我係小學老師，誠意為你解答教導小朋友o既問題

barry_mama

barrymama：
我無教英文科，不太清楚哦!
不過都是同一間出版社，我估不會有好大分別o既!
而且，小一課程都會考慮到所有小朋友，所以應該會教一d大眾化o既o野，我諗小朋友應該唔會搞唔掂o既，放心啦!

hanbe

HI barry_mama

真係唔好意思, 我囡囡功課要寫"我的金句"(P.1), 但我唔知點樣解釋"金句"o既意思比佢知, 麻煩你可唔可以幫幫忙呢?唔該!

hanbe

christina

barry_mama :,請回覆吧, thanks.


你好, 我女明年升小一, 今個月煩緊選校, 我住62網, 心儀浸信會聯會小學, 但沒有宗教分, 第1round唔得, 要等2nd round, 無宗教分, 是否第2nd機會好微  

另外, 我想比女女考吓私校, 培正/九龍禮賢/宣道/九龍塘學校及崇真那間較好, 它們在英文方面唔知會否串字.

私小多數會考d乜野, 我驚女女唔識答. 麻煩晒你, 近期好煩佢攪珠唔好/考私小唔得.

jjj_3

Barry mama,

很多謝你詳細回答我小朋友做功課慢吞吞的問題,我是在職媽咪, 小朋友放學回家後,一般是自己做功課,但很多時只做了一小部份功課,需要我放工回家才一齊做.

lamsuetwai

Barry ma,

小兒今年剛上小一, 在一間傳統普通但不是名校.  

本人有以下問題:

1. 小兒比較活躍, 個人覺得比較合活動教學, 但數間出名活動私校及直資都不收. 只有傳統出名私校收. 但本人心想, 如讀傳統小學, 就try 1 年政府小學.  因大家都是傳統. 便就讀了現時之2000 新校舍, 是2間都有 50%以上band 1 上中學的小學組成.  暫時我兒都喜歡, 功課我見詞語等, 不太重抄寫.  我想看佢是否適應傳統小學. 怕選擇錯了害了佢一生.

我想問你覺得如傳統小學, 你會選普通的, 可能佢可考 頭 1-5名, 令佢增加自信, 還是都是 p. 2 轉去傳統出名私校, 打好基礎呢. 增加選名中學的chance 呢.

關於活動及傳統教學, 你意見如何呢?

以我暫時觀察, 小朋友是要抄過做過先有概念. 活動教學真是可不可以做到有result及愉快呢, 特別是小朋友不會主動做功課, 而活動教學不迫的話, 小孩學的會否比傳統小學小呢?
而我發覺活動教學的小學都比較注重2文3語, 閱讀, 而傳統小學就沒有太提及.

stanleypyk

Hi barry_mama,
       又麻煩妳了!我小朋友入讀小一後,收到一些興趣班的報名單張,其中有學術性及有趣味性,例:跆拳道,小提琴,書法班,朗誦班,書法班等,通常要小朋友親手交給老師,我小朋友只對小提琴有興趣,對有學術性的書法班,朗誦班,書法班等一概不願意參與,我常聽有時要迫才會有機會產生興趣,我想知小一這年紀是按他的喜好參與,還是迫他參加一些家長認為有興趣的課程呢?我怕迫他參與後仍是沒有興趣,反而有反效果令他日後更加抗拒。
    

xmanman

barry_mama

你真係一位很"用心"的老師,     

作為家長最希望自己的仔女都遇到用心的老師,  "因型師教"是十分重要的!  無論小朋友成績好與否, 老師們都同等地對待每位學生,  相信得益一定是學生!!

一位學習去體諒老師及包容自己兒子的媽媽上

大眼仔mama

Barry_mama

Is Raimondi College Primary Section good? I heard that their secondary school is not as good as before.  Any comments.

wenyin

Hi barry_mama,

我兒子今年 K2, 性格非常活躍好動, 但就非常聰明, 學嘢也快上手, 但都能守課堂規矩 (係老師的 comment).

想請問為他揀選小學時, 應該選活動教學的還是傳統教學的呢? 我們住的區份多數是傳統教學, 如果安排仔仔讀呢類學校, 佢會唔會好辛苦呢?  還是小朋友的適應能力很強, 放他去個地方他都會適應呢?

