用戶登入
用戶名稱:
密      碼:
搜索

莫名其妙

熱度 3已有 279 次閱讀 22-4-3 22:47 |系統分類:教育

XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX XXXXXXXXXXXXXXXX 

EK有啲網友質素真係不敢恭維...

純粹以我自己嘅認知參與討論(咁啱個帖題同帖裡面討論發展方向都係我比較熟悉嘅範疇),諗住幫下人,點知換嚟一面屁...

自問回覆清楚,條理分明,理據充分,語氣平和,對事不對人,亦預咗佢未必同意。點知因為同佢意見不同一味歇斯底里咁俾佢鬧(其實我覺得佢將我同另一位同佢對鬧嘅網友當埋係同一個人),仲俾佢話put words into her mouth,人身攻擊同埋有我講無佢講...

有網友放出數據佢覺得支持佢嘅論調就奉為金科玉律,當我指出數據比較嘅謬誤(其實真係正確對比嘅話反而係證明佢錯),而且蘋果同橙唔可以直接攞比較,又俾佢話我雙重標準... 

到後來唯有講句君子和而不同都唔得,係咁追住鬧(有少少潑婦罵街feel)。好彩都仲有一班頭腦清醒嘅網友覺得我嘅分享有啲意義。

真係一頭霧水,搞到有少少怕怕地上EK。


路過

雷人
1

握手

鮮花

雞蛋

剛表態過的朋友 (1 人)

發表評論 評論 (25 個評論)

回覆 ANChan59 22-4-4 10:06
是那一篇文章呢?

EK內很多人對數字比較,什麼排名,都係一知半解,人云亦云。但求無愧我心,明就係明,唔明就算!
回覆 beastiebistro 22-4-4 10:41
ANChan59: 是那一篇文章呢?

EK內很多人對數字比較,什麼排名,都係一知半解,人云亦云。但求無愧我心,明就係明,唔明就算! ...
多謝陳sir關心。其實係升中版,有帖問點解st jo成績下滑,咁我諗以我身份最適合提出意見,咪講解下我嘅睇法。後來討論發展到DSE中文程度係咪需要咁難,又有網友提出英國GCSE英文程度嚟比較,咁呢樣又係我熟嘅,咪又多咀解釋下兩樣唔可以apple to apple。跟住惹禍上身喇...

不過好彩大部份網友都腦筋清晰,無論同意與否都覺得我嘅分享有意義。

只係唔明有冇需要咁歇斯底里啫。
回覆 ANChan59 22-4-4 11:18
beastiebistro: 多謝陳sir關心。其實係升中版,有帖問點解st jo成績下滑,咁我諗以我身份最適合提出意見,咪講解下我嘅睇法。後來討論發展到DSE中文程度係咪需要咁難,又有網友 ...
我以為另一篇 DBS vs SPC ,都係cyber bully 當幽默。
回覆 beastiebistro 22-4-4 11:25
ANChan59: 我以為另一篇 DBS vs SPC ,都係cyber bully 當幽默。
嗰度我都答咗少少嗲,不過冇咁involved...
回覆 ANChan59 22-4-4 13:12
我個人嘅睇法,大學多數認為多數科目係不需要中文科,但英文科較為重要,所以定最低標準為3,但回歸之後,政治正確比什麼都重要,所以才整個中文也要3的標準。

兒子冇跟DSE,但中文取5+係輕鬆的事。因為在大學時期其中兩份暑期工,他都要做雙語新聞槁翻譯,他的上司都認為他中文比DSE學生更好。他的中文修養來自家父,而非學校或者學制。

阿仔畢業已經5年,他現在看書及網上資訊最係中英4:6分,不會全中全英,講求方便及實用性,追求原文,避免看翻譯。
回覆 ANChan59 22-4-4 13:36
統計數字顯示是清楚的,但理解及演繹可以離天百丈!

舉例:第五波疫情,長者的死亡數字及死亡率高,我部份同意,部分有疑問。你可以留意為什政府不跟過往三年數字作對比?我看2021死亡數字是50666,除365天,約140人,如果有年齡層分布及季節調整後,應該有增加,但不是由零去百幾二百幾人。而且漠視長期病患的真正原因,將可能是非主因的COVID 19當作唯一原因,這種扭曲事實為了谷針,係唔好嘅!
回覆 beastiebistro 22-4-4 15:20
ANChan59: 我個人嘅睇法,大學多數認為多數科目係不需要中文科,但英文科較為重要,所以定最低標準為3,但回歸之後,政治正確比什麼都重要,所以才整個中文也要3的標準。

...
我其實只係覺得DSE程度係冇必要地高,比當年cert 還高(因為讀多年)。如果只計將來生活,其實語文主要係用嚟溝通,中文能力同讀好醫生律師工程師一點關係都冇。我冇話中文冇用或者唔值得學,有興趣絕對應該/可以私底下鑽研(我都話我係番書仔,暫時中文都夠用),但唔應該因為某能力高嘅準醫科生因為中文只得4分(例如)而入唔到讀醫。其實我好慶幸香港讀醫科仲係要interview,所以non-jupas嘅入學率咁高(我覺得正正就係證明有好多有能力嘅醫科生為咗避開呢個DSE中文嘅不合理嘅hurdle而揀另一條路,亦證明醫學院係要揀識合讀醫嘅學生,唔一定係中文有5**嘅狀元)。該家長咪返向覺得唔公平,因為呢啲學生唔使中文5**。

甚麽英國GCSE英文 pass rate同DSE中文pass rate根本兩碼子事,係apple to orange嘅比較。而且人地個pass rate點都係高啲,咁又俾佢話雙重標準,迴避比較。吹脹。

