迦南K1會

pmjleung

annie,

今日細佬打完針,好扭計

BNTYA01

Joyce,
嘩！個細B cry得好西利，喺對面馬路都聽到，啊！原來打完針，唔怪得，去紅磡健康院打？我細b打6合1，我自己去藥厂訂，然後自己幫佢打；但冬冬全部喺哂健康院打，我睇下一個要比$，一個唔駛有咩分別。
打完針，記得留意佢有冇發燒。

有啊！手冊咪要寫嘢，咪寫咗冬冬啲病歷囉！啲老師知道咗，都幾留意冬冬；好似之前咪要返学着泳衣玩水，藤主任話冬冬一上水就用毛巾攬实佢噃。
咁你表妹個孔生埋末？係咪會un啲？

咦！班主任有冇電你講吓阿仔啲情況？返咗咁耐，我都未接過佢電話，返而nursery嗰時仲有。
有冇聽你阿仔話本主題書'第一天'不用帶返學，冬冬話唔駛帶，我都唔知信唔信好？！

BNTYA01

Joyce,
細佬仔都幾好肉地。

pmjleung

annie,

細佬平時係屋企都係咁大聲架 不過佢今日惡d~好多媽咪會係私家打,都話唔會發燒,就係俾$$同唔駛$$既分別~

我表妹肥妹仔黎架,細細個就un d,以我所知,個孔未生埋,但唔需要做手術,所以你都唔好咁担心!

班主任冇打俾我呀,以前ms lee都冇咁做架 佢地書包已經有本新書,我諗唔駛帶嘞,梓翀未識講,但佢放學時老師俾佢攞住出黎,梓翀同我講左d太空話,我諗係話唔駛帶~

BNTYA01

Joyce,

過幾日要去飲，今日去咗買衫，買買下買多咗幾件，大出血。
細Ｂ見到家姐拿住舊月餅食，即刻爬去搶，比佢搶到，所以今日係佢1st time 食月餅。

你個仔仔係唔係用左手架？冬冬用左手拿筆及筷子，用左手拿筷子都算了，但拿筆就真煩到我們，不知如何教她寫字？！雖然佢用左手，但填顏色或鬼畫乎時都幾有力，爸爸時時remind her to use the right hand, but after a few seconds, she change back to left hand.

My writing board is found missing suddenly,  so English instead of Chinese.

pmjleung

annie,

女人天生購物狂   

冬冬like食月餅???梓翀好怕d"痴"口野,滑口野都唔like架
梓翀都係左手架,由細到大都係,我都成日教佢用右手,但佢好唔覺意又轉番左手,佢已經用慣左,我都冇佢辦法~

今日梓翀3歲生日,星期六如果天氣好,我地會去ocean park玩!

升上k1後,梓翀好鐘意同小朋友玩,好主動,因我見佢返學成日搵同學仔,仲問以前同學仔攞食物<---好攪笑,你都試下放左學同冬冬企係門口一陣,睇下冬冬主唔主動搵同學仔

BNTYA01

Joyce,

恭喜哂！梓翀今日足3歲啦！生日快樂、快高長大。   

明天開生日會，時間啱啱好，有礼物噃！

上個月，冬冬都到過Ocean park，佢不知幾開心。咁帶唔帶細佬仔去呀？都係換個地方飲奶同瞓覺啫！     

可能女仔鍾意食甜嘢，所以冬冬唔抗佢月餅啦！

冬冬性格好內向，唔會主動同人玩；放學時，永遠有人走埋嚟，佢一定唔會走開同人玩，亦唔會同人講嘢，成舊飯咁！

今年真溫馨，       我同老公的4週年結婚紀念日啱啱喺8月15日中秋節，仲諗

BNTYA01

Joyce,

恭喜哂！梓翀今日足3歲啦！生日快樂、快高長大。   

明天開生日會，時間啱啱好，有礼物噃！

上個月，冬冬都到過Ocean park，佢不知幾開心。咁帶唔帶細佬仔去呀？都係換個地方飲奶同瞓覺啫！     

可能女仔鍾意食甜嘢，所以冬冬唔抗佢月餅啦！

冬冬性格好內向，唔會主動同人玩；放學時，永遠有人走埋嚟，佢一定唔會走開同人玩，亦唔會同人講嘢，成舊飯咁！

今年真溫馨，       我同老公的4週年結婚紀念日啱啱喺8月15日中秋節，仲諗

lulucns

請問大家知唔知九龍塘迦南好唔好, 我見你地都係報黃埔, 好少人會提九龍塘果間, 請比些意見呀!!

BNTYA01

lulucns
我知九龍塘嗰间地方好大，應該都幾好！

BNTYA01

pmjleung,

阿仔今日有咩生日禮物？唔係主角的有頂帽。有冇返coby dance？冬冬今日返，穿了件t-shirt加埋頂鴨仔帽，好似跳hip-hop咁，幾攪笑！

pmjleung

annie,

生日禮物有個水壺,頂帽個個都有架~梓翀8月已經返過coby dance架喇,我仲睇過佢地表演呀!

