賣喼者言
熱度 6已有 229 次閱讀
22-5-4 11:15
|系統分類:生活點滴
賣喼者言
因為又要回歸大灣區為祖國建設,可能要國內飛啦,要買一個上得飛機嘅普通喼。
去到一間店舖見到好多人,於是我就四圍再看看,可能鋪租貴,這種店在那區只有一間。於是行返轉頭去睇。
進去人少咗d,最後很快買到一個,到俾錢的時候,跟老闆及老闆娘搭訕。
我:為什麼咁多人買喼,去日本玩?
他說:不是,絕大部份是移民,去英國及加拿大。
我問:這些國家好難搵工㗎噃,可能要洗大餅?
他:不是,你估80年代咩,我哋圍村人,真係去洗大餅,現在不同了,很多是年青專業人士,會計師、律師、精算師…..
我:他們未有工作就夠膽過去搏,搵唔到工都几大壓力。
他:你唔知道啦,我隔離屋個后生仔係精算師,我同樣有你的問題,他解釋係獵頭公司搵佢,係有工作才過去。
(我心諗呢個阿叔都几in,連精算師,獵頭公司都識講。)
他:香港政府搞成咁,同村有些兄弟最後決定都過去英國帶孫仔,以前點勸都勸唔到佢去,最後死心了…..
我:唔係咁誇嗎?
他:我都估唔到香港轉成這樣,我冇人冇物,不然的話,我都想走⋯⋯
我冇問是否去大灣區!