我係小學老師，誠意為你解答教導小朋友o既問題

小妮子

barry_mama:
首先要係呢度同你講聽"多謝",你肯花時間o黎解答各位媽咪o既問題,真係好難得!

另外,我自己都有問題想請教下,我囝囝今年升二年級,不過佢係讀緊上午校(彩雲聖若瑟),我想係今年同佢轉全日制學校,自己已經有心儀o既小學(因有聯繫中學),我想問下,同小朋友轉校,最好o既時機係幾時?手續又係點呢?Thank You!

Daisy媽咪

Barry_mama & Tungtung_mamai,
佢係真係學習動機不足, 可能我乜都同佢plan 好哂, 佢真係有d飯來張口 !   正如你所講, 我仲緊張過佢 ! 至於係學校, 雖然佢成績不過特出, 但亦中規中舉, 所以未必冇成就感, 因為佢好鐘意返學同埋好鐘意d老師 !
我其實都帶過佢去識業治療師度做過初步評估, 佢唔係讀寫障礙, 只是專住力比較差, 但亦算合格, 只是一冇一看住佢, 佢自己就冇自制能力呀 !
至於樂器, 由小時學過3個月鋼琴後, 就依家行過琴行都掉頭走, 其他樂器一蓋無興趣, 所以我都唔迫佢 !
我剛開始既做法 :
1. 功課唔檢查, 問佢做完未, 都覺得冇問題, 就放入功課袋, 然後我只簽名 !
2. 佢執完書包後唔再check 佢 !
3. 唔同佢溫默書, 背書, 問佢覺得自己識未, 佢話識, 就當佢識 !
希望佢take 番自己既責任, 不過我都好唔忍心, 我好驚佢默書 "0"分呀 ! 不過都要堅持, 希望當買個教訓啦 !

barry_mama

小妮子：
手續方面我唔太清楚，我諗你最好打電話去心儀學校問O下喇!
不過唔知佢o地會唔會要你做份test / 淨係要你拎返佢之前o既成績參考o下。
至於時機，我諗最好係開學(1st choice)或者係下學期(2nd choice)開始o既時候，因為下學期會用新薄，小朋友感覺自己同其他人一樣，一齊開新簿。

barry_mama

Daisy媽咪：
我支持你o既做法，不過你要忍得住先好哇
不過，試o下佢係咪真係少少都唔緊張自己o既功課都好
o既，可能佢真係會唔及格，呢個時候比佢自己feel o下都好，試一段日子先討論喇!
不過，另一方面，你都可以同老師傾o下，希望佢o地幫o下手，同你女女傾o下，幫佢建立返自我管理能力，我相信佢o地都會肯幫手o既。
因為我o地講一句，好過你講十句嘛
另外，佢唔鍾意學樂器，咁會唔會比佢試o下其他興趣班呀?

Daisy媽咪

Barrymama,
多謝你呀, 不過真係怕自己忍唔住呀 !
可能佢性格太active 啦, 坐定定既野, 佢真係唔掂, 反而學dancing, singing 佢就好鐘意, 依家學校佢叫参加賽跑佢都好鐘意, 咁我就尢佢去玩啦 !

有樣八掛野想問 :
有時d私人補習話自己係現職教師, 但依家做老師唔係好忙既咩 ? 邊仲有時間同人補習 ? 而且同人補習都唔會好好pay, compare with 教師既人工, 咁果d話自己係老師既補習老師係咪真架 ?

christina

barry_mama :你好, 我女明年升小一, 今個月煩緊選校, 我住62網, 心儀浸信會聯會小學, 但沒有宗教分, 第1round唔得, 要等2nd round, 無宗教分, 是否第2nd機會好微

另外, 我想比女女考吓私校, 培正/九龍禮賢/宣道/九龍塘學校及崇真那間較好, 它們在英文方面唔知會否串字.

私小多數會考d乜野, 我驚女女唔識答. 麻煩晒你, 近期好煩佢攪珠唔好/考私小唔得.         

marinayiu

Hi barry_mama,

你講的方法很好,我會試著做, 但他們每日都有新野教, 中英數常加埋, 哪有這麼多時間溫習呀? 其實我女剛小一, 暫時都不知學校教些甚麼, 因為沒有跟書教, 只有功作紙拿回來做, 溫習方面好像無從入手呀. 幸好小一還很簡單, 她大部份都識. 我也是覺得她的自理能力不足, 比較貪玩. 所以我是放棄了份工想專心教好她, 暫時看不到甚麼成效, 我真怕自己變成"常娥"呀, 同埋又怕她更加依賴, 可能我是太過緊張吧.  :-|

leews

barry_mama 寫道:
小妮子：
手續方面我唔太清楚，我諗你最好打電話去心儀學校問O下喇!
不過唔知佢o地會唔會要你做份test / 淨係要你拎返佢之前o既成績參考o下。
至於時機，我諗最好係開學(1st choice)或者係下學期(2nd choice)開始o既時候，因為下學期會用新薄，小朋友感覺自己同其他人一樣，一齊開新簿。

