06年9月入讀蘇淅幼稚園K1既家長, 入唻交流下啦!

十月媽咪

CANKAN,
係呀, 噚日係食萍果呀, 好似仲有餅乾的, 唔知我有冇記錯!

我今日見早返到學校, 所以都同王老師傾左好耐, 問左佢好多野, 好彩佢都好有耐性咁回答我呢個問題媽咪! 所以我今日心情靚靚呀, 哈哈!

係呀, 佢都好認得我女叫咩名呀, 因為一入課室, 佢已經叫到阿女個名喇!

今朝坐車果陣, 阿女話響學校玩咩紅色波波, 我問阿女, 王老師有冇教你紅色波波點講呀? 阿女答: 紅皮球! 我諗佢上堂果陣, 應該真係有聽書架! 哈哈!

另外, 我又問左王老師, 點解阿女日日返到屋企, 都話我知無玩過滑梯之類, 王老師話: 因為呢個星期落雨, 出面太濕, 所以無玩, 下星期開始, 每日都會有呢D大肌肉活動架喇! 除左兩個戶外既之外, 仲可以響禮堂玩添!

KELLY應該認得ANSON架, 就算唔認得, 都應該認到我, 因為噚日佢放學果陣, 佢仲同我打招呼架!

今日齊齊跳舞, 好開心既呢!    

CHM

十月媽咪,
囝囝仍然唔喜歡返學,一點進步都沒有,如果到9月尾仍然唔鐘意,惟有轉過第二間學校,自己都是過來人,唔開心,學嘢都慢D,不過自己就真的有點不捨得間學校!要找一間好"品行"的學校是不易啊!
希望下星期天氣好,多點大肌肉的活動,囝囝會鐘意啦,不過學校車仔太少,要排隊輪住玩就無咁好囉.

mysteven

CHM,
As you said your son don't like to go to school, what will you or teacher do / help for him? i think you shouldn't just mentioned his attiude or manner at school ,may be your son is shy and the younger boy also!!?? ,let the teacher do something for him!!~e.g. sitting with teacher / carry him on knee by teacher/ kiss face by teacher / greeting with teacher let your son more stable and satifiy with teachers. because some kid need around 1 month for preparation.
Athough my son like go to school , he doesn't show me what he 'd learnt and he's do at school, i guess my son just playing and dreaming. But i don't mind, they're still young.
In fact, girls looks more mature and stable, so don't compare with others, especially girls !~

十月媽咪

CHM,
唔好放棄住啦! 事實上, 我每日提早去到學校等佢地放學果陣, 有時會見到佢地響課室度行出唻, 個個都好開心, 好有秩序咁, 完全唔覺佢地唔鍾意返學果喎! 你千祈唔好畀仔仔搞到你心軟呀, 講真, 佢始終要適應同面對新既學校, 老師&同學仔架啦! EVEN你轉去一個新既學校, 佢何嘗唔係要由頭再適應, 由頭再喊過呢? 同埋好多人都話, 有D小朋友唔單止需要一個月時間唻適應, 有D甚至乎要兩三個月時間的! 畢竟每個小朋友既適應能力都唔同, 唔好灰心呀!

你有時間既話, 真係不妨同王老師傾下仔仔既問題啦, 佢地都會正視同埋盡量幫你架! 放心啦, 好快無事架喇!

CHM

Hi Mysteven and 十月媽咪,

你們說得對,真的要比時間去適應和面對,唔好咁易放棄.開學頭幾天,都與王老師說過,她要我放開些,把囝囝交比她們處理,要我快快的走開,不要給囝囝見到.是的,囝囝看不到我就好D,王老師也替囝囝抺眼淚,是不錯的王老師啊!

最好而又最有效的方法就正如mysteven所講,老師能夠抱抱,吻吻囝囝,但又怎能請老師這樣做呢?一班三十幾位小朋友,老師們也很吃力的呢!!

有你們的支持,我與囝囝會加油的!

十月媽咪

CHM,
若然王老師唔能夠抽時間抱抱你囝囝, 攬攬佢之類, 你可以問下王老師, 邊個係負責你果組既老師, 咁佢地分組活動果陣, 都只係1:12-13個小朋友啫, 加上唔係個個都要攬攬, 咁廖老師OR倪老師會易D應付啊! 就算真係見一個有得攬攬, 就個個都要攬下, 咁個個攬下, 都係攬12-13個啫! 不妨試下搵負責你仔仔果組既老師商量下, 希望老師可以幫到你啦!

話時話, 你仔仔係邊組呀? 我個女係近門口果組架! 唔知係咪同你仔仔同組呢?

