繼續發揮「小宇宙」，數、理、化、電腦都提前參加英國奧林匹克比賽，執到幾個金獎。語文繼續深化，攞埋德文詩詞演繹冠軍。運動就轉咗玩柔道（好彩英國寄宿學校有豐富資源，真係好多唔同嘢試同玩，玩悶一樣隨時可以轉軌道）。呀，仲有，唯一一個東方人走去school play試鏡，結果分到一個叫做有幾句對白嘅路人甲角色。雖然係二打六，不過學校係超級認真。所有演員無論有冇對白，有幾重戲份，都會度身訂做戲服。所以佢都可以正正經經做一個莎翁「仲夏夜之夢」嘅妖精。

最值得講係佢夾埋一個志同道合嘅同學創立咗個人工智能學會。（又係英國寄宿學校嘅特點，無論咩年紀，只要有熱誠有計劃，搵到老師肯支持，學校咩都俾你搞。仲會提供場地、資金、配套令事情盡量發展得最好）。十月創會，自己招收會員，自己寫信邀請大學教授嚟學校演講，自己寫信邀請AI企業CEO／研發人員開研討會。最後自己計劃安排一場community outreach programme，寫信邀請兩間附近小學派出學生，佢哋教啲小朋友基本Machine learning原理同玩比賽，仲有禮物同證書。對一個15歲嘅小朋友嚟講，咩都自己落手落腳搞（老師完全放手），真係不可多得嘅機會（我諗喺香港都幾難，就算有機會都唔係同一個規模）。

女

個女唔同阿哥，原本係撬唔開口嘅人，都有少少擔心去寄宿會冇咁適應。而且喺香港成績頂多算中游，唔知佢會讀成點。

其實一切擔心都係多餘嘅，又係生活超開心，一大班朋友攬頭攬頸。

英國寄宿學校（尤其係老牌同埋local reputation比較高啲嘅）另一樣過人之處就係資源充足，科科都分set，科科都小班教學。老師真係好容易掌握學生程度，從而作出相應處理。阿女初入學樣樣都係中間set（其實佢數理不嬲都比較弱），唔知係咪水土問題，抑或生活開心，第一個term尾，個數學老師同物理老師喺家長日同我講佢數理咁強，冇理由唔係top set，我都唔知點應對。結果第二個term轉咗去top set之後，搵到晒信心and she never looked back。變咗係top set嘅中流砥柱。

視覺藝術不嬲都係阿女強項，去到學校真係又如魚得水（諗唔到個更貼切嘅形容詞）。個視覺藝術大樓幾層高，物料、設備、空間都係香港冇得比嘅，最重要係學校有邀請resident artist長駐學校同有興趣學生交流，更加難得。

西班牙文係初學，但係老師又超夾，所以進展神速。

學校真係好識照顧女生，而且始終係全歐洲最多full boarding女生嘅學校，週末活動真係多羅羅，又夠多人一齊玩。一時又會成級走去Bristol shopping，一時又安排weekend去摘士多啤梨，一時又hand made fashion show，一時又瑜伽，一時又movie & pizza night，一時又pamper weekend一齊做facial，一時又dress up day，一時又adventure weekend... 真係不亦樂乎。唯一係希望佢唔好嘥咗啲機會，多啲參與各項活動。

睇嚟兩個都讀得開心，所以電話都唔多個。

路過

雷人

握手

鮮花

雞蛋

剛表態過的朋友 (6 人)

收藏分享舉報

全部作者的其他最新日誌

熱門日誌導讀

發表評論評論 (21 個評論)

回覆 ANChan59 22-7-11 09:28: 恭喜恭喜

回覆 ANChan59 22-7-11 09:29: EK食咗我几段嘢！

回覆 ANChan59 22-7-11 09:58: 我有三個問題請教你：

1. 如果你兒子在其他小學中學受教育，例如你的母校，你覺得你兒子的成長速度是否差不多？

2. 你是否同意你兒子成長中的最重要伯樂或者game changer是你，而不是學校或者老師們？

3．你覺得按現在他的軌跡，他將來讀什麼？做什麼？都不是問題。因為有些特質已經形成，做什麼都可以應付到？

第三點我講得有些含糊，我只係想對比一下。因為N年前CEO入教育界之前在MNC是高層，她們請的MT係good first degree，MBA + 兩年經驗。幾年過去，她也個別經理發現，最top 幾個，無獨有偶中學時都係在英國讀寄宿學校，然後在英美讀大學。

