去外國讀書

cocoman

我好想去外國讀書,,
但係我屋企唔肯..佢地覺得要讀到書既係香港同係外國都係一樣.
之後就成日都同我講話讀唔到唔好讀,,
因為我自己本身讀中文中學,我今年會考,我其他科都okay,但係英文應該得個d.. 以d 黎計,升到上al 係唔pass..
甘我又冇理由升中6轉英文讀..但係如果讀中文中學,1日就得2堂英文..太小啦,,根本冇可能夠我應付al既考試..
我有唸過讀完中5,就唔讀,,因為上到中7唔pass既話升唔到大學都係同中5一樣..
唉.....我成日都想叫屋企人比我去澳洲/美國讀書,
一黎我可以學返好d 英文, 2黎果邊讀書唔係洗係咩都背就高分,, 根本係hk讀書.. 背得愈多就愈高分!!好多時d 野都唔明佢仲o麥..
好唔開心,, 點解家庭經濟狀況一般就冇機會到外國讀書..?!   

BAMUM88

cocoman,
你有咁上進既想法系好岩,如果家長肯比頭果筆(起碼二十萬),之後你可以半攻讀,搵自己既洗費.我相你肯比D成績屋企人睇,佢地都會支持你的.無論點,你依家最緊要考好個會考先.加油吧!

wachhichi

澳洲我就唔清楚﹐美國和加拿大讀大學﹐學費大約要$85000一年。加食﹐住﹐ 一年大約又要$70000一年。大學讀3-5年。
咁你話如果無錢﹐點讀呢﹖﹖

如果你英語一般﹐係西方大學會比較難追上。英﹐美﹐加﹐所有大學都係100%英語教學﹐咩都係英文。
或者你應該由highschool grade 11 or grade 12 開始。。俾一兩年自己習慣英文教學﹐咁你到大學時就會好好多。

DoReMi媽媽

樓主o既好學係好值得稱讚, 但現實啲睇, 如果家庭情況唔許可, 就只有靠自己努力, 屋企有能力俾到你出去讀固之然好, 因為出去讀唔單單係為英文, 眼光亦可以放遠大, 學習自己獨立處理一切事情. 但冇能力出去讀, 亦唔係冇路行, 英文唔好可以揾人補, 再唔係自己進修, 睇多啲英文書, 英文報章, 若果只係單靠學校每日2堂英文當然唔夠啦! 但問題係你自己都要另闢途徑去改進英文.

再講, 出到去讀書都唔係一定學得好英文, 要睇你考到啲咩學校, 考到唔好o既學校個個掛住玩唔讀書咪又係嘥時間嘥錢, 外國學校雖然係唔洗咩都背, 但問題係你都要識聽得到佢啲英文先可以get到points去答問題, 出去讀書除咗錢之外面對o既其他問題亦都唔小, 並唔係相像中簡單, 與其喺度其自怨自艾, 不如積極啲諗吓點樣可以改進英文成績吧! 如果好好把握到哩幾年o既時間高考攞到好成績, 到時仲大把知名大學收你都唔定! 加油吧!

仲有唔好因為屋企唔肯俾你出去讀就心存怨懟之心, 父母養大一個小孩不容易, 佢哋可能亦有難處, 要體諒!

kayan_329

cocoman~ 比你感動o左我讀書tim!! 因為我係唔鐘意讀書 但mama迫o左我去canada 而家得自己一個... 雖然o黎o左半年都有朋友 不過朋友都唔會下下幫你 唔似家人對你咁好!! 講真自己去外國真係好辛苦...... 自己要煮食...洗衫...咩都要自己做晒!! 我係家中排最細 以前下下靠家人 而家咩都要一力承擔 真係好慘!! 其實你去外國都要讀high school先可以再上u 因為high school果年係訓練你d英文~ 初頭我連自己讀緊咩野都唔知ka 不過而家我就知dd la!! 係canada o黎計一年學費要一萬多d 加幣 生活費就2萬加幣倒 不過簽証時都要睇你父母o既銀行有幾多錢ka!! 不過我都打算讀完個中學拎返d分返香港讀la!! 因為我覺得自己係果邊簡直係個地獄 開心o既係冇人管同有自己一間好大o既房 不過我覺得mama係身邊先會係最好o架!! 我捱多個幾月就返hk la~~ 不過9月又要返去捱多年先可以真正返hk ah!!

msjackie

小妹妹

今個月尾 (好似30,31號, 自己check下)在中央圖書館展覽廰有個歐洲高等教育展覽, 你去睇睇啦, 有些歐洲大學係免學費既, 而且唔一定要好好成績. 當然, 學費唔收, 但住宿駛費就要自己諗掂.
我好欣賞你咁有上進心, 但是要學好英文唔一定只可以去外國讀書, 邊個話中文中學的學生一定英文唔好. 咁大個人, 讀書靠自己.
唔好埋怨屋企人, 你已經比好多人好, 起碼在香港可以讀到大學. 試下自己解決問題.
祝你願望達成.

msjackie

cocoman

多謝你地甘多人既肺腑之言,
我個mock exam 英文成績出左啦,
我應該今次個會考有 lv3,即是以前既d.
我唸住黎緊暑假報d 課程學英文,預備升中6既英文課程.
因為我夠18歲,可以申請果個持續進修基金.
唔知有咩course 可以o岩我讀呢 =]
如果去外國果d 遊學團又會唔會學到英文?
我好想去外國見識一下 =p..

大豬既老婆

wachhichi 寫道:
澳洲我就唔清楚﹐美國和加拿大讀大學﹐學費大約要$85000一年。加食﹐住﹐ 一年大約又要$70000一年。大學讀3-5年。
咁你話如果無錢﹐點讀呢﹖﹖

如果你英語一般﹐係西方大學會比較難追上。英﹐美﹐加﹐所有大學都係100%英語教學﹐咩都係英文。
或者你應該由highschool grade 11 or grade 12 開始。。俾一兩年自己習慣英文教學﹐咁你到大學時就會好好多。

隨時8萬5HKD 吾得添。
加州大學都要差吾多1萬5美金一年(2學期)
如果系international student 的話

cocoman

哈哈哈,, 個BB 係我呀嫂..
為左方便問野,, 當住我個仔先..XDD
我都未結婚既..      

kayan_329

Cocoman~how old are you??
我今日自己計過　我o黎o左半年用o左
大約二十二至二十三萬港紙倒啦!!
包括學費...生活費!!

kayan_329

i study in canada ah!!
所以我想過英國讀ah
果邊起碼有個姐姐
如果唔係同佢住 有咩野打個電話都好
而家得自己一個係o度~ 都好唔開心!!

kayan_329

fongyu~你幾多歲ah 去Aus讀 d咩野科
我好悶ah~~識o既都係d男性朋友多
好想返hk!!

kayan_329

你係咪即係去Aus入u ah!! 你而家係香港or where......讀緊D咩野....我其實都想讀你果個 but又想讀營養學?? 不過又想返hk學野 而家都3心2意緊ah 講真...呢邊悶死人!!同埋凍天等車等到變晒雪條先有車!!

cocoman

去外國讀書係悶嫁啦..=/
如果果邊好多野玩,又邊度有心機讀書..
係都掛住玩啦...~

kayan_329 寫道:
你係咪即係去Aus入u ah!! 你而家係香港or where......讀緊D咩野....我其實都想讀你果個 but又想讀營養學?? 不過又想返hk學野 而家都3心2意緊ah 講真...呢邊悶死人!!同埋凍天等車等到變晒雪條先有車!!