我係小學老師，誠意為你解答教導小朋友o既問題

tkkmama

BARRY_MAMA:

我要為你打打氣, 而家做老師真係不易呀, 我見我女學校既老師, 真係做到殘, 做到老呀, 教改, 學校政策, 年年改, 年年變, 收生又唔係自己學校話事, 但又要將小朋友能力提升再提升.....真係艱鉅既大工程來架.多謝你地(雖然一句多謝我都覺唔夠 )

barry_mama

jjj_3：
我想問你個小朋友幾大?

barry_mama

artoo ：
無需太過擔心
佢只係升左上小一好少時間，未咁快適應到，比d時間佢啦!
其實小一o既老師應該會特別照顧佢o地，對於功課方面應該交待得好清楚，不過可能太多學生，老師都唔知邊個明邊個唔明喇!
我覺得你可以搵一個專係裝住功課o既file，同女女講，以後要做o既功課就入晒落個file度，比個責任佢，如果佢唔擺，就代表唔使做，咁樣佢就會欠交o架喇!
亦要表現你對佢o既信任，唔好咁打擊佢。
另一方面，可以打電話比老師講低，自己女女暫時唔係太搞得清楚d功課，如果老師比功課，可否提醒女女要擺入file度。
其實過一排就ok o架喇，因為佢未知d功課代號係咩o野，過多一兩個星期會好點o架喇!

barry_mama

Daisy：
首先要多閱讀，等佢認多點字。
可以o係房度貼張大畫紙，將每日睇完o既文章入面o既字(揀一些簡單的)抄o係上面，等佢日對夜對，然後你可以同佢一齊查字典，認識詞意，又或者一齊造句，又或者係將d詞語串埋變一個故事(形式多變)。
你可以同佢一齊讀，或者做角色扮演，之後可以一齊完成一個簡單o既閱讀報告(如你寫下一堆形容詞，請佢圈出形容到佢o既讀後感o既詞語)，然後請佢解釋一下為何會揀o個d詞。
另外，你可以要佢每日都寫日記，形式可以係簡單o既。例如你set好一個表，要佢寫番低日期、地點、時間，然後寫低事件，起初你可以o係旁邊幫佢，你可以問佢想寫咩事，然後你提供一些詞語比佢，之後請佢自己作短句去形容佢想寫低o既事情。
此外，仲要用課文入面o既句子作句，每日作兩句(你揀一個詞語，佢自己揀一個詞語)。過左一個星期之後，同佢拎返呢個星期作過o既句子出o黎，同佢一齊改，最重要係要佢發現句子o既問題，從而將佢改變過o黎!
總之，就係要增加佢運用中文o既機會，希望以上建議幫到你啦!

barry_mama

babylaam：
我覺得好似細個左d，如果佢o岩o岩讀小一o既話，校園生活都要唔少時間適應，所以如果真係報都等下學期先啦!
我覺得小朋友學phonics應該幾好玩，我表妹幼稚園已經有學，佢自己都識拼音，所以宜家就算遇到唔識o既字佢都識拼。而最重要o既係佢識拼音，串字都會易好多o既。
至於劍橋英語嘛，可以等下學期先，睇o下佢學校學成點，再搵一d相應課程配合啦!

barry_mama

tkkmama：
其實聽到學生同家長由衷講一句：「多謝!」
我相信老師都會感到好滿足
你講得好o岩，宜家做老師真係一點都不容易。
如果未結婚還好，結左婚、生了小孩，除了要完成學校工作外，仲要進修，仲要留番d時間比家人，淨低私人時間真係無咩o架喇~~
放假例牌要拎o野返屋企改，夜晚食完飯又要改，自己又要讀書、考試、做功課……
有時真係有氣無「定」抖，不過如果得到家長同自己打氣，咁我又會再充滿力量去拚博o架喇!!
多謝你呀!

barry_mama

yhlmam：
其實小朋友講大話不外乎幾個原因，一個係驚人鬧，另一個係想整蠱你。
其實佢係想試o下你o既底線，可能佢以為自己o係學校發生咩事你會唔知，所以佢咪亂講lor~
我估佢曾經有一次呃到你，所以之後又會想試o下咁樣講過唔過到關~
因此，你要諗諗究竟佢有咩o野想隱瞞，會唔會係驚你鬧，定係罰?
如果純粹係亂講覺得好玩，咁你可以整個量表，如果佢o個日誠實o既就貼一個公仔，比佢儲夠一定數量就比少少獎勵佢~~
又或者佢想你聽到開心啦，所以咪講一套好聽點o既比你聽，因為佢怕講「真相」，你會失望。
咁樣，你要諗o下你咪你對佢期望太高?佢會唔會有太大壓力?
下次佢放學之後，等佢自己講o係學校o既事啦，唔使o下o下問佢o既，佢想講o既，又或者真係有特別事發生o既，佢自然會講，你問佢，佢會知道你有期望，可能佢唔想你失望而又講大話o架喇!
不過，我諗呢d可能都係善意o既謊言啦~

A8.akina

barry_mama :我地一定支持妳,千期唔好放棄.......
我睇完小學雜談之後,發覺英文方面好小用故事形式教學,係咪等於呢d方法唔可行呢,點解有些學校上英文課時係用故事書或裹面d生字,或簡單作2-3句英文就可以呢............
因為我都唔識英文而又擔心小朋友唔識文法,所以想聽聽妳地做老師見解......

babylaam

thx!

andrewmummy

barry_mama

妳好,我係一個對英文盲、聾、啞無學識嘅媽媽,無能力教個仔英文,亦無能力伴讀英文故事書,我是否應該給囝囝補習,(一年班)因為我覺得連教他做功課都困難,因我不懂讀亦不懂解題目,總之係英文就不懂. :cry:

jjj_3

Hi barry_mama,

我囝囝今年p2.