俾樣建議給你，最好先問問該學校。
有些名校係唔接受中途插班，即係一月入表也是九月才可插班，另外中途轉班亦會使他中途要適應過新的環境。
識過新的朋友，但下學期遇正課程唔夾便要追課程, 除非是4升5就因為擔心入唔到精英班外, 其他情況下都最好在九月轉校吧。
有些學校會統一做入學試，考試範圍可能會深過佢應有程度，如於暑假後考升小三會用小三上學期第一次測驗或考試來考入學者。亦有只做面試、甚至只睇文件。

leews

Daisy媽咪 寫道:
有樣八掛野想問 :
有時d私人補習話自己係現職教師, 但依家做老師唔係好忙既咩 ? 邊仲有時間同人補習 ? 而且同人補習都唔會好好pay, compare with 教師既人工, 咁果d話自己係老師既補習老師係咪真架 ?

我唔係barry_mama, 但都答得你這條問題。
首先教師本身去做私人補習，理論上是犯法，隨時會被吊銷教師執照。但總有人會以身犯險，但同時在學校有部份是變相教師的合約教學助理(但要教足節數-政府慳錢的副產品, 行內有人叫佢地「二等教師」-即係正常工作, 低於正常人工), 這些人因為學校人工較低, 有些連10k也沒有, 有些學校會隻眼開隻眼閉。我老公以前間學校都試過咁樣比佢出去做兼職教師, 不過唔可以是自己學校學生和在自己區而已。

barry_mama

我簽約o既時候，校長已經講得好清楚，係唔可以做任何形式o既補習。
其實我都同意o既，因為呢份係一份full time job，就算有時間，都應該做學校o野，無理由自己去搵錢，所以本來我想教琴都唔敢loo，怕撞到學生
o個d自稱係現職教師o既，可信性不高，佢未必提供到証明話自己係老師，而且我o地呢份工好保守，唔會立亂話比人知自己o係邊度教，就算係同行，都係心照，唔會問邊間
所以，可能佢o地曾經係老師掛~~

barry_mama

marinayiu ：
如果佢宜家暫時學o既o野唔係咁深，咁你就可以教定佢
一些就o黎教o既課文，同佢備o下課咁lor~
其實，小朋友好多習慣都係根據家長而養成的，如果你係一個好緊張佢o既家長，佢有可能變成一個愛理不理o既小朋友，相反，如果你說話精簡，立場明確，講得出、做得到o既，對自己有要求，咁佢亦會係一個獨立o既小朋友，總之家長對小朋友o既影響係最深遠，所以，多點觀察佢，可能你會發現到佢某點特質係同你相處o既時候先會出現呢^.^

marinayiu

Hi barry_mama,

真係好多謝你的回應, 我想我知點做la.  
Thank you!

yionyoyo

女兒剛剛入小一!可是我不知是她數學不好還是正常!
她並不了解"和""取出"需要一說再說但她還是會不懂!我真的教的快瘋了!不知如何教她才能令她了解!   :evil:

barry_mama

yionyoyo ：
不需緊張，數學o既概念對小朋友o黎講一向都唔係容易。
佢o地掌握亦有難度，最好用實物同佢講解。
佢只係讀o左小一兩星期咋~.~
唔好對佢期望咁大喇~
比d空間佢同你，佢要時間適應，而且有時佢個腦會好似便秘咁，諗唔到o野，所以可以等佢精神好o既時候再解釋。
可以同佢做角色扮演，一個賣，一個買~

lingchuling

barry_mama,

Hi, 小學及中學校友, 不知妳有沒有看到我的答覆, 我小朋友現在3歲半

見到妳在這幫那麼多媽媽解答問題, 真好呀, 可能遲些我都要向妳請教, 因為教小朋友的確是一個很大學問, 我以前都差些做左老師, 好彩後來都冇做到, 因為我發覺我實在不太適合, 真是佩服各位熱誠的老師

lingchuling

mfkhung

  

Honeymum

多謝你的幫忙, 我諗我都要放鬆d, 同呀仔一齊努力適應!
衷心多謝!!   

Honeymum

請問你地做老師O既, 鍾唔鍾意家長打電話比你們問下仔女的學校情況?? 我們家長咁做, 是好定壞?? 會否覺得好煩, 或者影響小朋友的形象???   

shun282

hi！barrymama
小女幼稚園用longman new welcome english
而心儀小學則用longman express
我想問函接有否問題？

barry_mama

Honeymum：
我自己o黎講就唔覺o既，但最怕d家長唔講道理同無禮貌。
如果佢打o黎想我幫手，我一定盡力幫佢。因為我知道家長o既難處，有時我o地同小朋友講一句好講你o地講十幾句嘛~~
不過，有d家長淨係想搵人發洩，咁我o地就會變成標靶!!
但係，呢d家長只係佔好少數o者，做多幾年就知道點樣應對佢o地o架喇!
但係，我始終覺得o個d唔尊重老師，o係小朋友面前講佢老師o既壞話o既家長，佢o地o既小朋友都唔會對老師有禮貌，最終受害o既係家長自己，因為小朋友學識o左唔尊重他人，第時就會好慘 想改就難loo~