回覆 beastiebistro 22-7-11 10:14: ANChan59: 恭喜恭喜

回覆 beastiebistro 22-7-11 10:44: ANChan59: 我有三個問題請教你：

1. 如果你兒子在其他小學中學受教育，例如你的母校，你覺得你兒子的成長速度是否差不多？

2. 你是否同意你兒子成長中的最重要伯樂或者ga ...
多謝陳sir肯花時間交流。

我諗我暫時嘅答案係：

1. 我認為如果我兒在其他學校接受教育（例如我母校），大方向可能差不多，不過細緻上就可能大不同。我認為其實真正教育主要睇家長，學校只不過係provide一個良好學習環境同埋部分材料。整體發展速度可能分別不大，不過拔萃因為係直資，配套／選擇／空間（同時指硬件同埋軟件）都多好多，即係材料足啲，所以我認為細節上豐富好多。

2. 好似上面咁講，其實我根本認為教育係家長嘅責任而唔係學校。我唔敢認叻話我係伯樂，不過我認為我花費喺教育小朋友（同埋諗點樣教育小朋友）嘅時間唔會比其他人少，分分鐘多過一大部份人。我認為付出同收穫係成正比嘅，而且家長搞好咗小朋友嘅態度（對人生唔係淨係對學習）同埋價值觀，其他嘢自然會follow。我極之唔同意某啲網友話放養，但係我又唔係相反嘅虎爸／直升機／八爪魚家長。

3. 對，我認為價值觀同處世態度已經成形，我對佢哋將來已經完全唔擔心。其實喺年結我冇分享，不過呢兩年疫症影響到仔女都唔可以返香港，要留喺英國guardian安排嘅唔同homestay到。我最恩惠嘅係每一個收留過佢哋嘅homestay都話佢哋係最有禮貌／最乾淨／最肯主動幫手做家務／最肯溝通傾偈嘅小朋友，每一個homestay都爭住話要佢哋再去住（寧願要佢哋都唔要其他人）。我認為佢哋應該去任何地方做任何事都會適應到，咁無論喺邊做咩生活都應該愉快。

其實英國寄宿中學我認為係最好嘅打磨器。原本有菱角嘅人會磨得更圓滑，原本有材料嘅人會磨得更閃閃發光，原本埋藏咗嘅能力會磨返出嚟。當然一樣米養百樣人，都有case係越磨越差，或者磨極都磨唔光，咁其實分別就係家長有冇盡責喇。

都係我個人睇法啦，唔知陳sir點睇呢？

回覆 ANChan59 22-7-11 12:45: 我去了成都旅游，回酒店才复你。

回覆 beastiebistro 22-7-11 12:46: ANChan59: 我去了成都旅游，回酒店才复你。
陳sir旅遊愉快

回覆 ANChan59 22-7-11 17:38: 大家交流一下，我係覺得之前看你安排寄宿學校，大家見面傾得深入些，再上你的年結，及在EK大海你的分享，我認為你對教育子女的方式跟大部份家長不一樣，較另類，所問得深入些。

你回應第一個問題，跟我的經驗相近，因為在兒子入學頭3年，我聽過不止一次師兄及老師分別說過，入DBS如果只係諗住讀書考試，簡直係浪費，我最初以為誇張了，到后來我認同男拔最精彩的部份是課外活動的訓練，不是參與那部份，而係當孩子變成大佬之後，他們的付出及貢獻，讓學會，校隊，合唱團，跟以前不一樣。

非常之可惜，在大海的家長只關注多些較表面的＊＊、狀元，忽略了最核心的部份。撇除lB，可能不少家長認為你母校跟DBS差不多成績，但你係另外的選擇。

出去吃飯，回來再補回其他看法。

回覆 beastiebistro 22-7-11 18:29: ANChan59: 大家交流一下，我係覺得之前看你安排寄宿學校，大家見面傾得深入些，再上你的年結，及在EK大海你的分享，我認為你對教育子女的方式跟大部份家長不一樣，較另類， ...
係呀陳Sir，其實我認為寄宿學校就係大佬文化發展嘅極致。一班人局住住埋一齊幾年，想唔建立兄弟情，想唔建立大佬文化都唔得。而且放學個個都仲喺學校，時刻要尊重大家，隨時都要同人相處（冇得返屋企匿入房），所以寄宿學生理應更能適應任何人任何地。