Honeymum

Hi Barry_mama,
多謝你百忙抽空咁幫我們.   
我呀仔P1, 佢開學我都有壓力, 要適應. 呀仔天天新款, 試過做左功課唔交, 又試幾本書留左係學校, 寫溜手冊, 好似好朦咁.
唔知係咪個個P1生都係咁,定係我個仔特別唔專心??佢好似做錯左都無所謂, 可能唔知小學嚴D, 會記個. 定係其實可能有問題的係我 :-|  我太緊張   
我問佢學校發生D咩事, 佢好似無野講咁,咩都話唔知, 問佢野又答你好似係, 總之佢就好似返學係發夢咁   

yhlmami

Hi barry-mama:

非常多謝你的回覆。

yhlmami

barry_mama 寫道:
yhlmam：
其實小朋友講大話不外乎幾個原因，一個係驚人鬧，另一個係想整蠱你。
其實佢係想試o下你o既底線，可能佢以為自己o係學校發生咩事你會唔知，所以佢咪亂講lor~
我估佢曾經有一次呃到你，所以之後又會想試o下咁樣講過唔過到關~
因此，你要諗諗究竟佢有咩o野想隱瞞，會唔會係驚你鬧，定係罰?
如果純粹係亂講覺得好玩，咁你可以整個量表，如果佢o個日誠實o既就貼一個公仔，比佢儲夠一定數量就比少少獎勵佢~~
又或者佢想你聽到開心啦，所以咪講一套好聽點o既比你聽，因為佢怕講「真相」，你會失望。
咁樣，你要諗o下你咪你對佢期望太高?佢會唔會有太大壓力?
下次佢放學之後，等佢自己講o係學校o既事啦，唔使o下o下問佢o既，佢想講o既，又或者真係有特別事發生o既，佢自然會講，你問佢，佢會知道你有期望，可能佢唔想你失望而又講大話o架喇!
不過，我諗呢d可能都係善意o既謊言啦~

Skywan

barry_mama :
有問題想請教 - 如何訓練 P3 小朋友集中注意力?

我已嘗試了很多方法都無用 :
1. 每做 10min 比佢休息 5 min.
2. 經常鼓勵佢
3. 奬勵.... 等

佢記憶力几好, 但注意力就非常差。　

YanYan0116

Skywan 寫道:
barry_mama :
有問題想請教 - 如何訓練 P3 小朋友集中注意力?

我已嘗試了很多方法都無用 :
1. 每做 10min 比佢休息 5 min.
2. 經常鼓勵佢
3. 奬勵.... 等

佢記憶力几好, 但注意力就非常差。　

我都想請教怎樣可提升小朋友的專注力, 因為我個女5歲多, 發覺佢好似好難集中, 還是年紀細呢, 有無得由細訓練架.

barry_mama

A8.akina：
其實學校o既教學方法同佢收到o既學生質素好有關係^.^
所謂「因材施教」，我都知有好多教學手法會比較吸引家長o既，不過未必適合o個間學校o既小朋友，唔同教學法都有唔同效果o既
我明白你o既憂慮o既，始終英文文法同中文差好遠，小朋友學起o黎會比較吃力，咁惟有增加佢運用o既機會喇，至於方法，之前o既留言已經提到，可以參考o下

barry_mama

Honeymum：
首先我想請你放鬆一點。
其實小朋友由幼稚園升上小一，中間真係有好大o既變o架!
淨係上課o既流程同幼稚園已經差好遠喇，幼稚園靈活性高點，小學就唔係喇，每日都要上八至九堂，由朝上到晚，邊有可能堂堂都咁留心~
而且小朋友會覺得老師比以前惡好多(其實係被迫惡，如果唔惡，班房會失控，咁就無可能教到書喇!)，所以就算有唔明，佢o地都唔敢老師，又或是係，佢根本唔明自己唔明d乜，都唔知點問~~~
要完全適應小一，快都要一個月，慢o既可能要一個學期，所以，你真係唔需要咁緊張，而且老師都知道小朋友要適應，我諗都唔會話佢少少o野做錯、做漏就大發雷霆o既~
我諗你可以寫定d 紙條貼o係佢本手冊度，提佢要檢查抽屜，寫好手冊未~
當然，你事先要解釋你o個張寫咩啦，最好用淺而短o既字，或者畫公仔都得~

barry_mama

andrewmummy：
如果你覺得自己o既能力不足，我覺得都可以考慮比佢去補習班試o下，不過時間不宜太長，始終佢都係好細個!
不過，如果可以o既話，中文科都係自己跟返好一點~，
同埋最緊要唔好成日o係小朋友面前話自己一d都唔識，如果佢知道你真係一d都唔識o既話，佢就會蝦你o架喇，又會講大話呃你，因為佢想試o下你係咪真係唔識!
所以就算你要話佢知，就算你唔識英文，其他o野你都識!

barry_mama

Skywan：
P3都成八九歲，一般o黎講，集中力都應該OK o架，
你話佢注意力非常差，可否詳細形容一下?

meimeilam

meimeilam 寫道:
[quote]
meimeilam 寫道:
我個仔仔係優才書院讀書, text book 係中國藉老師教, 而 phonics, reading, writing 就係外籍老師教, 一星期有三堂, 成績方面都唔錯, 但我覺得佢 speaking & writing 比較差 D, 因為佢冇乜信心去講, 請指教。

請問讀英國文化協會小學課程有用嗎 煩請指教       [/quote]

煩請指教