用戶登入
用戶名稱:
密      碼:
搜索

潮流興驗資優

熱度 11已有 861 次閱讀 16-6-18 22:52 |系統分類:教育

我真係唔係好明。2歲又驗資優,孤癖又驗資優,坐唔定又驗資優,邊得嚟咁多資優?最弊係啲家長連香港/學校有咩支援都唔find out就盲目咁話驗。與其徙錢俾個CP話你聽可以點教仔,不如俾啲心機自己鑽研下點樣教小朋友。喜歡嘅,當佢資優咁教囉。

我無可避免咁覺得大部分家長只係想驗完後好似免費多咗個人哋買唔到嘅限量版Birkin,或者有咩「依郁」就話自己個資優小朋友喺學校無支援所以咪「曳、懶、失控」囉。
1

路過

雷人
7

握手

鮮花

雞蛋

剛表態過的朋友 (8 人)

發表評論 評論 (41 個評論)

回覆 lillymarie 16-6-19 05:41
有些人喜歡幫小朋友度高亦有類似的心理
回覆 cowmoon 16-6-19 09:28
可能香港是比較多資優生?
回覆 cowmoon 16-6-19 09:31
其實好多這些想法一到小學就沒有了。學業成績才是「王道」。有誰會理會你 IQ 有幾好?名次才是真實。
回覆 ANChan59 16-6-19 09:46
What is Birkin?
回覆 beastiebistro 16-6-19 11:20
ANChan59: What is Birkin?
名牌手袋是也
回覆 beastiebistro 16-6-19 11:22
lillymarie: 有些人喜歡幫小朋友度高亦有類似的心理
也是。不過度高for自己,度資優for炫耀。
回覆 beastiebistro 16-6-19 11:30
cowmoon: 其實好多這些想法一到小學就沒有了。學業成績才是「王道」。有誰會理會你 IQ 有幾好?名次才是真實。
最弊係有好多好似我另一個post咁講,以為資優一定等於績優,諗住2歲驗咗係資優,以後仲唔年年攞第一?到小學時發現唔係,又鬧個小朋友,又鬧學校先生唔識教糟蹋咗自己小朋友,又覺得係社會嘅錯...

所以我都係話與其徙錢徙時間check,不如徙多少少心機自己諗吓點教好小朋友仲實際。時下家長真係太虛榮喇。
回覆 ANChan59 16-6-19 11:44
也不一定是太虛榮,有好大機會無知!

正如你所講,網上有不少資料,肯化少少心機就可以幫助到小朋友,亦知道細於五歲以下的數據沒有代表性。

好多人忽略了 IQ score 是 snap shot, 並不代表測試後的 IQ score,誤會是終生保證。
回覆 ANChan59 16-6-19 11:45
這個潮流興咗超過十多年,當時是用來升小學之用。
回覆 beastiebistro 16-6-19 11:51
ANChan59: 這個潮流興咗超過十多年,當時是用來升小學之用。
都係,不過可能我心地唔好,覺得越嚟越變態。好似啲家長(獎狀)集郵咁,點都要有份資優報告防身。
回覆 Radiomama 16-6-19 13:24
有同感;不過亦發現香港的確好多資優生,可能與早教有關。
回覆 lillymarie 16-6-19 14:15
beastiebistro: 也是。不過度高for自己,度資優for炫耀。
以前新年幾個家庭聚埋一齊,我地幾位表姐妹常被大人拿去度高,看看誰最高,自己女兒不夠別人高就總是酸酸的。我當年心裏覺得她們好無聊呢!
回覆 lillymarie 16-6-19 14:32
其實我有點疑惑究意行為問題幾多是源自家庭?幾多是因為資優?

有時和朋友講起兒子在家常挑戰我教訓我,朋友總說這些事一定不會發生在她身上。自我反省,或許是我自己不夠嚴格,為了給他發言的空間,去令他變得不夠禮貎。
回覆 ANChan59 16-6-19 14:53
我阿仔做咗兩次,第一次四歲半,第二次已經七歳半。

第一次因為學習遲緩,第二次懷疑資優,好矛盾!
回覆 Yanamami 16-6-19 16:20
細女幼稚園時有朋友叫我帶佢去check, 小学又有朋友叫我去,不过都唔洗去,反正係与唔係我都係禁教~若然check到係,我都唔曉栽培,正所謂-支鲜花插在xx上,所以都係算吧啦~我感覺上佢只係醒目少少而矣。
回覆 beastiebistro 16-6-19 18:37
lillymarie: 以前新年幾個家庭聚埋一齊,我地幾位表姐妹常被大人拿去度高,看看誰最高,自己女兒不夠別人高就總是酸酸的。我當年心裏覺得她們好無聊呢! ...
   正是無聊!
回覆 beastiebistro 16-6-19 18:39
Radiomama: 有同感;不過亦發現香港的確好多資優生,可能與早教有關。
我都覺早教有影響。我其實針對動機問題。有啲早教都係為咗要威。可能我個人比較cynical。
回覆 beastiebistro 16-6-19 18:50
ANChan59: 我阿仔做咗兩次,第一次四歲半,第二次已經七歳半。

第一次因為學習遲緩,第二次懷疑資優,好矛盾!
我覺得有疑似學習、行為、心理及生理問題,絕對應該盡早求助,不過唔係乜都關資優事。

講到尾都係動機問題。我見出面好多真係淨係話邊個邊個覺得佢個小朋友係問check唔check好,根本連資優係乜都未搞清楚。好難convince人唔係為集郵而驗。
回覆 beastiebistro 16-6-19 19:00
Yanamami: 細女幼稚園時有朋友叫我帶佢去check, 小学又有朋友叫我去,不过都唔洗去,反正係与唔係我都係禁教~若然check到係,我都唔曉栽培,正所謂-支鲜花插在xx上,所以 ...
其實我都唔應該咁大聲話人,我仔都有check。不過我動機唔係炫耀,從來無同人講過我仔係資優。

我係出面資優帖都講咗一次我check係誤以為對報某啲資優course有幫助(當然係我自己research不足啦)。我好好彩,個仔無任何行為問題,所以我覺得俾嗰幾千銀係最徙我錢嘅一個支出。個CP由頭到尾無講過一樣係我唔知嘅野,佢提出嘅教育方式正正係我自己做緊嘅野,我覺得驗咗毫無得著。

有感而發啫。
回覆 beastiebistro 16-6-19 19:10
lillymarie: 其實我有點疑惑究意行為問題幾多是源自家庭?幾多是因為資優?

有時和朋友講起兒子在家常挑戰我教訓我,朋友總說這些事一定不會發生在她身上。自我反省,或許是 ...
無辦法,針無兩頭利。我傾向覺得小朋友生出嚟係白紙,需要programme的。Input有好多種,包括家長自己,朋輩,長輩,幫傭,電視,電腦遊戲等。我想佢哋有我認為必需要嘅價值觀,所以我對小朋友5歲之前有近乎獨裁式嘅要求,絕對無討價還價嘅空間,之後再逐年慢慢放寬。我啲朋友覺得我係變態嘅,不過我好少理,亦見薄有成效。

facelist

你需要登錄後才可以評論 登錄 | 註冊

Copyright c 2002 - 2024 Baby-Kingdom.com Limited, All Rights Reserved.
GMT+8, 24-3-28 20:41, Processed in 0.437744 second(s), 10 queries , Redis On.