用戶登入
用戶名稱:
密      碼:
搜索

睇育、體育和教育

熱度 1已有 252 次閱讀 18-1-20 06:57 |系統分類:教育

summer of 2017,深圳世界之窗慶祝香港二十周年回歸有入門優惠,lum住去滑雪和溜冰,於是在utube 找些教學睇,一來慳好多,二來又學到英文,一石二鳥,但事實係有些動作是頗subtle,冇教練指點唔係咁易get 到,咁啱早前有網友po 左康民處活動網上報名資訊,報報下就一星期六日填滿,for this po, 我把它們分為四類:

a) 自生自滅:任教練教,父母完全處身自外

b) 守望相助(睇下有乜幫到):主要教練教,父母 more like a coach 在旁提供意見,安排訓練/練習

c) 同甘共苦:父/母和小朋友一起學,以朋友身分分享一些心得

d) 紙上談兵:父母做了passenger seat driver,在小朋友旁指指點點,u should do this, shouldnt do that.  又或只叫小朋友做好些,但沒有具體講出需要做什麼和如何做

interim result

a) 可能是沒有玩伴和或目標的關係,就算原本自己喜歡的項目和老師說進度ok,但問到升班否就話不想再學。這是一個啟示,is it wise for parents to be completely hands off? 另一個活動,因為教練hea 教,小朋友原本有興趣,就咁未殺了。

b) 幸運地有一項活動抽中兩個班,一個教練惡,另一個較溫柔,後者當然小朋友較受落,於是課程完結就找佢C中,雖然under nice 教練,進度較慢(因為佢唔會迫d學生)但進步還是有的和至少小朋友can maintain interest,聽到上堂亦很雀躍,總好過一些朋友上親堂都黑口黑面,貼錢買難受。

c) 其中一項活動因為有後補位,送上堂後橫dim都係等,於是就報埋一份,先發現原來一些動作實在不易做到,當我找到竅門時我以朋友身分咁分享:做到la,我發現lei...,跌倒呢,就大叫哎喲一聲,邊到跌倒邊到起番身再試,有時有些地方在堂上未掌握到,就之後找時間去練,仲加句:我一定要做到先心息。其餘要執的地方,我就等教練做醜人,免得自己勞氣傷感情。這活動在烈日下進行,小朋友經常投訴太辛苦,但佢辛苦時我都辛苦,no excuse,上完堂後買支冷凍汽水cool down和獎勵。overall,小朋友都達到先前訂下的目標,不過就話唔想再學,當然我就要spin 下話至少e加學識左第時有朋友約佢去玩都可參與下。

d) 小朋友遇到困難找不到方法解決,父母又不亮解,自然會厭惡甚至放棄

後感

運動的好處除了強身健體外,亦可讓孩子挑戰困難,學會如何衝破自己極限,開始明白為何小學咁喜歡「一體藝」,可惜一些父母誤解了原意。凡事要做好,練習是宇宙定律,一些身邊例子out source 去興趣班,每星期一堂,happy learning,然後等運到,大多一事無成,浪費光陰,另一邊廂,家長從旁協助安排合適訓練,定立目標,現已飛上枝頭變鳳凰 ,得到神校垂青。所以世界冇free lunch,成功需苦幹,work hard 外仲要work smart,不時反思如何做得更好,觀察和模仿成功人士的秘訣,咁啱今年學校個theme要學生反思,又可借題發揮下。

小朋友有興趣的話,自然事半功倍,但若做不到教練要求,很容易便會放棄,其中一項活動,因為之前有在utube看教學和自學,所以很快上手。反思一下其實早教是否真的咁怪獸,事實上e加有flipped classroom,傳統小學會要求學生預習, 大人去job interview都會find out 間公司資料,at the end, its the intention that matters。

行過神山的會知什麼叫acclimatization,父母間唔中可引導子女定較高、跨越他們能力少少的目標,又或者做一些平常唔敢做的事情,例如馬拉松、獨木舟反艇、rock climbing、bmx 衝落山,每樣做一次就得,但做下做下就發現原來自己好多野都做到。

體育和學業有不少共通點,首先熟能生巧,練習少不免,第二,小朋友跟到課程,冇乜壓力下自然愉快學習,第三,當遇到障礙時就要找方法解決,邊度跌倒邊到起番身,年紀小要父母幫下好正常。當有了足夠成功經驗,希望找到the holy grail:在把不喜歡的事情也盡全力做得最好,not going to let anything to get in the way to reach the goal。

最後,運動前後要拉肋,返學就要足夠睡眠。運動須要carb 和水,腦子也是。有些動作,需要某飢肉的張力,盲目死練冇用的,有經驗的導師會教做appropriate cross training,學業也一樣,基礎概念不穩,死操補充練習不能更上一層樓。


路過

雷人
1

握手

鮮花

雞蛋

剛表態過的朋友 (1 人)

評論 (0 個評論)

facelist

你需要登錄後才可以評論 登錄 | 註冊

Copyright c 2002 - 2024 Baby-Kingdom.com Limited, All Rights Reserved.
GMT+8, 24-3-29 16:31, Processed in 0.229340 second(s), 9 queries , Redis On.