亞洲青年鋼琴比賽

MoneyWong

請問有沒有人已經比賽了, 流程是怎樣的, 整個過程需要多長時間, 是否即日知道結果?

Thanks!

bebebe12345

已經開始
http://www.pianomusic.hk/Rule.htm

http://www.pianomusic.hk/Results.htm

晞晴媽咪

Hi MoneyWong

小女已收到信於星期六, 日參加兒童曲集 B 組及小奏鳴曲 B 組初賽, 其實我都唔太清楚整個流程要多少時間,  怕且要等佢星期六參加左第一場至知, 請問你/你的小朋友是何時比賽 ? 我有少少擔心小女會係小奏鳴曲組賽事中較細的參賽者, 希望佢唔好怯場啦 .....

晞晴媽咪   

MoneyWong

Hi 晞晴媽咪

小兒參加星期六1:30pm小奏鳴曲58組, 小兒9嵗, 因小兒下午3:15還有其他課程, 不想缺席, 可以希望可以趕到.

JP

MoneyWong,

上星期日我仔參加左Class 57, 佢個時段有20個參賽者,約一個鐘完成，即日要等成組Class賽完才公布結果。妳可以賽完就走,之後致電/上網check入圍結果。

晞晴媽咪

好開心, 今日下午四點返去文化中心攞分紙同睇入決賽名單, 小女好好彩在小奏鳴曲58組入到決賽, 呢個組別應該有35人決賽, 希望佢可以在明日的兒童曲集 B 組比賽再次入圍....   

晞晴媽咪  

MoneyWong

晞晴媽咪 :

首先恭喜你!
小兒也是在58組入到決賽, 我們一齊努力啦!

晞晴媽咪

Hi MoneyWong,

我都恭喜你的小朋友可以順利入到決賽, 希望到時佢地可以有更出色的演出...

話時話, 我要到星期二至知小女在另一場於星期日的比賽是否可以入圍, 因昨日要到差不多晚上八點至可以取分紙, 所以最後都無返轉頭去大會堂, 工作人員話最快星期二可以打電話 check 結果, 不過, 我自己就覺得佢得一半機會可以入圍, 睇下會唔會有驚喜....

晞晴媽咪    

somimi

我仔上星期六去"補比賽",
但情況好亂, 報到時個位小姐一路食飯盒一路做野 !!!!!
我仔本來預備得唔錯, 當天下午上課時, 老師話真系好好 (佢老師要求好高, 學生考試一定有120分以上),
但亞仔彈完第一隻歌, 個位司儀姐姐竟然叫 "下一位 ......."
結果亞仔第二首彈得比預期差........
今次主辦單位麻麻地, 以前 tom lee做得好好多.

晞晴媽咪

好開心, 今日打電話去美樂坊 check 下個女星期日場比賽可唔可以入圍, 佢好好彩於兒童曲集 B 組比賽再次入到決賽, 呢個組別應該有31人決賽, 希望佢可以快 D 背好個譜同比心機練習....

Hi Somimi,
我好同意你話今次主辦單位麻麻地, 因小女星期日原本是被安排下午一點比賽, 我同佢趕到死死下 12:45 去到大會堂, 點知門口點名個 "肥" 姐姐話因之前 D 小朋友彈耐左, 令後面的場次要推遲, 我好聲好氣問佢要遲幾耐, 因小女比賽完後要趕入將軍澳上小提琴堂, 點知佢好"悔"氣咁話, 我都無辦法, 評判又唔會叮走D 小朋友, 個個又揀埋 D 長嘅歌彈, 梗係 over-run 啦, 唔等得你可以走, 我都幫唔到你, 未食飯的話可以落去食飯先, 一個鐘之後再返黎點名啦.....唔好再"左"住張點名抬     亞女企喺我隔離細細聲話點解個姐姐咁樣講野, 咁無禮貌.... 我同個女企開一邊冷靜下, 再問個女想唔想等一個鐘之後參加比賽, 因我自己勁想走同把幾火, 但個女話佢練左好耐, 唔想放棄, 於是先同佢去食 D 野然後即刻同小提琴老師改遲 D 上堂, 好彩老師好體諒肯就一就, 但對呢間機構真係印象麻麻.....

晞晴媽咪    

MoneyWong

Hi 晞晴媽媽,

再次恭喜你, 你個女真係叻, 希望你個女再有好成績. 見你話你個女在將軍澳學小提琴, 請問老師好教得好嗎? 小兒都有學小提琴, 因我是住在將軍澳, 想幫小兒轉往將軍澳學小提琴, 請問可否介紹你個女的老師? 我知好塘突, 真係唔好意思.

Thanks!

晞晴媽咪

Hi MoneyWong,

咁"橋"你仔仔又係學鋼琴同小提琴, 我個女現時三年級, 跟呢個小提琴老師上私人課差不多兩年, 之前在學校以小組形式上課, 但進度太慢, 而且我自己要返工, 跟唔到佢上堂, 所以最後索性跟老師單對單上私人課, 這位老師教得不錯, 最緊要係我個女肯聽佢教聽佢講, 再者見佢執小女弓法/指法都十分認真, 考試成績又不錯, (小女剛於數月前考了二級小提琴, 好好彩有133分) 所以個個星期日都山長水遠入將軍澳上堂, 其實我都住得幾遠嫁...不過個女好鍾意上呢個老師堂, 惟有亞媽辛苦 D 啦...嘻嘻...

好啦...言歸正傳, 賣完廣告,....請收 pm 再聯絡老師啦....

晞晴媽咪    

MoneyWong

Hi 晞晴媽媽 :

好多謝你, 我已記下電話了, 等小兒這個月考完試, 二月初就會聯絡老師, 到時再告訴你情況怎樣,  "唔該晒"你.你真係好人.

Thanks!

gogochurch

Hi,

I want to ask the Recital Hall is on 8/F or 9/F ?   Are most of the competitions delayed ?  Thanks.

Rachethew

Hi, gogochurch,

大會堂嘅 recital hall 係 8 樓，但果度個 piano 非常舊，音色又差，囡囡話有多個琴鍵彈完後係返唔到位，如果要彈舒情嘅歌就要小心。
囡囡上星期日晚係果度比賽，原本 7 點開始嘅比賽要 delay 到 8點 9 先開始，最後一場比賽仲要被 cancell，所以我覺得咁多個大型比賽，呢個都算安排得最差啦！
Elise 如果聽日係果度比賽，你提一提佢個琴嘅問題啦！ Good luck!

晞晴媽咪

Hi MoneyWong,

唔使客氣, BK 呢度好多家長都好好人, 總之大家互相交流, 互相幫助啦....    

Hi Rachethew,

小女星期日在大會堂比賽完都話部琴唔係太好, 加上之前一日佢在文化中心 CR1 比賽, 個部三角琴 D 聲同手感好過大會堂個部好多, 佢話希望決賽唔使用 Recital Hall 部琴就好啦....    

晞晴媽咪

gogochurch

Hi Rachethew,

Thanks for your tips.  She is playing on Sat.

Rachethew

晞晴媽咪,

我都擔心決賽係同一個地點呀！我依家等緊 final 嘅 information，老師話如果真係同一個地方比賽，叫我地比賽前去投訴呀！