討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 我的首頁 › 日誌 › ANChan59的日誌

ANChan59: ANChan59的個人空間 › TA的所有日誌 › 查看日誌

[父親必讀] 另類親子方式 - 1

熱度 8已有 514 次閱讀 12-4-20 17:01 |個人分類:Parenting|系統分類:教育

兒子升讀G9的暑假，他化很長時間學砌電腦，因為太太應承他考完試，成績好會資助他，讓他暑假有d細藝。

他做好多網上搜集資訊，在 Forum 問/請教人，加上同學的實戰經驗，開始寫 wish-list 及做預算。在母親的"無限量"支持下，他開始在黃金，旺角及灣仔訂購部件，兩個星期後開始聯同三個同學，用左大半日就砌好成部機，裝好軟件，然後開始煲機及 tune 機，加風扇，加硬碟‧.............

點知過左兩個月，佢又成日去黃金，旺角及灣仔d電腦場。我同太太開始擔心，問佢做乜?????? 他又含糊其辭!!! 後來我私底下找佢傾下，了解下發生甚麼事。佢見我都係出於關心，唔似太太咁緊張，慢慢解釋兼帶我去了解黃金，旺角及灣仔d電腦場的運作。

他解釋砌電腦跟玩音響可以好花錢，他聽到好多人講到d顯示 card，底板要點要點......他開始用d中價貨，然後慢慢升級，有d用到 Military Standard，玩左一輪，佢發然有d性能及效果言過其實，佢開始出貨，響網上放售部份性價比比較差的部件。

佢教我點樣轉售，佢在討論區放聲氣，有人問津，佢會安排在msn傾價錢及交易方法。我擔心佢響地鐵站交易，會比人搶或者比人呃。佢話佢都擔心，所以佢用一d在黃金既交易服務，當佢響msn傾掂，佢會將Mother Board 用原裝包裝包裝好，連收據及配件交到黃金的交易中心。買家會到交易中心驗貨，滿意後先銀後貨，交易中心收取手續費，然後通知阿仔到交易中心收錢。有一日佢話有人問價，我坐響佢傍邊，睇佢點傾價錢，包乜唔包乜，搞掂左價錢，呢個大鄉里爸爸跟佢落交易中心，見佢點同交易中心交收，搞掂後，佢帶我行一轉，佢對黃金既認知比我高幾班。我只可以提醒他萬一黃金這些電腦場發生火警，點樣逃生及保護自己。

回家途中，我問佢Trade左一輪，用左幾多錢，佢話唔計媽咪d最初投入本金，佢執到少少錢兼玩左唔同既硬件，知道溢價，止蝕，diminishing return，風險管理，性價比 ...... 風水輪流轉，阿仔好似質錢入老豆個袋......

我學到唔少新知識及另類商業運作，可以有信心慢慢放手比阿仔楂主意，小朋友好似沉迷一樣嗜好或活動，佢地可能沉好耐亦可能幾個月而已，令我回想年少時，我都一樣沉其他野。我太太未必能接受他的Trading business，我就ok，比學校的買年宵贏面高好多。

我都明白，未必所有家長可以接受這種另類親子方式，試下看看亦無妨。

路過

雷人

握手

鮮花

雞蛋

剛表態過的朋友 (4 人)

收藏分享舉報

全部作者的其他最新日誌

熱門日誌導讀

發表評論評論 (18 個評論)

回覆 lillymarie 12-4-20 18:00: 我大囝曾經提過要在ebay放售他的LEGO零件，我當時無答應他。下次他若再提出，可以諗諗尤其想放售他的DS遊戲軟件！你囝囝果然有sense, 識得在交易中心交收。

回覆 ANChan59 12-4-20 19:05: lillymarie: 我大囝曾經提過要在ebay放售他的LEGO零件，我當時無答應他。下次他若再提出，可以諗諗尤其想放售他的DS遊戲軟件！你囝囝果然有sense, 識得在交易中心 ...
我都讚賞佢，太太知道後都好安樂。

我覺得呢d先係通識，生活化，無課本、無筆記、無考試及測驗、無model answer、有創意、資料搜集、有行動、有共鳴........... 比Business School 的 Entrepreneurship，Information Technology, e-Business, Marketing, 更實際

回覆 cowboymama 12-4-20 20:34: Ha ha! Better enter LSE la!! Give your son 10000 Likes again!

