碩校長對學校40年的貢獻及影響;配合香港天主教教區支持母語教學,自願由英中轉中中,又由中中上訴變回英中的故事。

排長跟我都是1972年進入長記,長記是1970年成立的新英中,由於在屋企附近,可以5分鐘返學又可以返屋企食午飯,當然是首選。

排長是畢業於臺灣國立體育師範大學,當年香港邊有咁多體育老師有大學學位呀。第一堂體育堂,排長召集40+個細路在他面前坐下來。他5'10"高,皮膚稍黑,身材健碩,古天樂似佢,若果在男女校或者女校肯定多人追佢....... 他開門見山問我們,你們知道400m有幾長,我地懶醒等於繞球場一個圈,跟住問800m........ 然後佢話今日你們會知道1500有幾長,我地既反應係唔係呀,第一堂跑1500m....... 佢就話之你,反對無效。

他將人生比喻為長跑,你們跑到800~1000m會面對你身體的第一個極限,慢慢跑,堅持落去,你會突破它,然後完成1500m。跟著他講你下個極限是2400m, 第三個極限..... 第四個極限........ 每次長跑,那些被突破的極限都會出現,經驗話你知,你已經突破它,越來用越少時間便擺脫極限向前跑。你們要有信念,你們可以突破自己的極限.........

跟著唔係跑,用佐不少時間做熱身、拉筋..... 然後分批出發,他拿著4尺長的籐條跟住我地,發覺我地"蛇皇",佢用籐條打過來,我地好辛苦完成人生的第一次1500m..... 落堂後,全身腰酸背痛慢慢行上課室,內心咒罵"正衰人......" (最抵死係他會講比我地知,邊組肌肉今日好痛,邊組肌肉明白重扯住扯住,第三日會鬆弛下來...... 咁似"沉默的羔羊".)

連續兩個星期,每星期都是跑兩堂1500m。到第三個星期,他有新花樣。他要我地由高排到矮,然後按高矮每人有一個目標,我既目標是6'10"完成1500m......... 你們咁聰明都知道,佢學我地d老細咁慢慢將時間縮短。

然後將距離加長,目標是大考前每人要完成7000m (即繞學校跑25個圈,40年後傳統依舊。),如果不能完成,無得考大考,他得到梅元碩校長的全力支持,我地變成無退路,如果唔上體育課,除非有醫生證明,點都要在運動場幫手計時。及後高中收女生,一樣有一年時間來練習,都要跑5000m。為應付跑步,好多同學會留校練跑,我地週末還會到石梨背水塘跑山練氣及體能,所以當年的長記仔平均d體能真係比喇沙仔及拔萃仔有過之而無不及。

我地一年體育課,未曾接觸個球類,只有跑步,田徑,體操,體能訓練........ 亦直接令我們在我中二時(1973),第一次參加天主教教區運動會全場第4名,自下一屆1975起(每兩年一屆),連續16屆的全場總冠軍,好多時是ABCD都是冠軍,其他學校只爭亞季軍。在學界坐即升機在1974年成為第一組別,兼奪得當年玫瑰杯最佳進步獎。2007到拔萃,見到當年打破拔萃及喇沙的壟斷,自己都好興奮,都有d眼濕濕........ 緊係唔比老婆知,唔係有排比佢笑。

由於我地無專門訓練都自己跑越野,後來有新體育老師加入對越野好有經驗,班學生自然超哂班,唔壟斷都好難,就算有學生走去其他名校,但長跑的運動員都陸續新人接舊人。

到中二開始操排球,籃球,跨欄,跳高,跳遠,鉛球,鐵餅......... 到中五學三樣絕學,
1. 田徑訓練法
2. 排球訓練法
3. 籃球訓練法
到大學時,當年唔駛牌,我在康體處都有教波,都幫輕我d零用錢及拍tall錢....

到現在班老鬼見面講開"排長"都又愛又恨,果幾年真係操到隻狗咁,但頑強鬥志,永不放棄,追尋突破....... 一身受用不盡。他用長跑來體現校訓 - "自強不息"..........

