有冇人聽過兆基創意書院

appleksl

對呢間直資學校有冇意見????

櫺囹桼

1)未有校舍，暫借迷你小型小學校舍暫用(位於紅磡青州街~紅磡商業中心對面)！
2)創意中學，感覺上畀不適宜讀文法中學學生就讀！
3)有空可到青州街睇佢哋上課(校舍得一層，街外可看見)，包保眼界大開！
4)上學/午膳時間亦可到場睇下學生之校風如何？(可能有意想不到之收獲)！~學生好易認：白T-Shirt上有紅色校徽(HKSC)，女生還有一條深灰色短裙仔！

youma

咁你都知, 真係服咗你!

tictactoe

根據中學概覽的資料，64% 教師年資 5年以下

appleksl

好似好恐怖﹐個仔尋日去interview,好想讀﹐寜願今年留班F.4都唔想升F.5, 因為佢依家讀得好辛苦同成績唔太好﹐而且好鍾意音樂同畫畫﹐點算好﹐我其實都接受唔到呢類學生﹐希望唔好收佢啦。點說服佢好呢?????/

DJM629297

appleksl
點恐怖法，我係網上睇到介紹，對呢間中學好有興趣，但係見你咁講，唔通又係講就天下無敵，做就無能為力？

appleksl

可能學校講到好似比一般傳統中學自由﹐校服、髮型、打扮冇一定﹐如果接受到﹐什麼類型嘅學校都ok。

櫺囹桼

如果囝囡不適合傳統式教育、如果囝囡需要一點自由及空間、如果囝囡不想被框架所限制...但又能自律識諗、不易左搖右擺...或者創意書院才是一個正確之選擇！

virgokaren

學校類別備註：
香港首間提供全面創意及藝術教育的直接資助高中學院
辦學團體： 香港當代文化中心

當代文化中心前身是 design school。
如果對文化學科全無興趣，又中意搞下藝術和有天份的，不妨入讀丫，好過捱F.4-5。
不過，間學校永久校址係邊？幾時起好？
藝術學校應該大大間，太細的校舍點得！？

dmb

以我所知，這間學校不是那些傳統中學，很強調自主，如你想那些女學生個個

TWMa

virgokaren 寫道:
學校類別備註：
香港首間提供全面創意及藝術教育的直接資助高中學院
辦學團體： 香港當代文化中心

當代文化中心前身是 design school。
如果對文化學科全無興趣，又中意搞下藝術和有天份的，不妨入讀丫，好過捱F.4-5。
不過，間學校永久校址係邊？幾時起好？
藝術學校應該大大間，太細的校舍點得！？

我見民生書院旁正在建一間創意書院, 不知是否就是兆基創意書院.
不是每個學生都適合 "讀書", 有間正正規規的學校收一些喜歡藝術和創作, 卻不喜歡讀教科書和考試的學生, 很好啊.

ringoger

他們有新校舍的，就係民生對面，9月轉過去，好大間。

我個女係度讀緊，佢本來日日都唔願返學，成日缺席，我都冇佢乎，但呢度的老師好著緊，猛同佢傾，宜家佢竟然可以朝朝準時番學。

老實講，我個女唔係讀書人才，但宜家佢起碼會為學校的事著緊，讀得開心，我已經好安樂。

virgokaren

如果時光可以倒流，我都想讀呢間學校！

River2004

[quote]
dmb 寫道:
以我所知，這間學校不是那些傳統中學，很強調自主，如你想那些女學生個個

RL

我個女讀緊,佢係放棄讀緊間band 1中轉校去讀,以前間學校讀得唔開心,但佢係藝術方面好有興趣所以我轉左佢去讀,佢讀左呢間學校之後簡直係重生,個人開心到不得了,有目標,有責任,積極,同屋企既關係比以前更加好,我日日都見到佢笑得好開心,呢間學校d老師好到不得了,真係用心用愛去對d學生,
其實係短短幾個月可以令我個女搵到自己要走既路係我諗唔到會有咁快既效果,如果想讀呢間學校真係要對藝術同創作一定要有興趣,如果唔係就會讀得好辛苦同浪費左自己時間
唔好為左逃避傳統中學既悶先去讀,讀唔讀一定要大家商量好唔好攪到咁唔開心,因為我個女搵到呢間學校真係適合佢所以佢真係讀得好好,但佢有d同學對呢方面唔係咁有興趣同冇咩天份就真係讀得好辛苦

appleksl 寫道:
好似好恐怖﹐個仔尋日去interview,好想讀﹐寜願今年留班F.4都唔想升F.5, 因為佢依家讀得好辛苦同成績唔太好﹐而且好鍾意音樂同畫畫﹐點算好﹐我其實都接受唔到呢類學生﹐希望唔好收佢啦。點說服佢好呢?????/

pp6113

各位家長，我想問下間學校除左音樂和藝術之外，中英數嘅水平点，因為我姨甥仔今年升小六，而天水圍又唔係太多好學校。尋晚間學校上電視，見到D學生都好free同開心，我姨甥仔都好想考，而且佢都幾中意藝術同創意，但係又見到個F.4學生，連sick 同 sad 都讀唔到個正確發音，所以我幫細妹問下D有經驗嘅家長間學校水平点，因為呀姨甥已經水平唔高，驚佢讀呢D創意藝術學校連普通嘅中英數都唔注重，其實呀妹只希望佢可以有普通適應能力，心頭一D都唔高，所以想問下會唔會有中英文嘅輔導。

RL

這個學校淨係收中四學生

RL

這個學校淨係收中四學生

RL

這個學校淨係收中四學生