有無人系基法幼稚園報左名呀?

細BB

我今日去過,好似環境都幾好窩~

Marcus媽

請問你係唔係講緊月華街個間呀?  

細BB

系呀~11月4日收表呀!你系未報左呀?

Marcus媽

我只入過一次門口, 唔係睇得十分清楚入面, 只覺得個學校好細,其實這間幼稚園我細細個o個時都已經有了, 我原本都打算報, 因為我就係鐘意佢近屋企, 唔須要坐車,不過我之前係月華街公園成日見到佢地d小朋友覺得佢地好洩呀,媽媽又唔管, 我唔知d老師係點, 所以仲係考慮緊loh!~   

細BB

間間學校都有學生有好有壞嫁啦!甘你仲諗住報邊間呀?我諗住星期一去埋麗港城迦南睇下

Marcus媽

你講得岩間間學校都有學生有好有壞!但我眼見d小朋友就真係 mmm.....可能這些不是學校的問題, 而是d家長根本都唔理..真係好可惜, 這間學校真係好近我屋企, 如果有幸仔仔可以讀到其實就真係好好,我就唔哂仔仔去坐校車, 我仔仔依家係啟思讀n1全日,  因為官塘d幼稚園真係冇什麼可以選, 所以目前基法我都係只取表, 我都仲係睇緊, 我申請左好幾間, 如: kv/soka/宣道/培正/民生。   

細BB 寫道:
間間學校都有學生有好有壞嫁啦!甘你仲諗住報邊間呀?我諗住星期一去埋麗港城迦南睇下

細BB

藍田果間啟思呀?有N1咩?我都想軒軒讀啟思呀!不過好似無全日.你報民生果D未要搭校車囉...

Marcus媽

我bb依家就係讀緊啟思n1全日班1個月, 但將改半日, 因為佢下個月開始將由公公婆婆照顧, 希望可以轉返去半日班! 係呀, 我都為搭校車這件事已煩惱,擔心bb咁細自己坐校車, 聽有dmami講有d校車可以買一個半位, 所以工人姐姐/mami自己可以跟車囉!

細BB 寫道:
藍田果間啟思呀?有N1咩?我都想軒軒讀啟思呀!不過好似無全日.你報民生果D未要搭校車囉...

細BB

我今日都去過啟思,我覺得學費好貴呀!佢星期六有開放日,到時都去參觀下先~甘你覺得迦南好唔好?

Marcus媽

係呀! 其實我都覺得啟思d學費幾貴, 不過同迦南比都唔係相差好多, 我知所以選啟思係覺得佢個校社好好,相比迦南我就覺得佢入面好暗好黑咁。其實啟思d老師真係十分好又有愛心, 但係唔知為什麼我個仔仔日日都唔鍾意返學, 但係當我一帶到佢返學之後佢又好開心.....依家又成日病真係頭痛架!

你有冇報九龍塘d 幼稚園呀?

細BB

無呀!因為我唔想搭校車呀!覺得好危險同埋好辛苦,自己又無甘多時間日日送佢返學放學,我諗我都系報啟思喇!

TeaBB

BB都讀緊基法幼稚園，報名時我都覺得間學校好細，
不過近屋企，同埋口碑都幾好，所以報讀咗!

但經我睇完BB觀課之後，原來間學校都唔細，
只不過分開好多層。最上一層係電腦室、
有一層係我地一入去就見到的三間課室、
再下一層仲有一個課室、再落一層係一個
大活動室、再下一層就係地下遊樂場(戶外的)，
最鍾意戶外遊樂場可以比BB接觸下大自然
同埋晒下太陽，病都會少d架! 老師話今年先
新裝修課室架!

可能我最睇重BB佢本身鍾唔鍾意，佢每一
日都好想番學，那代表學校的老師或教學都
幾好，起碼冇功課的壓力、冇咩公開的表演
(我極唔鍾意BB番學係為學校名聲，而不停
採排表演)，只要BB每日開開心心番學、
識下朋友仔、唱下歌玩下，最重要比佢建立
佢個人格、愛心，其他一d都唔重要啦!