我係小學老師，誠意為你解答教導小朋友o既問題

*新希望*

barry_mama,

請問你贊唔贊成功課抄寫多?

例如 :
中文 - 抄生字/ 抄課文 / 中書 / 作文 / 謄文 (每日都有抄寫) + 習作

中英常同一日都會有抄寫!! .............

marinayiu

Hi barry_mama,

我想請教一下, 想小朋友讀書好, 做補充是否必要呢?
眼見很多家長都給小朋友做補充, 但每日時間又不多, 怎樣才是最有效的方法呢?

謝謝!

頌謙媽咪

barry_mama,

雖然囝囝只唸k2,但已開始為他物色適合小學,現有一個疑問,希望你可俾d意見!
囝囝性格較被動、慢熱,但又唔鍾意坐定定做功課、畫圖畫...總之都唔知佢算係好動定好靜。丈夫認為可配合佢性格,為他揀選傳統學習的學校。但我又認為透過活動教學,可令兒子性格變得較主動、活潑...似乎兩種諗法都有d道理,真係15/16,唔知你認為邊類同學對囝囝學習最有利?

頌謙媽咪

barry_mama

jjj_3：
小二o既小朋友對抄手冊o既工作應該好熟悉喇喎，因為佢抄左成年喇!
其實老師上堂寫完黑板o既功課之後，應該都會比時間佢抄手冊，不過如果佢上堂唔夠時間抄，惟有小息或者食完飯抄，你可以o係手冊上寫低d紙條，提佢要抄齊手冊，同埋為佢準備一個專門裝功課o既file，每次老師比功課，都要即刻將功課擺入file入面，另外，你可以o係個file上面抄住「抄齊手冊」，希望每次佢擺完之後見到，會提到佢寫手冊，希望幫到佢去管理自己o既學習!
做功課慢吞吞係好多小朋友o既習慣，我唔知你有冇陪小朋友一齊做功課呢?如果有o既話，可能呢個就係佢慢o既原因，因為有你o係旁邊成日叫佢快點!
我諗你可以擺個鐘o係佢枱面，同佢講比幾多時間佢做，做得晒就有得玩，做唔晒就無，要佢自己承擔後果。

barry_mama

*新希望*：
抄寫有抄寫o既好處，不過數量太多就不宜喇!
我做o既學校淨係詞語、造句、工作紙、作業、週記、膽文。
其實你可以同學校o既老師溝通o下，希望盡量中英文唔好同一日抄寫啦!

barry_mama

頌謙媽咪：
我以前都係o係一間聲稱活動教學o既學校教過，
所謂活動教學係全班分為若干組坐，方便老師上課時透過活動去教學，唔使特登分組。
不過，其實只係得個名，因為課程問題、課室管理問題等，無可以堂堂都係課外活動，因為有太多o野要教、要考。
有時，我寧願佢o地一行行坐，教學仲方便。
所以，如果你真係鍾情於活動教學，首先要知道佢o地o既師生比例，如果一班有成三十人以上，就比較難做到活動教學。
另外，區你都要考慮，例如學校o既學生質素，如果d學生都幾ok o既，行活動教學o既可行性亦相應地高。
希望以上意見幫到你啦!

barry_mama

marinayiu：
補充係補o下小朋友不足o既地方，我覺得唔要必要，但係有需要。
例如小朋友o既中文科閱讀理解能力較弱，就要針對性咁做返多一點閱讀理解o既練習，如果每日做到一個都ok，做唔到就兩日一個，睇時間啦，唔好限死，要有彈性!或者中英數輪住做都可以，不過都係o個句：要針對性的!

barry_mama

meimeilam：
我唔清楚，唔敢亂答你^.^
不過你可以去試o下堂~

頌謙媽咪

barry_mama ,
唔該晒!
頌謙媽咪

Daisy媽咪

barry_mama,
sorry, 遲左睇你既reply.
我依家每一比佢睇一篇小一既中文文章(佢依家二年班), 然後underline d 佢唔識既生字, 有d常用詞語會要佢默, 但進度好似好慢.
至於日記, 佢只可以做周記, 但都好慢 (生字庫又少), 只寫得兩三句 !
仲有, 佢重組句子特別差, (中文英文都係), 而且成日寫(抄)漏字, 如 : "我要上學去"佢會寫成 "我要上去". 佢成日話唔明d問題, 但當我同佢一齊, 叫佢讀番出黎, 佢又識 (我冇幫佢, 只係叫佢照讀出黎) 點解會咁既 ?
做功課就更係"慢世魔皇", 就算做完, 都錯漏百出, 可以做漏成頁都得, 點解會係咁呢  ? (我冇陪佢做功課, 只係叫佢做完我放工check !)   