CHM

十月媽咪,

是對面一組,唔知邊位老師負責.好的.下個星期二問問,正如你說,或許老師肯攬攬呢!
.......

剛剛囝囝又發開口夢,又話唔返學,哎!!

十月媽咪

CHM,
嘩, 你仔仔好嚴重下呀, 發夢都發住唔返學, 你真係要快d同老師傾傾, 唔好等星期二喇, 星期一就好搵老師幫手配合下先得喇! 係喎, 你仔仔係咪年尾細仔呀? 我個女下個月就三歲喇, 佢地呢班, 好似有十個同學仔係十月出世架!

mysteven

CHM,
i suggest u contact the teacher by phone now ,let the teacher know some incidents about your son and his behaviour :refuse to go to school, no moody the school life, emotional problem etc, so you would like the teacher  provide special care for him.e.g. hunging, kisskiss, hand by hand , give me 5...!~ Or the teacher has anothr ideas~~~
If you go to the classroom tomorrow, your son may sence you talking about him, it's not a good timing. My tips for U :
When you deliver your son to classroom, you should  be happy and positve to tell him: There is a wonderful classroom,  just for kids to have fun and learn , and the teachers are nice and funny, so every kids are enjoyable, including you !~~
Mommy want u sharing with me while you after school!~
CHM , don't be worried, see the phone no from the last page of handbook ,the teacher welcome you contact her at any time.
wait your good new, pls try your best!~

十月媽咪

mysteven,
係呀, 你講緊呢招呢, 好有用架, 我日日都用緊架, 所以阿女日日都鍾意返學架!
CHM, 快D搵本手冊打電話畀王老師啦!

十月媽咪

CHM,
你係咪已經同老師傾左呀? 我今日見對住門口果組, 即係你仔仔果組呢, 阿廖老師抱住其中一個男仔, 唔知果個係咪你仔仔呢? 即係放學果陣, 換左套便服果個呀? 係咪呢個呀?

今日我見都仲有兩三個小朋友喊, 唔緊要啦, 大家努力呀! 希望老師幫到手, 你仔仔好快就鍾意返學啦!  

噚日王老師同我講, 話阿女專注力低, 唉...其實我自己都知! 跟住陳老師又話: 我地會訓練下佢地, 遲D應該會有改善的!

唉...希望真係有改善啦! 事關幾個興趣班老師都話佢專注力低, 真係好頭痕呀!  

CanKan

各位媽咪：

你地好！小朋友唔經唔覺返左學半個月，佢地適應成點呀？我每次問我個女係學校做過什麼，老師有冇唱歌，有冇同佢地玩遊戲，或者問佢蘋果老師點樣講，佢都係答我唔知道或者什麼都話冇，所以我都唔肯定佢究竟鍾唔鍾意間學校？唯一好彩佢除左係第二日講過唔想返學之後，以後冇再提過唔要返學；最多係前兩日同佢入課室既時候，明明去完洗手間先入課室，入到課室yau話要去洗手間，似乎唔係好想入班房。

我每日同亞女入課室之前，都會同佢去左洗手間先，近兩日真係覺得個廁所好難頂，平時已經有陣臭味，廁所冇沖水；尋日同今日直頭見倒廁所有大便，簡宜係想嘔，極度之唔衛生，一諗到d小朋友轉頭會去排洗，覺得真係好離譜，所以今朝已經打左電話去學校反映，老師話有個嬸嬸專門負責困個廁所，唯有叫佢地留意下，希望有改善啦！

當初報讀間學校時，已清楚知道師生比例係 1:15，但係冇諗過一班會有成30幾個學生，雖然話有3個老師，但始終主力教都係得1個老師，上英文堂既時候更加tim，有時諗究竟d老師係咪真係可以兼顧到所有小朋友既反應，同埋佢地係咪真係接收們老師既說話？其他媽咪你地點睇呀？

CHM：
你唔好放棄住，我觀察到而家都重有D小朋友會鬧情緒，可能你個小朋友係比較慢熱，而且黎緊有中秋節、萬聖節等活動，可能會幫倒佢地快D融入學校既生活！

十月媽咪：
而家返學搭校車既情況O唔OK呀？

CANKAN

十月媽咪

CanKan,

而家返學坐校車既情況, 絕對ok呀! 胡叔叔依然係0825左右先唻到我地度, 但因為路面情況改善左, 加上好多時學校條街都有交通警, 所以每日大約0845已經轉到入學校條街, 0850左右落到車, 行到上班房, 阿女仲有幾分鐘時間warmup添! 不過好明顯, 阿女對班房既野無乜興趣, 事關朝朝老師叫佢自己攞書睇, 自己攞玩具玩果陣, 阿女都寧願行行企企, 我仲日日都見佢企左響個班房中間, 望住老師平時教書坐果個位置後面幅牆, 唔知響度諗乜野!

