討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 我的首頁 › 日誌 › beastiebistro的日誌

beastiebistro: beastiebistro的個人空間 › TA的所有日誌 › 查看日誌

入讀英國寄宿公學之路 - 小朋友準備篇1

熱度 5已有 1429 次閱讀 21-3-5 20:38 |系統分類:教育

XXXXXXXXXXXXXXXXXXX XXXXXXXXXXXXXXXXXXX XXXXXXXXXXXXXXXXXXX XXXXXXXXXXXXXXXXXXX XXXXXXXXXXXXXXXXXXX XXXXXXXXXXXXXXXXXXX XXXXXXXXXXXXXXXXXXX XXXXXXXXXXXXXXXXXXX XXXXXXXXXXXXXXXXXXX XXXXXXXXXXXXXXXXXXX XXXXXXXXXXXXXXXXXXX XXXXXXXXXXXXXXXXXXX XXXXXXXXXXXXXXXXXXX XXXXXXXXXXXXXXXXXXX XXXXXXXXXXXXXXXXXXX XXXXXXXXXXXXXXXXXXX

諗諗下，涉及教仔，分分鐘比起揀學校更加controversial。不過既然要記錄，寫就寫啦，唯有先旨聲明諗法做法完全屬於我個人選擇。一萬個家庭有一萬個唔同嘅背景，未必可以（或者未必想）replicate，甚至可能覺得我變態。我只可以話我嘅方法暫時都有用，幫到我嘅仔女喺我plan嘅時候入到我心儀嘅英國寄宿公學。暫時亦見到好開心，完全適應到。

過程都好長，分段記載係最理想嘅方式。

未出生 - 父母要有共識

其實講乜都假，計我話最緊要一開始夫妻傾好晒有晒共識。如果唔係，下下嗌晒交各不相讓，都好難順利咁幫小朋友。我就超好彩，一開始未生小朋友已經同太太講清楚晒，所有同孩子教育有關嘅decision由我決定執行，而佢就喺適當時間幫手。佢亦講得到做得到，由揀選幼稚園一路到英國寄宿學校，由課外活動到課餘學習，真係一次都無懷疑反對過我嘅決定。更非常樂意放棄自己事業做全職媽媽，令我哋所有決定行動都非常streamline，非常到位，我真心感激不盡。

剛出生 - 嬰兒期

可能大家會覺得，中學先去英國讀寄宿，你講到咁前有鬼用咩！唔通真係咁早做準備？我可以負責任咁講，我真係咁早就準備。

雖然我三代都放洋，但教仔方式又唔係完全西化，我覺得頂多算東西方交集，混合式咁。好多西方教育家覺得6歲前係學外語嘅最佳時機，錯過咗就弊喇。我偏偏持相反意見，我覺得一個剛出世嘅小朋友好似一部剛出廠嘅電腦。佢學啲乜就靠家長input。試諗下，如果部電腦收到嘅programming一行英文一行中文，佢會連邊行接邊行都未搞掂，唔好話學習啦。咁因為決定咗中學要去英國寄宿生活，所以我嘅選擇係由0至2歲全家只講英文。還好我同太太都係海歸人事，英文都係native，所以我嘅小朋友兩歲全部都係native English。雖然佢哋三個而家嘅中文只係同齡嘅中游程度，但英文毫無疑問係最top嗰1%（當然唔係淨係話考試默書一百分或者聽落講嘢口音native咁膚淺啦，係嗰種用英文同英國大人debate都講服對方嘅深層次應用），咁喺考英國寄宿學校（尤其係interview）就着數晒喇。

呢段時期我仲：

- 嚴格控制佢哋對電子產品嘅需求，基本上完全係零。咁連我同太太都嚴格遵守（其實喺佢哋6歲前，我哋唔單只唔喺佢哋面前用電腦電話，甚至連電視都唔睇唔開）。一家人除咗出街玩就係睇書，小朋友習慣咗從書本找樂趣，而家都無乜意欲打機睇youtube玩whataspp。

- 同佢哋講下我讀寄宿學校嘅有趣事，希望潛移默化令佢哋唔單只唔抗拒，甚至非常嚮往去英國寄宿。
- 從來唔會喺佢哋跌倒撞傷打交之後「呵」返，所以我啲小朋友好早已經唔會因為整親而喊，一來屋企少好多喊苦喊忽嘅時間，另外小朋友好早就學識獨立唔依賴，撒嬌都無着數。呢樣對佢哋要去寄宿係必要嘅準備。雖然好似好忍心，不過我自己覺得做事要睇長線，早期狠心啲，之後做乜都易啲。我咁樣做亦無影響我同小朋友嘅關係，我哋始終非常close。因為由開始已經係咁，所以佢哋亦唔會覺得我唔錫佢哋。

睇嚟都係有排寫，有時間再續。

路過

雷人

握手

鮮花

雞蛋

剛表態過的朋友 (4 人)

收藏分享舉報

全部作者的其他最新日誌

熱門日誌導讀

發表評論評論 (2 個評論)

回覆 Yanamami 21-3-7 10:13: 我無能力啊~中文中学出身，英文真係－額汗｡唯有用二流手段煲佢地英文。不過同意，中中畢業既我心裏一條刺，我亦系陀女時已諗住要煲两文三語，奈何我無料，只靠“旁门左道”，煲英文兒歌、英文卡通、英文兒童節目｡我梗係無家中英文交流，要有自知之明，費事教坏佢地，好彩住近九龍塘，耀中同澳洲國際学校Sat班貢獻唔少｡本來Kowloon Junior收大Y，但又唔想佢唔識中文，所以放棄。两姊妹都係中文小学升英中，英文自然唔会native.....呀~仲要两个唔鍾意閱讀，只愛煲片……大Y只煲英文片，細Y語言天份雜過大Y, 陸劇、英劇、韓劇、綜藝……乜都煲｡同意你从小教自理独立，我亦係咁既方向，大概系咁，所以虽然佢地無native English, 但而家係澳洲都係無縫融入，相當愜意。我成日話，我今日对你既仁慈，就係对你將來既殘忍，我諗我同你理念相同｡

回覆 beastiebistro 21-3-7 11:07: 我想信理念絕對相同！你兩位千金亦非常出色！其實方法有千百種，人又有千百種性格，家庭環境都個個唔同。不過我相信搞啱大方向，其他都只係細節。

教育王國

幼兒教育

小學教育

中學教育

專上教育

國際教育

特殊教育

知識增值

徵求專區

關閉 安全驗證

入讀英國寄宿公學之路 - 小朋友準備篇1

剛表態過的朋友 (4 人)

全部作者的其他最新日誌

熱門日誌導讀

發表評論 評論 (2 個評論)

關閉安全驗證

發表評論評論 (2 個評論)