英倫系列2 - 交通費用，能源費用，生活費及一般消費

英倫系列2 - 交通費用，能源費用，生活費及一般消費

很多人講英國能源費用，生活費用這年半升得很高，看年度對比係事實嚟嘅。我去住咗3個星期，我反而覺得交通費雖然過往一年冇乜增加，但係對一般上班族的日常支出反而更明顯。如果住zone 5以外，每日來回交通費可以十多鎊。

能源費用跟生活習慣式式相關，例如用香港開冷氣，暖氣習慣用於其他國家，肯定好貴，因為係香港係濫用。我們有好多時晚上係5-8度，無需要開暖氣，阿仔講在冬天落雪，他都冇開過暖氣。因為冇冷氣，所以開風扇。

他現在住的apartment 算新，10年左右，能源效益評級為C，最高係A。原本2023年開始所有出租單位能源效益評級不能低於C，因為疫情關係，現在推到2025。香港人在外地買屋，租樓貪平，冇乜考慮能源效益，所以能源費用不受控。

阿仔去年四月跟能源公司簽約，今年四月轉左去另一間，能源費用再下跌一截，香港報紙係唔會報導嘅。

交通費用以zone 為單位，本zone 唔算貴，一鎊半左右，跨zone 就跳得好快＇單程車費點都比香港貴，用Oyster 咭坐地鐵火車可以封頂，每日最高7鎊。

地鐵WiFi 網絡好差，很多舊站舊線根本冇信號，新的地鐵線好好多，例如 Jubilee Line, Elizabeth Line 就大部份站都收得到。最大好處係唔需要要成日揸住部手機。

食物食材費用我個人覺得唔貴，而且新鮮，特別係香港進口貴嘅食材，英國及歐洲會較便宜，質量更好。例如牛羊雞，奶類及製品，但係雞蛋最近貴咗，而且要限購，但貨架仍然有貨。

出外用膳係相對貴嘅，因為人工，加咗VAT及如果餐廳另加小費，10-15%不等。去到Petrus by Gordon Ramsey ，小貴係15 ％，我覺得比美國低及文明d。Petrus 晚餐 premiere set dinner 180鎊，wine pairing 120鎊，加埋VAT，小費，你自己想清楚先訂位。

經濟d嘅，我覺得15-25鎊一個人都係ok嘅，main course 加個飲品或者酒，都係唔錯。食得兩個星期已經知道邊間得，邊間唔得。最後都係要自己煮幾餐。

我跟阿仔買咗d工具，教他一些簡單維修，不用下下都要求師傅，等到蚊瞓。

他一個人住，租金，加管理費，加council tax ，加生活費，能源費用，出外食飯，撇除Arsenal 季票，每個月約2300-2500鎊。

咁有冇錢剩？當然有啦。