你見我輕輕帶過個仔啲成績就知我唔太睇重呢樣嘢，有能力就有能力，冇嘅夾硬逼盞大家痛苦。反而我期望仔女盡量享受英國寄宿學校提供香港學校做唔到嘅嘢，學會又好，某啲運動又好，話劇又好，總之襯可以玩嘅時候盡量玩，否則後悔。

回覆 ANChan59 22-7-11 20:19: 你之前話，父母可能是子女的第一個伯樂，我很有共鳴。從小到大，如果有多時間放在家里，肯定了解孩子比任何人多，深入。所以跟認叻沒有關係，只係事實放在眼前。我跟你差不多都係重點放在性格塑造，價值觀培養，學術不是重點。而且我們較願意去了解不同教育方式，取長補短，不介意重错誤中學習。

關於放養的問題不要看表面，我覺得是應該已經有把握或者安全網設置好才會這樣說。而且每個家庭的「放養」定義不一樣，可能不是你想的極端。

如果能夠摸透子女的強弱項，抗壓能力，transformation，我覺得已經花了不少心力。比較那些只看成績的放養，比我們的部份有為，可能是一個另類的選擇。Shadeslayer 的看法在表面之下，也是高手。其他就好似你所講。教養孩童，家長的話，我會聽其言觀其行。個別網友十年前怎么說，現在怎么說，也反映心路歷程，我會內心有疑問，今次又一定對，不會再錯一次？我始終相信mega trends，同時也質疑，也會請教真的行內人。所以去到Al，有人覺得是新生技術，無所不能，也有人認為舊瓶新酒。所以我係在中間。

兒子對Al非常透徹，不然的話，不會自學。他下一個進修反而反樸歸真，computing science。我現在做聽眾，扮儍反問，我就聽到很多他實際的想法及方向。「有些不懂也不壞！」。

回覆 beastiebistro 22-7-11 21:06: ANChan59: 你之前話，父母可能是子女的第一個伯樂，我很有共鳴。從小到大，如果有多時間放在家里，肯定了解孩子比任何人多，深入。所以跟認叻沒有關係，只係事實放在眼前。 ...
啱嘅，我唔應該太多嘴（只係我見那位家長三不五時就強調自己幾無為而治，但小朋友又出類拔萃，繼而就對有心幫小朋友嘅家長冷嘲熱諷，所以...）

兒子已經超越我嘅範圍，亦懂得自己爭取／把握機會，我亦開始調整我喺佢運作圈裏面嘅位置。由從前提出建議變咗而家發問導引，希望幫到佢擴闊鞏固思考層面。我亦恩惠佢唔會事事都問我，會自己主動出擊。

AI我估對小兒嚟講係有趣嘅topic，不過據我所知成立AI soc另一大原因係因為學校已經有三個電腦學會，但係冇一個正常運作，亦因為輩份關係，佢非要等多兩年先可以作出改革。與其白等嘥時間，佢選擇另起爐灶，到時話唔定可以吸納埋其他學會，有一番作為。當然佢都係所有嘢發生後先講返俾我聽，我唯有暗自歡喜。

回覆 ANChan59 22-7-11 21:27: 去到第三點，我不用多說。我們私聊之下，你我都花很多功夫在修養禮貌主動性這里，因為我們的人物網絡關係上，朋友圈當中，聽太多這些現在孩子的不足。這不單是香港，全世界也一樣，他們了解成年人的想法，做好那些基本嘢，比較其他人已經完勝。

兒子在倫敦開工已經有非常好的開始，主動，有禮貌，有同理心，加少許幽默感，同事們非常樂意跟他合作，不擺架子，懂得教人，開始有人想跟他工作。他的特異功能，很快睇到同事的model bugs，不只是熟悉，而是超快睇到而且有解決方法。讓他們心中寫個服字。

他直屬上司已經兩年冇放假，因為冇人頂，入職三個星期后，他可以放兩個星期，重要上山，而且冇網絡。兒子的真正考驗開始。這兩個星期平安過渡，位置就差唔多定下來。

回覆 ANChan59 22-7-11 21:30: 自己冇第一身身二身經驗，只係觀察知道里面有些特點，向你求證。

香港就係只有DBS及SSC，還有寄宿！

回覆 beastiebistro 22-7-11 21:37: ANChan59: 去到第三點，我不用多說。我們私聊之下，你我都花很多功夫在修養禮貌主動性這里，因為我們的人物網絡關係上，朋友圈當中，聽太多這些現在孩子的不足。這不單是香 ...
其實真心受人歡迎我覺得先係將來生活最重要嘅特質之一。世界已經同以前好唔同，咩都講collaboration。融入唔到，就算識飛都可能因為冇人輔助，變咗冇用武之地。

