倫敦生活 1 - 搵工篇

倫敦生活 1 - 搵工篇

倫敦生活 1 - 搵工篇

倫敦生活 1 - 搵工篇

倫敦生活 1 - 搵工篇

倫敦生活 1 - 搵工篇


這个系列內容冇乜敏感嘅嘢，只係就最近更留意倫敦的人與事，略略講一些資訊及看法。當然題目可以非常廣泛，我只講自己或家人的相關及可信性較高的資料。

部分網友知道我兒子在四月份去了倫敦做金融行業的顧問工作。所以有些更準確的資料。

英國、倫敦搵工易唔易？答案係什麼行業？你什麼背景？

兒子十多個同學、同事、朋友在倫敦，主要是金融、科技及法律。前兩者好易，差唔多兩三個月已經有不錯的offers，不錯是指相關性，職級，待遇及發展前景。後者要考試，要時間。

待遇跟香港差不多，或者高些，個別會低些因為工種及經驗長短。如果除稅之後可能比香港低，tax bracket 越高，越略低。但你如果考慮埋租金、房價又不同了。接近香港的地點及設施工租金在倫敦跟香港旺區比較會平一半，如果大家離開中心區，差異更大。如果賣樓倫敦中心區約要不食不住10年香港要24年。

咁大家計清入息，除稅，減埋最大的開支 一 租金或者房貸，咁樣大家就知道 net disposable income, 遠赴重洋是否值得？當然你再計埋每周工作時數，咁就反映部份生活質素了。

兒子識得不少會計師及稅務專業人士，所以英國係有好多不同的稅項減免及優惠，不過你要係英籍，或者5+1之後才可以享受。項目比香港多，有些事情要預早安排。他有幾個月在香港及英國準備，可以小心計劃，不用走太多弯路。

兒子建議如果想早點安排工作，可以在香港先搵英國工作，LinkedIn 係好方便，你將setting 改為英國或者倫敦，溫哥華，紐約，你會有機會很快就有獵頭公司，或者推送給你的相關及你目標的工作。兒子轉settings 到有第一個接觸係12小時。

因為疫情關係，現在網上見工非常普遍，係千載難逢嘅機會，而且英國公司幾想吸引BNO持有人，等3至6個月係可以嘅。又不用飛過去面試，點解唔試吓運氣。兒子係到倫敦前已經有兩個offer 係手。

有一點大家要考慮清楚，英國對入職前的背景審查，比香港詳盡及慢，要等6-8個星期。你收到嘅offer 生效係建基背景審查結果冇問題。審查集中刑事案底及個人信貸評級，特別是投行，fund house，banks，很嚴格。如果在香港經常碌爆卡，俾min pay，你自已就明白點解會難搵到工。香港乜都唔理唔查，碌爆卡係幾普遍，但外國是另一回事。

為什麼同樣在金融業，有些人未到埗已經有offers，為什麼你見過N份工9-12個月都冇offer，咁就要自己瞭解自己在香港上到這個位係什麼原因，靠實力？靠勤力？抑或人際關係？

英國通常2-3次面試，管理層第一關通常考technical，開始case interview最普遍，然後walk through 你的工作經驗，較香港認真細緻，問題較多know why >> know how。你如果d嘢唔通唔實淨，老細話點你就點，係香港可能過到，在英國就未必。自己細心咀嚼這一段！

點樣 articulate 個答案，點樣突出個答案或者個人風格？咁就睇自己的實力及信心。兒子有很多不同見工經驗，全部都是獵頭公司轉介。幾年下來身經百戰，就算未必去，見見無妨，可以更瞭解不同公司的需求，搵人重點、profile，成功失敗都要反思，調整，改善。

他見過兩間最top嘅投行，問好多市場，經濟的資訊，同時問你嘅看法，分析，照搬傳媒嘅料係0分。於是很早已經養成習慣，睇一段新聞，會自己思考問題，同意？不同意？漏洞？反方向？這種沈澱係要時間，出來的效果真的係be yourself，唔係me too 的標準答案。現實世界標準答案係0分，因為個個都應該識，So what? Any more? 

Volatility 的面試題目，你答大路嘢？或者講出這份調查的盲點？特別份調查報告係這個老細個部門出嘅，你睇完，消化，輕描淡寫指出盲點，不過火，你係老細，你點睇？

上面寫的不是曬命，係讓大家想得深入些，求職、面試、offer、取捨之間也是很多學問，大家交流一下！