路過

雞蛋
6

鮮花

握手
4

雷人

剛表態過的朋友 (10 人)

發表評論 評論 (31 個評論)

回覆 Yanamami 12-5-10 18:43
運動員有驚人意志.
回覆 HY412 12-5-10 19:03
而家好多中學都採用此做法 ? 上次去黃笏南聽簡介會都好似升上F.1 就指定要操長跑.
回覆 ANChan59 12-5-10 19:20
What I mean is 40 years ago.
回覆 lillymarie 12-5-10 19:58
我係運動白痴,只試過在中大一年級體育必修學跑步,跑過2400米。當時真的體會乜野叫做“健步如飛”。現在長記還有這種體育課程嗎?
回覆 ANChan59 12-5-10 20:02
Yes, you can check wiki of CSWCSS, still a tradition.
回覆 vincher 12-5-10 22:55
難怪你是「人上人」!(0禁細個,已吃得苦中苦」)
ps: 本來今晚收心養性工作,給你呼召入伍!報到!前輩~~
回覆 ANChan59 12-5-10 22:57
先苦後甜......
回覆 Snakemama 12-5-11 02:52
初初以為「排長」係你同學添!
現在你還有跑步嗎?
回覆 ANChan59 12-5-11 06:55
少咗好多,時間及地區是問題所在。現在以跑步机代朁。
回覆 Sumyeema1 12-5-11 12:36
所以,我覺得男仔一定要堅持一樣運動
練就毅力
回覆 ANChan59 12-5-11 13:00
Yanamami: 運動員有驚人意志.
以前覺得無問題,現在講出來會比人笑.......傻瓜
回覆 One-Mama 12-5-11 13:21
比N個'LIKE' CSWCSS 排長, 校長, 校友及你!  好勵志的分享, 更令我想起'排球女將'既魔鬼教練tim.
回覆 annie40 12-5-11 13:31
排长简直是PE老师中的奇迹.  你们真好彩.  四十年后, 大家变左老饼, 想当年的威水史, 依然非常自豪. 其实任何人都可以考虑選择一些合适的运动.  是一生受用啊!
回覆 ANChan59 12-5-11 14:07
One-Mama: 比N個'LIKE' CSWCSS 排長, 校長, 校友及你!  好勵志的分享, 更令我想起'排球女將'既魔鬼教練tim.
現在條藤條出黎,一定比人告.......
回覆 ANChan59 12-5-11 14:43
annie40: 排长简直是PE老师中的奇迹.  你们真好彩.  四十年后, 大家变左老饼, 想当年的威水史, 依然非常自豪. 其实任何人都可以考虑選择一些合适的运动.  是一生受用啊! ...
你識排長?
回覆 Yanamami 12-5-11 15:36
ANChan59: 以前覺得無問題,現在講出來會比人笑.......傻瓜
yyyyy????? 邊個笑? 其實操乜都好辛苦.
回覆 annie40 12-5-11 15:40
我一早識排長就好啦.  从前的PE老师大部分当PE是闲科, 上堂几乎想教抛豆袋, 间接令班学生哥无D体能, 非常影响青少年的自信和体格.  四十年前有这类老师和校长, 罕见呢!
回覆 ANChan59 12-5-11 15:49
當我寫排長時,內心想同佢講,你當年班百厭仔,不少都出人頭地,唔係因為英中,唔係因為考試叻,唔係因為大學畢業,唔係因為順風順水........... 而係佢第一堂輕描淡寫的訓話 -

"他將人生比喻為長跑,你們跑到800~1000m會面對你身體的第一個極限,慢慢跑,堅持落去,你會突破它,然後完成1500m。跟著他講你下個極限是2400m, 第三個極限..... 第四個極限........ 每次長跑,那些被突破的極限都會出現,經驗話你知,你已經突破它,越來用越少時間便擺脫極限向前跑。你們要有信念,你們可以突破自己的極限........."

信念令我們超越障礙,建立自信,自強不息。
回覆 One-Mama 12-5-11 18:51
ANChan59: 現在條藤條出黎,一定比人告.......
哈!  我唯一一次比老師罰係用木間尺(可能年代唔同啦吓!) 仲要係行長屈我...     今時今日藤條未出, 細路自己都識打電話報警.
回覆 Yanamami 12-5-11 19:17
有時老師一句話, 真係可以改變一個年輕人既一生.

facelist

你需要登錄後才可以評論 登錄 | 註冊

Copyright c 2002 - 2018 Baby-Kingdom.com Limited, All Rights Reserved.
GMT+8, 18-11-21 14:34, Processed in 0.073673 second(s), 10 queries , Xcache On.