Ivy124

barry_mama

你好呀
我想請教一下...我囝囝而家係p1...如果我想幫佢強化d英文...除左報讀phonics之外...係咪重要讀埋gammer...重有d咩可以報讀...請比d意見...謝謝!

ivy124

barry_mama

各位家長：
你O地好!好彩我琴日交o左功課咋，宜家可以慢慢解答你o地o既問題喇!!
短短一日之內收到好多有關活動教學同傳統教學o既提問 ，所以o係呢度就同大家傾一傾。
世上有千百種教學法，沒有一種是「最好」的，「好」與「不好」，要視學生的情況而定：
a)有些學生（尤其是年長些的學生）學習動機強，專注力高，聽力佳，能力較高的，未必需要用活動形式，可能以直接講授的方法已可「接收」得很好
b)有些學生可能剛相反，便要用一些活動提高他�她對學習這科�這課題的興趣，這時活動教學可能較直接講授更為適切
-->但每間學校，每一級，每一年度，甚至每一級、每一班內的學生皆有差異，所以，要能靈活地按學生情況調節教學方法，才是好老師

2.那麼，對上述b型的學生，是否只要一用活動教學便好呢？答案亦不然！因為：
a)假若活動不配合學習主題�目標，只一味玩，有「愉快」卻沒「學習」，怎能算「好」？（我心中界定的「好」是「學生能愉快地學習」）
b)活動一定要好玩，否則不能引起興趣
c)活動一定要符合學生的程度，太難會招致放棄，太易又不能引起興趣
d)假若只有活動，卻沒讓學生反思在玩的過程中學到甚麼，到頭來也只落得「玩過就算」的田地，學生亦無得著

3.是否每一課也要活動？不一定！有時活動太多（或常用同一形式的活動），會讓學生感到厭煩，亦非明智之舉！

4.師生比例亦很重要，試想想如果班內的學生人數達三十多人，如四人一組，就會有八至十組，好可能引起課室管理問題!

簡言之，在教學中要否活動，需視乎：
I)學生的能力、學習動機等
II)課題是否適合

就算係傳統教學，老師都會用活動教學o既手法去教一些有趣o既題目，例如我自己為例：我教中文時，都會滲入一d活動，例如係分組討論，資料搜集，匯報，短劇創作，廣告創作……所以家長唔使咁擔心，就算係傳統教學o既學校都有活動教學(宜家o既學生唔係咁易教喇，老師唔變就吸引唔到佢o地喇!)，就算係活動教學o既學校亦有傳統教學，其實兩者係融合o黎用o既!
不過，由於收生不足o既問題，好多學校會搞一d綽頭o黎吸引家長(活動教學、用普通話教中文等-->呢樣o野我唔係好BUY)，所以家長o係揀學校時，可以參考以下幾點：

1. 趁心儀學校開放日去睇睇，參觀校舍設施之餘，又可以睇 o下學校o既文化
2. 帶埋小朋友去參觀，同佢o地一齊討論，選校過程中比佢o地有參與權
3. 參考升中派位結果(不過，想講一句就係就算入到升中派得幾好o既學校，唔代表你o既仔仔/女女一定都派得咁好，相反，就算佢o地入讀一些比較升中派位結果比較普通o既學校，可能會有意想不到o既驚喜!所以，都係睇你仔女o既能力!)
4. 最重要係家長參與小朋友o既學習—入讀小學六年期間會有好大o既成長，好可能你幫佢搵到一間幾好o既學校，但六年後，學校未必比得番一個你心目中o既仔女你。
5. 觀察心儀學校o既學生，我自己o黎講，最重視禮儀，如果我選校，校風係我o既首選!
希望幫到大家

barry_mama

hanbe：
你可以解釋比佢聽，「我的金句」就係一d簡短o既說話提醒自己要點樣做好，例如：「看見老師點點頭，看見同學握握手」之類，係寫比佢自己睇，所以最好用返一d佢自己識o既字!!