J開個靚頭，前路只會更順遂。

回覆 ANChan59 22-7-11 21:43: beastiebistro: 啱嘅，我唔應該太多嘴（只係我見那位家長三不五時就強調自己幾無為而治，但小朋友又出類拔萃，繼而就對有心幫小朋友嘅家長冷嘲熱諷，所以...）

兒子已經超越我 ...
你我及我們的子女不會一兩句冷嘲熱諷而冧檔嘅，如果係，我們要反省自己一下。有則改之無則加勉！

如果事實擺在眼前，真係青出於籃，欣然接受，發夢時笑埋出嚟。

他有成績才匯報，是一種期望管理，成熟的表現！

回覆 beastiebistro 22-7-11 21:47: ANChan59: 自己冇第一身身二身經驗，只係觀察知道里面有些特點，向你求證。

香港就係只有DBS及SSC，還有寄宿！
我認為St Jo、喇沙同拔萃嚴格嚟講喺brotherhood嘅cultivation可以話差不多，但係都係有少少分別。

我認為校舍對Brotherhood嘅形成有舉足輕重嘅關係。喇沙同拔萃都有非常大嘅校舍，學生自然喜歡放學後留校搞活動或者一齊打波，亦自然會cultivate到Brotherhood。某程度上同寄宿有異曲同工嘅功能，又未夠寄宿咁深入咁啦。

St Jo礙於硬件限制，呢方面點都有啲不足。所以Jo仔吹水就最叻，講就天下無敵，都真係要落手落腳做嘢捐錢，就大家都企埋一邊剝花生...

回覆 beastiebistro 22-7-11 21:51: ANChan59: 你我及我們的子女不會一兩句冷嘲熱諷而冧檔嘅，如果係，我們要反省自己一下。有則改之無則加勉！

如果事實擺在眼前，真係青出於籃，欣然接受，發夢時笑埋出嚟 ...
我就冇乜受影響，不過有時睇唔過眼啫...

我見阿仔都算有計劃，亦真係做到佢原本想做嘅嘢，我已經好滿足。

回覆 beastiebistro 22-7-11 21:58: ANChan59: 自己冇第一身身二身經驗，只係觀察知道里面有些特點，向你求證。

香港就係只有DBS及SSC，還有寄宿！
其實近年St Jo搞嘅大型重建／翻新計劃係我主力推動嘅。其中一個目的就係整合空間，希望可以有多啲設施地方俾學生留校活動。另一個我推動咗多年嘅就係設立寄宿位，feasibility study都做好晒。可惜，天主教會鑑於近年世界各地嘅天主教寄宿學校性侵問題，政府又覺得多一事不如少一事，所以落成都係遙遙無期。

我做咁多，無非都係想教現代嘅學生唔好咁寵壞，同埋增加jo仔嘅歸屬感。可惜...

回覆 ANChan59 22-7-11 22:00: beastiebistro: 其實真心受人歡迎我覺得先係將來生活最重要嘅特質之一。世界已經同以前好唔同，咩都講collaboration。融入唔到，就算識飛都可能因為冇人輔助，變咗冇用武之地。
...
非常非常同意！我們做老闆嘅，更加明白箇中的重要性，很多在EK蒲嘅家在現實世界可能並不顺心，在這里講嘢不需要負責任，所以有時會過火，也有可能一些不幸的遭遇，對冇些話題觸動他的pa I’mn points。

政府要橡皮圖章，也要一些真係為社會做事嘅人，我做公職時，我認為自己是后者⋯⋯，自我安慰一下，不然都幾難頂6年。見到一些政治花瓶，加上現在新的司局官員，只希望自己自求多福，哈利路亞！

回覆 Yanamami 22-7-13 12:05: 15歲的天才。

睇你同陳sir溝通最有啟發性，獲益良多，睇到心花怒放。

12 下一頁

教育王國

幼兒教育

小學教育

中學教育

專上教育

國際教育

特殊教育

知識增值

徵求專區

關閉 安全驗證

又年結

剛表態過的朋友 (6 人)

全部作者的其他最新日誌

熱門日誌導讀

發表評論 評論 (21 個評論)

關閉安全驗證

發表評論評論 (21 個評論)