barry_mama

Daisy媽咪：
我覺得你女女o既自理能力不足，對自己亦好似無咩要求，
不過可能呢個係佢長久以o黎o既習慣，所以無可能要求佢短期內改過來，你o既努力係有回報o既，相信自己同你女女，不過，無咁快，我諗起碼過多兩個月啦!
加油!加油!

barry_mama 寫道:
Daisy：
首先要多閱讀，等佢認多點字。
可以o係房度貼張大畫紙，將每日睇完o既文章入面o既字(揀一些簡單的)抄o係上面，等佢日對夜對，然後你可以同佢一齊查字典，認識詞意，又或者一齊造句，又或者係將d詞語串埋變一個故事(形式多變)。
你可以同佢一齊讀，或者做角色扮演，之後可以一齊完成一個簡單o既閱讀報告(如你寫下一堆形容詞，請佢圈出形容到佢o既讀後感o既詞語)，然後請佢解釋一下為何會揀o個d詞。
另外，你可以要佢每日都寫日記，形式可以係簡單o既。例如你set好一個表，要佢寫番低日期、地點、時間，然後寫低事件，起初你可以o係旁邊幫佢，你可以問佢想寫咩事，然後你提供一些詞語比佢，之後請佢自己作短句去形容佢想寫低o既事情。
此外，仲要用課文入面o既句子作句，每日作兩句(你揀一個詞語，佢自己揀一個詞語)。過左一個星期之後，同佢拎返呢個星期作過o既句子出o黎，同佢一齊改，最重要係要佢發現句子o既問題，從而將佢改變過o黎!
總之，就係要增加佢運用中文o既機會，希望以上建議幫到你啦!

Daisy媽咪

已開始了四五個月啦,........ 我真係唔知點解佢地做功課要做咁耐, 溫書, 默書好似係應酬我咁  
我琴日同佢開火 我話以後我唔會要佢睇書, 做exercise, 亦唔會同佢默書, 因為係佢既責任, 睇下佢又點 !其實做亞媽真係好想笑面對佢, 但佢地硬係好聲好氣就唔so 你, 當你唱歌, 當你    至死死地氣做, 唔通日日都要我板起塊面對住佢 ?   

marinayiu

Hi barry_mama,

好多謝你的意見, 請問溫書方面有沒有甚麼技巧呢?  

stanleypyk

Hi barry_mama,
      我小朋友剛上小一,對英文比較抗拒,可能是當他k2暑假時候曾參加了小童群益會的英文Fun class,是外藉老師教,自從上了那班後,對英文比以前抗拒,問他在小一學校上英文課時怎樣,他說大多數不太明白,點算好,如果對老師講有沒有幫助,還是在家裏和他惡補呢?

tungtung_mama1

Daisy媽咪 寫道:
barry_mama,
sorry, 遲左睇你既reply.
我依家每一比佢睇一篇小一既中文文章(佢依家二年班), 然後underline d 佢唔識既生字, 有d常用詞語會要佢默, 但進度好似好慢.
至於日記, 佢只可以做周記, 但都好慢 (生字庫又少), 只寫得兩三句 !
仲有, 佢重組句子特別差, (中文英文都係), 而且成日寫(抄)漏字, 如 : "我要上學去"佢會寫成 "我要上去". 佢成日話唔明d問題, 但當我同佢一齊, 叫佢讀番出黎, 佢又識 (我冇幫佢, 只係叫佢照讀出黎) 點解會咁既 ?
做功課就更係"慢世魔皇", 就算做完, 都錯漏百出, 可以做漏成頁都得, 點解會係咁呢  ? (我冇陪佢做功課, 只係叫佢做完我放工check !)   