我跟住又見該家長出post,又話只係追求中國人身份認同,又唔追求中文成績。真係邏輯混亂,思維有問題。不過我都係少同佢哋周旋好啲。
回覆 ANChan59 22-4-4 16:47
現在在香港及EK有不少新香港人及忽然愛國的網友,他們是政治上腦,上綱上線。

我成日覺得自己愛國㗎,所以64之後回流香港支持祖國,默默地為兩地作出貢獻!
回覆 beastiebistro 22-4-4 16:55
ANChan59: 現在在香港及EK有不少新香港人及忽然愛國的網友,他們是政治上腦,上綱上線。

我成日覺得自己愛國㗎,所以64之後回流香港支持祖國,默默地為兩地作出貢獻![em: ...
我都愛國㗎,不過冇上腦啫

同埋我都愛中國文化,不過係止於個人欣賞層面。我真係覺得中國文化喺工作上冇直接幫過我一丁點,我嘅職業重要係直接要寫中文喺報紙雜誌電視電台出街添。

不過可能我踩到少少佢個飯碗啦,我見佢話佢係幫幼稚園小朋友補習中文(仲好受歡迎添)
回覆 ANChan59 22-4-4 17:44
beastiebistro: 我都愛國㗎,不過冇上腦啫

同埋我都愛中國文化,不過係止於個人欣賞層面。我真係覺得中國文化喺工作上冇直接幫過我一丁點,我嘅職業重要係直接要寫中 ...
你的行業,中文一定要好好
回覆 beastiebistro 22-4-4 17:57
ANChan59: 你的行業,中文一定要好好
我算濫竽充數,不過暫時都過到骨。我估要我做DSE卷,我會零分,但咁唔代表我冇創意喎!以我一個中二程度中文嘅番書仔點可能入到香港嘅大學讀傳理系呢?但咁又唔代表我做唔嚟廣告人...
回覆 ANChan59 22-4-4 18:35
beastiebistro: 我算濫竽充數,不過暫時都過到骨。我估要我做DSE卷,我會零分,但咁唔代表我冇創意喎!以我一個中二程度中文嘅番書仔點可能入到香港嘅大學讀傳理系呢?但咁又唔 ...
我認為廣告是講求創意,視覺,音樂,多媒體設計都同等重要,不需要傳理系,或者工商管理!

事實上很多人忽略了一個重點,我們一家選lB棄NSS係因為欣賞學制上的分別,與及訓練出來學生的分野。

我希望兒子有IB Learner profile
1。Inquirers
2。Knowledgeable
3。Thinkers
4。Communicators
5。Principled
6。Open-minded
7。Caring
8。Risk-takers
9。Balanced
10。Reflective,

到畢業之後工作幾年,那些特徵就更加明顯了。
回覆 beastiebistro 22-4-4 18:45
ANChan59: 我認為廣告是講求創意,視覺,音樂,多媒體設計都同等重要,不需要傳理系,或者工商管理!

事實上很多人忽略了一個重點,我們一家選lB棄NSS係因為欣賞學制上的 ...
我非常同意你地嘅選擇。與其因為政治因素焗住「所有」學生必定要中文去到冇必要嘅程度,不如用啲時間教下學生呢啲思考技能更有長線益處。我選擇仔女放洋都有同樣期望,雖然佢哋未必係讀IB,不過寄宿生活,同埋英式教育都係DSE系統比唔到嘅。
回覆 ANChan59 22-4-4 19:39
beastiebistro: 我非常同意你地嘅選擇。與其因為政治因素焗住「所有」學生必定要中文去到冇必要嘅程度,不如用啲時間教下學生呢啲思考技能更有長線益處。我選擇仔女放洋都有同樣 ...
我最初想初中送佢去英國,或者大學去英國讀書,他都拒絕,因為入唔到心儀大學,想在香港讀書,香港工作。年輕人對香港有期望,只不過香港令他失望!
回覆 beastiebistro 22-4-4 20:07
ANChan59: 我最初想初中送佢去英國,或者大學去英國讀書,他都拒絕,因為入唔到心儀大學,想在香港讀書,香港工作。年輕人對香港有期望,只不過香港令他失望! ...
只要前路一片光明,身在何方都唔係問題。我期待有日可以認識佢。
回覆 ANChan59 22-4-4 21:05
beastiebistro: 只要前路一片光明,身在何方都唔係問題。我期待有日可以認識佢。
   我會盡量安排,我覺得你跟他傾偈,會覺得過癮及幽默風趣,九唔搭八,無厘頭!
回覆 beastiebistro 22-4-4 21:09
ANChan59:    我會盡量安排,我覺得你跟他傾偈,會覺得過癮及幽默風趣,九唔搭八,無厘頭!
我最鍾意同啲有本事嘅年青人傾偈,自己都感覺後生晒。
回覆 ANChan59 22-4-4 21:14
我都想見吓你個叻仔,young scholar 唔簡單!

Good boys, bad boys, all DBS boys.
回覆 beastiebistro 22-4-4 21:14
ANChan59: 我都想見吓你個叻仔,young scholar 唔簡單!

Good boys, bad boys, all DBS boys.
that's very true
回覆 Radiomama 22-4-5 13:47
有時公海地方啲討論真係莫名其妙,無端端唔知爭論什麼。

facelist

你需要登錄後才可以評論 登錄 | 註冊

Copyright c 2002 - 2022 Baby-Kingdom.com Limited, All Rights Reserved.
GMT+8, 22-7-4 07:30, Processed in 0.557706 second(s), 10 queries , Redis On.