前日有得去後樓梯個蚊型遊樂場玩, 本來阿女係好期待去果度玩的, 但問佢有冇玩? 玩左乜? 佢就話無sir滑梯, 淨係騎左馬馬, 因為太多小朋友玩sir滑梯, 佢話好驚佢地喎!    至於噚日就無玩過! 有時都好奇怪佢地d安排, 著裙就出去玩, 著運動服又唔出? 明明老師話日日都有得玩, 但噚日又無, 都唔知有定冇?

阿女話英文老師噚日教左C, 仲要係PHONICS唻架, C...C...CAT之類喎! 唔知係咪真係咁呢? 有時佢又會嘗試講好多普通話既詞語畀我知, 當然有D好純正, 有D就...我都唔知佢讀得正唔正啦! 事關我D普通話真係好普通嘛!

丫, 仲有仲有, 佢而家開始嘗試串簡單既英文生字, 好多時拎晒屋企D英文字母出唻, 然後響度嘗試拼DOG, BOY, CAT之類, 唔知係英文老師教, 抑或佢自己忽發奇想串起生字來?

另外, 你話唔知老師係咪兼顧到咁多個學生, 唉...我諗...真係...未必兼顧到的! 好多時從同老師既對答中, 就可以得知, 其實老師係唔了解自己個女的! 好似我上星期問老師: 有冇發覺阿女響學校個專注力好低! 當時老師呆一呆, 然後就畀左一個好普通既答案我: 他們現階段的專注力是會比較短暫的, 不用擔心!

點不知, 今個星期, 老師又無啦啦同我講: 她的專注力真是比較低, 但可以改善的! 咁我又問: 佢係同成班同學比較, 顯得佢低抑或睇番佢本身年紀呢? 另一個老師就話: 是按她的月齡來看的! 我心諗...係真唔係呀? 你地會唔會按左佢個身高唻評估呀? 佢未夠三歲架喎!

講真, 有D野, 如果你唔同老師提出OR反映, 佢地真係唔會幫你留意個女的! 而家佢地開始留意下我小可愛, 因為我呢個問題阿媽, 週不時都會失驚無神問老師問題啊!

至於個廁所...唉...乜原來仲係無改善呀? 我見阿女果班, 每日大約係十點 & 十一點二十分左右會去排洗的, 試過兩次, 阿女痾濕左條褲, 但無同老師講, 到我湊放學我抱起佢, 先摸到佢濕晒啊! 唉...都唔知濕左幾耐? ANYWAY, 真係好難理解, 點解個廁所連最基本既沖廁所水都可以時有時冇? 真係好離譜兼好唔衛生呀!   

CHM

十月媽咪, Cankan, mysteven,

首先謝謝您們的支持!
雖然星期二同王老師講咗, 但囝囝都沒有改善, 一樣喊到湯豬咁, 日日夜夜都話唔鐘意返學, 想想, 又是的, 這幾天早上囝囝坐校車, 我就坐巴士去學校瞄瞄佢, 見佢可能喊到嘔, 衫已換了(十月媽咪見的可能就係我個囝囝), 木木獨獨的坐定定, 桌上的玩具又不吸引, 又怎會令小朋友提起興趣呡! 您個囡囡很醒啊! 至少可以講比您知學過D甩, 玩過D甩, 但我個囝囝只係識唱歌和讀英文的課文, 其他問佢就一D都擰頭. 看來小朋友最喜歡的跑跑跳跳活動就無啦!
囝囝是9月的早產BB, 性格真的似足我"慢熱", 無法啦! 不過明天會用您們教落的招式, 看看是否可行!?

CanKan

各位媽咪：

前幾日打左電話俾學校反映廁所既衛生問題，lee 兩日情況好d，唔知係咪工作人員睇緊左﹝不過由始至終我未見過有工作人員係廁所出現過﹞，抑或只係撞彩，冇水沖廁的情況仍有發生，但係起碼冇大便係度。

原來胡叔叔駕車已經可以係9:00前返到學校，kam都ok喎！小朋友只需要8:25先上車，唔駛花太多時間係交通上面。十月媽咪你而家重係咪日日跟車呀？我見你連小朋友幾點鐘去`排洗都知道得kam清楚！

你個女女已經開始串字拿？   我個女冇提過喎 ！雖然睇本手冊見到個學習進度好似好快，但係究竟個小朋友接收到幾多？其實我唔知亞女而家係咪食緊老本，即係跟得上係因為以前讀nursery已經學過，而唔係而家老師突識佢；如果真係kam都唔知應該點幫佢好。

