- beastiebistro
- beastiebistro的個人空間 › TA的所有日誌 › 查看日誌
入讀英國寄宿公學之路 - 家長準備篇5
熱度 9 |
XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX XXXXXXXXXXXXXXX
真係好長，不過差不多喇...
條件6:其他
仲有一啲相對嚟講無咁重要嘅factors可以考慮，例如：
課外運動
始終英式寄宿就係全人教育，運動係不可或缺嘅一環。男仔學校主要運動不外乎欖球或者足球，基本上喜唔喜歡都要玩。咁明明鐘意踢波（或者踢得好好嘅），有得揀就冇理由揀間打Rugby嘅學校。女仔一樣啦，一係Hockey，一係Lacrosse，或者有部分netball。又或者好喜歡Sailing，咁揀間喺內陸嘅學校咪錯配囉。
學校location
兩個層面，距離倫敦（或者曼城／愛丁堡）幾遠同埋校園周邊環境。距離主要機場幾遠當然關travel time事，而環境就可能影響到寄宿體驗。有啲小朋友唔悶得，間學校喺山旮旯叫天不應，可能悶到想死。有啲小朋友好容易被distract，間學校喺town，日日掛住去買starbucks，可能耽誤咗讀書。
不過呢啲都係小問題，無影響到我嘅選校。
真係最後喇，我諗大部份香港家長都好奇怪，點解我講嚟講去都無佢哋最關心嘅條件呢？唔係我漏咗，而係我覺得最唔重要。我當然係講：
條件7:成績／排行榜
先利申，其實我仔同女嘅學校喺大部份嘅排行榜都係頭十位之內，不過我真心將呢樣嘢排到最後。或者可以話係fulfil晒我其他條件之後，我自然有個list，而咁好彩我小朋友入到嘅學校係個list上面成績最好嗰間。
首先我覺得成績只係反映咗嗰間學校對上一年嘅學生成就，完全反映唔到寄宿體驗，課外活動，Pastoral Care等呢啲同樣（甚至更加）重要嘅元素。一啲齋操卷鋤書嘅變相補習學校，根本無寄宿體驗可言，對我嚟講係徙晒成個過程。
成績又唔反映學校嘅學術增值能力。都話一般傳統英式寄宿學校着重啟發鼓勵學生自學，讀唔讀書係睇翻個小朋友。我覺得學校唔識變魔術，唔會入到一間成績好嘅學校，唔使讀都變天才。根本上成績好嘅學校好多都係入學門檻唔低，嗰班學生擺係邊間學校都會考返同一樣成績，無需要神化某啲學校嘅成績。事實上成績排第一嘅學校都唔係100%入牛劍喎，入唔到大學嗰啲無人講之嘛，咁又點存在入咗「神」校就掂晒呢個concept呢？
排名第8嗰間學校有人入牛劍，又有人畢唔到業，排名第80嗰間都可能有人入牛劍，有人畢唔到業，我認為最後唔係睇學校，係睇學生自己。
再講，啲所謂嘅排行榜，根本就無統一標準。所有嘅排行榜都係根據每間學校自己發放嘅GCSE或者A level成績做準則嚟計算。莫講話好多公學根本不屑呢類排行榜而杯葛唔提供數據，就算肯提供數據嘅都無一個apple to apple嘅比較。就講GCSE就有好多個唔同嘅exam board，個別嘅board嘅考試範圍會有唔同，甚至有啲board又出名比較容易，有啲學校又某啲科考某個board仲撈埋啲iGCSE，咁淨計「9」比率點公平比較呢？A*又點convert呢？去到A level就更複雜，唔單只有唔同board，仲有人考Pre-U，有人考IB，點撈埋一齊計呢？所以我呢啲自己係畢業生又keep住有留意嘅人，睇到啲所謂排行榜咪得啖笑囉。
其實認真分析留意，就唔難發現有幾間近年冒起得好快嘅所謂「名」校，十年八年前根本就平平無奇。佢哋都有同一套路，就係主動入一大批讀得嘅中國（或者香港學生）先谷高成績，再玩marketing大肆宣傳，再加上agent發功，就成功喺只注重成績嘅東方人家長之間塑造到一個「名」校image。細心睇就會見到中國／香港人比例異常高。都唔好話喺當地人眼中呢啲學校係不入流，究竟係咪真正嘅英式寄宿體驗都有斟酌餘地。不過我都係無謂多嘴，費事傷感情。
其實認真分析留意，就唔難發現有幾間近年冒起得好快嘅所謂「名」校，十年八年前根本就平平無奇。佢哋都有同一套路，就係主動入一大批讀得嘅中國（或者香港學生）先谷高成績，再玩marketing大肆宣傳，再加上agent發功，就成功喺只注重成績嘅東方人家長之間塑造到一個「名」校image。細心睇就會見到中國／香港人比例異常高。都唔好話喺當地人眼中呢啲學校係不入流，究竟係咪真正嘅英式寄宿體驗都有斟酌餘地。不過我都係無謂多嘴，費事傷感情。
終於講完家長準備，嚟緊有時間試下講下我點裝備我啲小朋友去英國寄宿。
全部作者的其他最新日誌
- • 過關‧正式代表英國隊
- • 英國隊
- • 點解要去英國讀私立寄宿中學？（下）
- • 點解要去英國讀私立寄宿中學？（上）
- • 奧妙的潛能
- • 11條9
熱門日誌導讀
發表評論 評論 (19 個評論)
- 回覆 beastiebistro
- 英雄所見略同？
Radiomama: 好同意你選校的想法。
- 回覆 beastiebistro
- 我都好同意，我唔係好明呢種心態。去得留學就由得佢喺嗰邊玩，一年返一兩次夠晒啦。其實如果問返小朋友，好多都寧願唔返...