barry_mama

stanleypyk ：
呢個問題我都諗過，係咪真係可以迫出o黎呢?
我諗我會比自由小朋友自己揀學咩，參加咩興趣班。
譬如佢鐘意學樂器，我會比佢學，但係我會同佢有協定，起碼考到幾多級先可以唔學。
因為練琴呢段時間小朋友會好容易放棄，我o地會o係旁邊迫佢練習，但過o左一段時間之後，佢慢慢彈到歌仔出o黎，有成就感之後，可能我o地唔使迫佢，佢都會有興趣去練。
但最起碼，佢自己肯開始去學先lor~

barry_mama

Ivy124 ：
佢宜家先o岩o岩讀小一，要適應好多o野，就算學都係下學期先，無謂咁快加重佢負擔嘛!其實你都可以教佢o既：
你可以陪你個仔仔用英文寫o下日記咁，開頭你可以設計一d簡單d o既模式，例如你寫定一堆形容心情o既字，然後比佢圈低邊d可以形容o下佢今日o既心情，然後作o下句子；又或者係用六何法：何時、何地、何人、甚麼起因、經過、結果。開頭用短答形式，慢慢將佢串埋一句，最後變成段落，睇佢程度啦!
然後你可以設計每日一個時段淨係用英文同佢溝通，可以係輪流講故事，普通傾計，討論新聞等，多樣化，設計靈活，而你亦可以參與其中呢!
希望以上意見幫到你啦!

barry_mama

jjj_3：
我諗佢係特登唔做，咁係為o左令你可以乖乖地坐o係佢旁邊陪佢做功課嘛!!
抽多點時間陪佢啦

cmct

barry-mama said,

4. 最重要係家長參與小朋友o既學習—入讀小學六年期間會有好大o既成長，好可能你幫佢搵到一間幾好o既學校，但六年後，學校未必比得番一個你心目中o既仔女你。
5. 觀察心儀學校o既學生，我自己o黎講，最重視禮儀，如果我選校，校風係我o既首選!

      
no. 4...wonderful, will bear in mind
no. 5...totally agreed
thank you barry-mama   

xmanman

barry-mama,

你好, 我想請教你關於中文科的問題 :

我兒子今年四年級, 他中文作比較差, 我覺得他內容不豐富, 他只會直述事情的發生, 因為經常字數不足!  例如 ,
他每週做週記,  只有三行字呢 , 我勸他寫多一點, 他說不懂, 因為要記述的已寫下了!)

我想請教你, 如何幫助他改善作文呢???

xmanman

stanleypyk

Hi  barry_mama:
    您好!如妳所說興趣班的處理我可試一試,但學術性班別如普通話、朗誦是否也讓他選擇, 但我知他一定不會選擇, 但這些學術班別以家長的角度是好的, 但如果任小朋友作主, 他不選擇怎算好?

barry_mama 寫道:
stanleypyk ：
呢個問題我都諗過，係咪真係可以迫出o黎呢?
我諗我會比自由小朋友自己揀學咩，參加咩興趣班。
譬如佢鐘意學樂器，我會比佢學，但係我會同佢有協定，起碼考到幾多級先可以唔學。
因為練琴呢段時間小朋友會好容易放棄，我o地會o係旁邊迫佢練習，但過o左一段時間之後，佢慢慢彈到歌仔出o黎，有成就感之後，可能我o地唔使迫佢，佢都會有興趣去練。
但最起碼，佢自己肯開始去學先lor~

barry_mama

stanleypyk：
你可以報親子o既普通話班，叫佢陪你學，慢慢培養佢o既興趣，佢宜家唔知呢樣o野好玩，未有興趣，係因為佢唔知道當中o既樂趣o者

barry_mama

xmanman：
首先要多閱讀，等佢認多點字。
可以o係房度貼張大畫紙，將每日睇完o既文章入面o既字(揀一些簡單的)抄o係上面，等佢日對夜對，然後你可以同佢一齊查字典，認識詞意，又或者一齊造句，又或者係將d詞語串埋變一個故事(形式多變)。
你可以同佢一齊讀，或者做角色扮演，之後可以一齊完成一個閱讀報告(如你寫下一堆形容詞，請佢圈出形容到佢o既讀後感o既詞語)，然後請佢利用呢d字去寫閱讀報告。
另外，你可以要佢每日都寫日記，形式可以係簡單o既。例如你set好一個表，要佢寫番低日期、地點、時間，然後寫低事件，起初你可以o係旁邊幫佢，你可以問佢想寫咩事，然後你提供一些詞語比佢(可能佢o既詞彙太少)，之後請佢自己作句去形容佢想寫低o既事情。
此外，仲要用課文入面o既句子作句，每日作兩句(你揀一個詞語，佢自己揀一個詞語)。過左一個星期之後，同佢拎返呢個星期作過o既句子出o黎，同佢一齊改，最重要係要佢發現句子o既問題，從而將佢改變過o黎!
總之，就係要增加佢運用中文o既機會，希望以上建議幫到你啦!