以前我都問過老師係咪日日都有大肌肉活動，老師同我講話等小朋友情緒穩定之後便日日都會有，但而家睇黎好似唔係，其實每班老師既自由度好大，每班都有唔同既程序，等我下星期湊亞女返學既時候問下老師先。

係喎！你地有冇播過學校隻cd或者phonics隻cd俾小朋友聽過呀？同埋你地會唔會同佢地溫習架？

CANKAN

十月媽咪

CHM,
講真, 朝早老師叫佢地拎唻玩果D玩具, 又真係...好難吸引到佢地啊! 所以我女朝朝都寧願行行企企, 都唔寧願拎D玩具唻玩既呢!

我個女其實唔叻架, 不過就勝在真係把口無時停, 由朝講到晚, 雞啄唔斷咁, 所以佢至講得番畀我知架咋!  

十月媽咪

CanKan,
我而家仲係日日跟車呀, 事關阿女想我跟囉! 我同佢講, 跟到三歲, 媽咪就唔跟架喇! 佢都應承左架喇! 咁即係話, 我應該跟多三個星期左右, 就可以回復自由身咯! 呵呵呵... 不過就咁, 若然橫風橫雨呢, 我就點都會跟跟跟, 跟到天腳底都跟呀!

阿女開始串字, 我都唔知係學校教, 抑或係佢自發性串的, 總之我無迫佢, 係佢自己返到屋企, 拎住d字母拼來拼去, 然後話我知, 果個係咩英文生字囉! 等我星期一問下老師, 係咪教過佢地串字先!

至於溫書呢? 我就無特別同佢溫, 只係而家每日我陪佢返學, 我每朝就會叫佢響書櫃搵兩三本書, 坐車果陣拎唻睇, 有時佢睇完自己帶既書, 而架校車又塞住未到學校, 佢就會拎埋學校果兩本書出唻睇, 咁果陣我就會順個便問下佢呢d係乜野唻, 果d又係乜之類...佢就係咁樣, 逐樣話我知, 亦都因為咁樣, 我知道佢究竟識左d乜, 學左d乜囉!

phonics果隻cd我仲未畀佢聽呀! 不過肯定既係, 英文老師係有教佢phonics的, 因為佢返到唻, 講到畀我知abc既phonics發音係乜! 而學校隻普通話cd呢, 佢日日放學返唻都會聽住唻瞓覺架, 開頭幾隻歌, 因為已經教左, 咁佢就會跟住唱, 唱得兩唱, 後面果d未教, 咁佢又唔知d歌唱緊乜, 佢就聽下聽下瞓著, 你都咪話, 用唻揞瞓真係一流, 聽大約十首就會瞓著, 哈哈哈!

    

十月媽咪

CanKan,
今日又見到Kelly放學喇, Kelly仲同我地say hello添!
話時話, 你知唔知Kelly日日都要過車架? 佢地放學果陣, 會先將部份接左既學生放上一架白色既大車, 然後接得咁上下學生, 又會將部份學生(包括Kelly)轉去另一架姆褓車架, 呢個情況你知唔知架?

另外, 我又問左老師喇, 原來英文老師係無教串字架, 王老師話淨係教佢地拼音, 但就唔會咁快教串字, 如果係咁, 即係阿女睇得多, 然後自己串番出唻的!  

CanKan

十月媽咪：

吓！我真係唔知原來佢日日都要過車喎？ 請問你有冇留意倒佢地係等接齊d學生係一駕車，然後跟手係學校後門即時分去應該坐果駕車；定係駕白色車要開行一段路先至係其他地方過車架？

原來老師未教串字，你個女都好叻喎，識得自己串字，我諗我都要開始諗下點樣可以令亞女予讀書於興趣中先；雖然佢平時都好鍾意睇書，但係如果可以systematic d 係咪應該會好d。

話時話，唔經唔覺佢地都設左差唔多一個月，你覺得間學校點？你會唔會俾你個女係度讀小學？

CANKAN

十月媽咪

CANKAN,
佢地係集合部份小朋友響架停定左既白色車上面, 然後湊齊晒人之後, 再響架白色車度帶番D小朋友落車, 行番去正確既姆褓車, 然後先開車既! 放心啦, 佢地唔係開行一段路, 然後又落車又上車的!

間學校點呀? 嗯...其實如果校長可以做得再好D, 行政上更加有效率D, 基本上我都滿意既! 至於小學呢, 蘇小一定係我地既BACKUP, 但就好視乎究竟將來阿女會唔會考到間更好架喇! 如果考到...坦白講, 梗係讀間更好架啦! 係咪?