XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX XXXXXXXXX
拜政府「德」政所賜,仔嚟唔切喺溶斷之前回港。為免佢一個人留喺guardian度成個暑假,二女又9月CLC開學,所以結果係我同個女早個半月去英國會合大仔。因為仲有個細嘅,唯有委屈太太留港照顧。還好我嘅生意可以遙控,亦於倫敦買咗個新單位,順便當收樓。
機會難逢,乘機同啲仔女遊山玩水尋回憶,都好多得著。
當年讀書英國可以話係美食沙漠,冇啖好食。今時今日,唔止好嘅餐廳周街都係,連米之連星級餐廳都梗有一間喺左近。呢個月都食咗十零粒星,我諗都肥咗十磅八磅。
重拾久違了嘅人情味。香港市面上大部分人,都黑口黑面咗一段日子。嚟到英國,無論倫敦利物浦愛丁堡呢類大城市,或者鄉郊小鎮,大部分人都笑口嘶嘶。買完嘢,無論平貴,必定講句have a nice day。坐低食嘢,就算係啲cheap雞餐廳,啲侍應第一句多數都係how was your day,唔係急不及待食乜嘢呀咁?
入咗全新嘅白鹿徑球場睇我至愛嘅熱刺踢波,亦睇到英國重開市面嘅適時應對,令經濟有望復甦。入場前48小時內我係要自費進行PCR測試,有陰性結果證書先可以入場,所以睇波場場幾萬人都可以睇得安心。雖然戴口罩已經唔係必須,但係喺公共交通工具上好多人都自動知覺。可見雖然決定「與病毒共存」,都唔代表所有人係傻嘅。
終於送咗仔女入學,我都係時候打道回府,「享受」我個超悠長隔離喇。唔知我下次幾時先可以喺香港見啲仔女呢?