回覆 Yanamami 12-4-20 21:05: 乘機同佢溝通下. 話父母的(過份)緊張表現源於unknown. 若果佢可以坦白d(都明佢會擔心父母反對) 就會得到支持. 就好似而家禁. 其實只要小朋友越令父母明白佢地知自己做緊乜而又handle到, 父母就越放心放手.

回覆 ANChan59 12-4-20 21:08: If LSE takes him now, I pay, done deal.... No question ask.

I always think he is a business genesis, take Medicine is not the best move.

回覆 ANChan59 12-4-20 21:10: Yanamami: 乘機同佢溝通下. 話父母的(過份)緊張表現源於unknown. 若果佢可以坦白d(都明佢會擔心父母反對) 就會得到支持. 就好似而家禁. 其實只要小朋友越令父母明白佢地 ...
係呀，全中呀。兩夫妻都係呀!

回覆 One-Mama 12-4-21 14:01: 適時放手+適度信任+適當溝通 = 無限回報
誰說養育孩子是一項0回報的投資, 似乎你兩'老'才是business genesis.

回覆 ANChan59 12-4-21 14:08: 並非計劃內，有半被迫，有d誤打誤撞，有弟兄姊妹支持.......

生命可能有點不確定性，才活得更精彩!!!

回覆 vincher 12-4-21 20:56: 有意思!呢D嘢書本學唔到!

回覆 lillymarie 12-4-21 21:02: ANChan59: If LSE takes him now, I pay, done deal.... No question ask.

I always think he is a business genesis, take Medicine is not the best move.
我都係咁諗呀，但老公話好多醫生都好識搵錢，無衝突。

回覆 ANChan59 12-4-21 21:49: lillymarie: 我都係咁諗呀，但老公話好多醫生都好識搵錢，無衝突。
What's your hubby's comment after reading this few blogs?

回覆 HY412 12-4-22 00:24: 我囡囡沉迷網上繪畫/網頁製作/打機....我工作上需要用 Power Point, 好多時我都扮唔識問佢, 從而交流+溝通.....

回覆 lillymarie 12-4-22 10:19: ANChan59: What's your hubby's comment after reading this few blogs?
兩個字“羡慕”！

回覆 ANChan59 12-4-22 10:36: 我擔心太出位，未必個個可接受，我有d朋友會覺得太早讓他接觸生意唔多好。我寧願他在我們觀察下，小心嘗試又何妨。到大咗，我哋睇唔到，可能重大鑊。

去番基本問題，妳敢唔敢試？

回覆 lillymarie 12-4-22 14:13: 我有位朋友的兒子，真的天天在房內搞電腦，替人寫程式或做功課，但他的父母和他關係好差，雙方不信任對方，以上只是孩子說的，朋友根本就不知道是否真的。所以，你兒子讓你參與他的買賣，肯定是你努力和他保持良好溝通的成果。如果我兒子說要做買賣，我估我會抄你的做法，先叫佢搜集資料，做個計劃給我，我們一起去進行。最近我小兒子就說想養lizard as pet, 我就叫他先搜集資料，告訴我要怎樣去養才再考慮。單是問了這問題，他已把這想法擱置了，哈哈！

回覆 ANChan59 12-4-22 14:18: 以進為退，掂呀！！

回覆 vincher 12-4-23 19:59: 如果發生在我兒身上，他也會打退堂鼓!做事三分鈡熱度，一遇上困難，便放棄!唉!

回覆 ANChan59 12-4-27 17:20: vincher: 如果發生在我兒身上，他也會打退堂鼓!做事三分鈡熱度，一遇上困難，便放棄!唉!
小朋友係要鼓勵架，幫佢跳出舒服地帶(Comfort Zone)啦！

教育王國

幼兒教育

小學教育

中學教育

專上教育

國際教育

特殊教育

知識增值

徵求專區

關閉 安全驗證

[父親必讀] 另類親子方式 - 1

剛表態過的朋友 (4 人)

全部作者的其他最新日誌

熱門日誌導讀

發表評論 評論 (18 個評論)

關閉安全驗證

發表評論評論 (18 個評論)