Yanamami: 其實－年番香港五次都已經唔好講咩留学咩寄宿体驗了……自然成績就变左選校最重要條件｡
- 回覆 ANChan59
- If I plan for boarding school in UK, I will pick those with minimum Chinese %.
My son picked the college in CUHK, criteria number one, less mainland Chinese and local, more overseas and exchange students.
- 回覆 beastiebistro
- Excellent choice. I think that should be the main if not the whole point of a proper British boarding school experience.
ANChan59: If I plan for boarding school in UK, I will pick those with minimum Chinese %.
My son picked the college in CUHK, criteria number one, less mainland ...
- 回覆 ANChan59
- 我自己在英國讀書，群外國人多些，跟華人接觸是因為教會的原因。主日早上去本地人教會，下午去華人教會，好享受不同的風格。
beastiebistro: Excellent choice. I think that should be the main if not the whole point of a proper British boarding school experience.
好懷念一個宿舍單位六間房有4、5個國家的學生，一單新聞已經有不同文化背景之下的看法.真係見識不少觀點，比上堂學到更多更闊的知識。
到讀碩士更不在話下，有學生有學者，年齡層更闊，宿舍是研究生，還記得有官員，科學家，老板級，每日晚上在廚房食完晚餐就傾計，大時大節 pot luck ，我唔煮鹹魚蝦醬，他們一點清盤。我奇怪非洲同學個個識煮中式米飯，問落去才知道中國幫他們修公路的工程師及工人教的，我跟他們學煮粟米糊。
- 回覆 beastiebistro
- 所以我覺得喺中學寄宿階段，唔單止要揀少華人嘅學校，full boarding亦係必須嘅選擇。你寄宿過都明，其實上堂多數都係講學術，無乜真正文化/深層次交流。真正嘅互動係晚上或者weekend。但係香港家長偏向齋重視成績，無發現頗多呢啲學校根本充塞住華人，又無乜全寄宿生，嘥晒個寄宿過程（我認為嘥晒啲錢）。
- 回覆 Yanamami
- 最初我好肉赤寄宿費，我同女講，而家学費加住宿，等於DG一年学費既十倍呀……後來我同学一矢中的，话當讀国際学校啦，24／7有鬼妹包圍，值回票价啦……我諗諗又係啵，條氣當堂順哂。
beastiebistro: 所以我覺得喺中學寄宿階段，唔單止要揀少華人嘅學校，full boarding亦係必須嘅選擇。你寄宿過都明，其實上堂多數都係講學術，無乜真正文化/深層次交流。真正嘅互 ...
- 回覆 beastiebistro
- 絕對係物有所值嘅
Yanamami: 最初我好肉赤寄宿費，我同女講，而家学費加住宿，等於DG一年学費既十倍呀……後來我同学一矢中的，话當讀国際学校啦，24／7有鬼妹包圍，值回票价啦……我諗諗又 ...
- 回覆 SkyTracy
- 睇完幾篇揀校分享,真係獲益良多,亦都好認同你既睇法!
本來阿仔打算考完DSE先過去,但最近香港情況似乎不樂觀,所以想早啲過去,想讀完今年中三過去.想請教下以下幾個問題,謝謝!
1.讀完中三過去,係唔係已經過主要收生年,好難入讀到,你提到既傳統Boarding school?
2.阿仔宜家讀緊band 1B既中學,英文成續上游位置,數學就中游,佢平時都鍾意運動,特別踼波,有冇抵讀既傳統學校recommend?
3.見到你文中提到,好既學校要提早3年去apply,咁宜家得一年時間,搵到好學校機會好微?
4.如果搵唔到好學校,Year12過去,會唔會太遲,過到去考A-Level,怕好多嘢跟唔到,會好大壓力?咁樣係咪索性考完DSE先過去好啲?但又想佢體驗寄宿樂趣!
唔好意思,好多問題,真係唔該晒你!
- 回覆 beastiebistro
- 我直接喺PM覆你
SkyTracy: 睇完幾篇揀校分享,真係獲益良多,亦都好認同你既睇法!
本來阿仔打算考完DSE先過去,但最近香港情況似乎不樂觀,所以想早啲過去,想讀完今年中三過去.想請教下以下幾 ...
- 回覆 beastiebistro
- 已send，請查看。
SkyTracy: 謝謝你,感激!
- 回覆 pychan88
- 今日第一次看你的日誌，獲益良多，感謝分享!
我們的情況亦同上面那位網友差唔多，我的兒子現在中三， 英文程度普通，成績在Band1B學校中上，不好運動和音樂，喜歡歷史和人文學科，性格偏文靜，現打算讀完中三讓他過英國讀year10, SkyTracy問的四個問題也是我們心中的難題，煩請賜教。
- 回覆 beastiebistro
- 已PM，請查看。
pychan88: 今日第一次看你的日誌，獲益良多，感謝分享!
我們的情況亦同上面那位網友差唔多，我的兒子現在中三， 英文程度普通，成績在Band1B學校中上，不好運動和音樂，喜 ...
- 回覆 beastiebistro
- 當然可以，歡迎隨時搵我討論。
nanxiamei: 您好！你嘅資料真係非常詳細，多謝分享。
我仔今年中三，本來想讀完中學先到外國升大學，但最近佢突然話想盡快過去，所以我哋呢個月不斷喺度搵資料，有事想請教 ...
帖子
日誌
相冊
分享
記錄
活動
投票
懸賞
辯論
商品
收藏
勳章
Copyright c 2002 - 2024 Baby-Kingdom.com Limited, All Rights Reserved.
GMT+8, 24-4-25 06:30, Processed in 0.372015 second(s), 10 queries , Redis On.
GMT+8, 24-4-25 06:30, Processed in 0.372015 second(s), 10 queries , Redis On.