熱度 4||
英倫系列 - 3。 就業市場
如果去英國搵工,不同行業,不同工種係會有很大的差異,有些很差,有些很好,兩者都係正確,都係真有其事,偏向任何一邊都不一定正確。
我不會逐個案例講,只係概恬性講一講。
1。去之前已經知道不容易找到對口香港的工作,同時知道人工會少很多。例子係醫護人員,教師講師,銀行管理人員(retail and corporate )。醫護人員考完牌實習期可以係香港四份之一到三份之一。英國本土醫護人員都會移民海外,肯定係英語系,包括澳洲,加拿大及美國。
2。 願意放下身段由基層做起,例如在酒店做執房,在超市、貨倉做執貨。這類工作以前是歐洲基層移民或者工人嘅工作。多數都係騎牛搵馬,一年半載,都會找到更好嘅出路。如果唔肯放下身段,時常懷念過去,係會好辛苦,回流機會最高。我見過一個CEO的下屬,香港係講師級別,臨走聯絡CEO講再見,CEO介紹兩個教會朋友給他認識。他先做酒店執房,太太教琴,現在買咗樓。因為英國今年開始吸納香港教師,申請緊牌照,開學前應該會搞掂。他特別從佰明翰來倫敦跟我們吃午飯。
3。較幸運嘅係英國就業市場搶嘅人才,多數都係國際專業人士,香港可能吃香或者不吃香,但在英國找到對口工作,而且人工也不低,部份比香港還高。這批人很多揸BC,而不是BNO + 1,他們較瞭解英國情況,例如父母或兄姊在英國讀書或者工作,較多真實資訊。
4。 電腦專業人士,見到幾個有做Fintech,有做初創企業。做Fintech嘅係世界第二大Fintech system 公司,其實以前係電腦系統公司專做銀行,個世姪間公司專做債卷交易系統,他做system integration ,做咗差不多5年,一直work from home。初創公司原本出自港大,因為香港集員不易,三年多前成間公司搬咗去倫敦,部份香港同事在香港remote 做programming,倫敦較多係front line 及集資。疫情嚴重嘅時候,生意反而更好。阿仔過去時,接機就係這間公司嘅DBS同學,老闆都係 DB仔。
5。入到對口工作,但職位係低一級,有些係因為冇英國經驗,或者轉過行,再入返行。有些係公司冇對等嘅headcount,低一級先有位,咁就睇你企得幾硬,同埋有冇時間去搵,抑或騎牛搵馬先,做一兩年升唔到再轉。
有個特別例子,阿仔升大四暑假有兩份interns,一份去Wall Street,另一份都係4大,做cyber security。當時帶佢個AM竟然又去咗現在阿仔間公司,做返cyber security consultancy。最近係公司撞到,大家好興奮因為當年係佢叫阿仔申請return offer,partner interview 之後搞掂,最後係HR搞錯。他再見返阿仔,知佢已經係AD,他也為阿仔高興。原來當時果條team,總共四個已經來咗倫敦,最後大家聚一聚。
6。香港冷門行業,但係英國或者歐洲係搶手工作,咁你就好彩。真係可遇不可求!
7。白領轉藍領,肯咁做嘅兩三個都係生活唔錯,因為英國人及歐洲人冇香港人咁鄙視藍領,工作環境,工時,工資都係俾香港優勝。
8。CEO個別屬下入咗大學做AO,因為在香港做行政或者在總部做special project,他們就吃香,教書反而唔吃香,跟香港不同調。
9。歐盟過嚟英國搵工都唔難,但係要知門路,德國仔係由Frankfurt 公司見到倫敦有位轉過來。阿仔要支援歐洲,包括德國。德國仔俾到一些料佢,例如technical 冇問題,但係有些terminology在德國跟英國及香港不同,要多啲留意。
10。倫敦的人都會四圍走,一個有幫開阿仔嘅M剛剛辭職,他申請咗另一間4大去東京工作一兩年,因為喜歡日本文化。阿仔提咗佢,去日本旅行就好,做工就真係嘛嘛。
阿仔幫佢開口問上面有冇機會東京分公司有位,讓佢當作posting,1-2年後返嚟,因為他是本土人之中最醒,應該留佢,最後終於搵到個manager 位收留佢。不過,阿仔提醒佢啲日文係social 可以,如果係 business 日文要小心的,係唔同嘅。不過,阿仔覺得佢暫時聽唔入耳,撞嚇板先知乜嘢事。