星期六都有帶細佬去,今次梓翀第三次去,因為我地之前買左annual pass,所以下個月會再去,廸士尼去過2次,但第二次已經唔係咁好玩

BNTYA01

Joyce,

咦！家長可以睇表演？係咪學校邀請家長去睇架？

我个賓賓肯定博炒，我已經比咗1盒月餅佢同个印印食，佢都要係雪櫃攞我哋啲食，唔話佢，條氣唔順；話佢，又好致唔係咁大方，但其實好多時佢都不問自取，例如：今日我老公問佢1个英文生字，佢唔識，唔問過我就自已去我書櫃攞本字典去查，原來佢對我哋屋企啲嘢係瞭如指掌，真恐怖！早走早着！

你拿着啲flash card問梓翀，佢喺咪个个都識？
你幾時見家長？我就14号10:45。

pmjleung

annie,

8月果個係暑期班,最後果堂coby邀請家長去睇,個個都又相機又錄影,初初嚇到d小朋友一碌木咁企係度,之後盲跳得好投入,好cute

你地一家都好like食月餅喎    工人半盒都唔夠食

梓翀唔係張張識架,佢識英文多d 睇住d中文都講英文既!?!冬冬呢??

我改左13號12:35,要等梓翀coby dance時我先ok~我都想星期六,但miss kwok話冇時間呀,以前miss lee點就都就到既 :tongue:

BNTYA01

Joyce,

啲小朋友咁細个應該唔會認得啲字，佢哋只会認picture，初初以為冬冬好叻，張張都識，但當我用手遮住幅picture時，她根本唔識那些生字，正常呱！因開家長會時，藤主任都係咁講。

今日冬冬冇返學，fever， 想問吓今日學校有冇嘢派？

係呢！識你咁耐唔知你住邊度？我就住係寶其利街。
其實，依區我越住越鐘意，近返工、小學校網好、興趣班多；本來想搬去黃埔花園，但意外地隔鄰單位放盤，所以買下作打通，現在裝修緊，期望快啲入伙。       

pmjleung

ANNIE,

今日冇野派呀~

寶其利街即係邊呀??? 我住黃埔新村,我搬左黎2年,因為99住黃埔花園,要我地搬近d,但花園唔可以養狗,所以買左黃埔新村,可能過多幾年2隻狗百年歸老會再搬

咁梓翀應該都係認圖喇 冬冬ok嗎??依d天氣真係好煩,又涼又熱~
前排開始每星期都煲猴頭茹湯,話扺抗力好d喎,又ok吖,你都試下

BNTYA01

Joyce,

嘩！你簡直係superwoman，又要揍人、又要揍狗，好鬼忙啫？！掂啊！如果係我，係屋企要做咁多嘢，我寧願返工。

寶其利街？你知唔知邊度健康院？盈采華庭對面那幢單幢樓 - 寶源大厦。我有同事都租住黃埔新村，都係為咗養狗同近和黄公園。pre-Nursey時有個冬冬同學仔就住我同層對面單位，佢現在NB班，雖然係咁，但我見你面仲多過見佢面。呢！嗰日有個auntie叫我做梁太，那位咪佢婆婆囉。

冬冬今日有返學，等我都煲返啲monkey mushroom先。
咁加咩一齊煲好，我好耐都冇煮過飯     
我有比冬冬食牛之初乳片，細女食牛之初乳沖劑，因我懶同要返工，我餵人奶只有1個月咋！通常生第二个比第一個還要懶

pmjleung

Annie,

我知道健康院係邊,但我係路痴,所以唔知寶源大厦係邊   

其實起初我都想返工架,但係湊得梓翀歲幾,又唔放心俾人湊,諗到細佬都生埋,走唔甩lu~

我係官燕棧買湯包,裡面有咩我都唔知,我淨係+埋紅蘿蔔同西施骨,煲花膠就買雞同豬剪,都係湯包教架~

至於狗仔,係老公放狗,我淨係同佢地清潔,對於佢地,我都有d歉意,自從生埋細佬後,我都唔記得上次攬佢地係幾時喇,佢地都係我一手湊大架!!

咩係牛之初乳片??

我生梓翀都係餵左一個月人奶,反而細佬到而家都餵緊!






  

BNTYA01

Joyce，

嘩！咁鬼識補，唔怪得啲仔咁鬼靚。官燕棧喺边，黃埔有冇？自從生完坐月後，都好耐冇食過花膠，你提起，我又想食。

牛之初乳即係牛剛剛生下BB，初初出那些乳汁而製成糖或粉狀，糖適合2嵗以上食，粉狀用來冲，可放在奶或糊仔比細b食，牛之初乳等同人的初乳，亦可增強抵抗力。係荷花或藥房有得賣。

今日Ms Kwok打嚟，話冬冬癩尿，又講少少佢喺學校啲情況，話佢比較被動、怕羞，好少主动同老師和同學傾計。原來學校都有內褲借比癩尿豬着。話時話Ms Kwok把声都幾好聽，期待家長會嗰日，

pmjleung

annie,

個仔靚唔靚邊關花膠事吖,係遺傳呀    <----講下笑~
聚寶坊咪有官燕棧,係dr.kong間離呀,以前都會俾梓翀食燕窩,一日一啖,身體係好d,但而家佢唔like依,口感唔好,so要煲多d湯水俾佢

叫你工人煲多d湯俾冬冬飲,細妹而家都可以飲 星期六我朋友結婚,我幫手做姊妹,尋日細佬去左婆婆到,今日梓翀放學都會帶去,入長洲過中秋

冬冬性格係咁,=梓翀性格熱情冇時停,冇辦法 ,你唔介意我屋企烏煙瘴氣,放假黎我屋企玩吖~等冬冬同梓翀做friend