Daisy媽咪, 你囡囡會唔會有讀寫困難? 之前我個兒甥女都係咁, 所以帶左佢做評估, 評估出黎係有讀寫困難, 因為佢d特徵有少少似你囡囡, 佢做功課成日做漏, 而成日都好唔專心, 成日都錯響d唔小心的地方!! 所以你留意下, 如果真係的, 就要快d搵治療啦, 依家兒甥女都好返好多啦!

barry_mama

Daisy媽咪：
我明白你o既心情，就好似我o地好用心想去幫個小朋友，但係偏偏未見成效，令人好氣餒，不過，至少你放過心機落去個小朋友度嘛
其實每個小朋友每日都係試緊我o地大人o既底線，可能有一日佢成功o左，發覺原來係可行o既，咁佢每日都做同一樣o野，希望可以「過到骨」。
你女女本身學習動機不足，所以咪無心機做所有有關學校o既o野(包括功課或者温習)。其實，諗深一層可能係佢o係學校得唔到成就感，又証明唔到自己o既能力，咁佢o既自尊心咪低lor，唔太積極，有點「飯來張口」o既感覺，反正佢知道你比佢更緊張，你唔會唔理佢嘛!
所以，試o下比返個責任佢先啦，額外o既練習就停一陣先，無謂加重佢負擔。
另外，你可以同佢一齊設計一個時間表，比d時間佢安排一d佢喜歡o既活動(例如係唱歌、畫畫等，不過你都要留意多點佢喜歡d咩)，如果佢能夠跟隨時間表做事o既，不妨蓋印仔式者係貼貼紙。
講開專注力，你會唔會考慮比佢學o下樂器咁?
其實練習樂器o既時候，可以訓練佢o既專注力。
另一方面，如果你覺得情況持續沒有改變o既話，我都贊成比佢做d評估。
希望幫到你啦

barry_mama

marinayiu ：
講開温習，最佳o既温習方法係考試之前唔使温。
點解咁講，其實我o地o既記憶力有分長時間、短暫。
譬如你星期一同小朋友温完，到星期二可能佢仲記得80%，到星期三得返50%，到星期四20%，星期五已經唔記得晒loo!
所以，温習最好o既方法係反覆。例如，星期一用一小時温完，星期三再用三十分鐘温，星期五用十五分鐘已ok喇(因為星期一詳細咁温左，之後再温o既時候，就唔需要用咁多時間!)最重要，都係持之以恒。

barry_mama

stanleypyk：
如果佢係小一o既話，老師未必會用晒全英教學，可能係用英文加點中文，其實唔使擔心，坐o係課室o既小朋友可能無幾個係聽得明!好多時，都係靠屋企做back up o架咋!
不過，如果佢係抗拒o既話，就要小心處理，因為宜家小一o既英文都算淺，如果第時上到小三，開始深o既時候，佢會更加唔鍾意呢科，加上根基打得唔好，惡性循環，佢o既英文就會跟唔上喇。
建議同佢參加d 親子英文班，最好中國人教返(可能佢對外國人反感)，以遊戲形式為主，目的只係希望佢對呢科有返興趣，唔好強求個成效。
至於o係屋企可以做咩，你可以參考返之前o既留言

cmct

Dear All,
Thank you very much for all your sharing here.  I have a 6 years old daughter and 1 year old son.  Although I don't have "big" problem with them now, I learnt a lot of things here from all your discussion.  This is a very good topic.  I believe we can overome the difficulities with our kids as we are willing to sacrifice our time with them!
Barry-mama, you are really so nice.  Both my brother and sister-in-law are teachers.  I understand it is not a easy job, high pressure and heavy work load.  You are not only a teacher but a mother too.  Thanks again for your time to share with us here.  

barry_mama

cmct：
雙重o既身份令我有雙重o既體會
令我可以多點了解家長o既心情之餘，
又可以比我學多點為人母親o既技巧(我o既baby今年一歲)，所以有時間我會繼續o係度同大家討論哦
P.S. 我係o係一間名校教學，所以壓力非同少可，面對家長亦都要非常小心呢!不過，無論如何，我知道佢o地o既出發點都係緊張小朋友o者