06年9月入讀蘇淅幼稚園K1既家長, 入唻交流下啦!

十月媽咪

哎吔, 聽你咁講, 搞到我越唻越懷疑自己有冇揀錯學校呀, 事關我放棄左好多九龍塘既名幼稚園, 我佬為左阿女學好普通話, 專登揀蘇幼架, 咁點算呀?

C啦, 我個女好斯文, 好好蝦架, 果日交尾數兼聽講座果陣, 我已經見到好多山番細路架喇, 即係老師有老師講, 佢地有佢地嘈, 家長有家長聽, 完全唔理小朋友嘈生晒架, 其實果刻開始, 我已經心諗...唉...出事啦, 若然阿女同呢D小朋友做同學, 我真係好擔心架, 而家聽完你咁講, 我個心更加唔舒服呀! 天啊...點算呀?    

十月媽咪

哎吔, 聽你咁講, 搞到我越唻越懷疑自己有冇揀錯學校呀, 事關我放棄左好多九龍塘既名幼稚園, 我佬為左阿女學好普通話, 專登揀蘇幼架, 咁點算呀?

C啦, 我個女好斯文, 好好蝦架, 果日交尾數兼聽講座果陣, 我已經見到好多山番細路架喇, 即係老師有老師講, 佢地有佢地嘈, 家長有家長聽, 完全唔理小朋友嘈生晒架, 其實果刻開始, 我已經心諗...唉...出事啦, 若然阿女同呢D小朋友做同學, 我真係好擔心架, 而家聽完你咁講, 我個心更加唔舒服呀! 天啊...點算呀?    

hurrah

我囝囝是讀k2的，雖然蘇浙話係活動教學，但上到k2開始都會有默書同評估，都幾傳統架。不過，我覺得佢係語文方面真係教得唔錯，我囝囝既普通話同英文都幾流利，發音好準確。至於紀律方面，我反而覺得幾嚴，我試過幾次同囝囝返學，發覺老師對唔守紀律既小朋友會即時責罵，同埋上堂時會罰唔守紀律既小朋友，要佢地單獨坐開。我覺得coreymami所講既可能真係個別情況，因為我囝囝都有同我講上堂唔乖，老師係會鬧同罰。

十月媽咪

其實我有個FRIEND同我講, 佢話響蘇幼讀得好唔好, 就真係好睇你小朋友遇著個乜野老師, 好彩遇到個好既, 小朋友當然無問題, 唔好彩既...亦都真係有人速速轉校...所以我而家唯有求神拜佛, 希望阿女能夠遇到個好架啦!

coreymami,
我地唔係住九龍塘架, 我地住TKO, 一唻因為蘇幼用普通話教學, 我佬超BUY呢套; 二唻由TKO去北角, 點都快過出九龍塘, 所以...咪FINAL揀左蘇淅囉! 希望阿女生生性性, 遇到個好老師, 開開心心渡過呢三年既幼稚園生活啦!  

十月媽咪

coreymami,

咁可唔可以講聲我地知, 教你大仔果班果兩個老師係姓乜架? 好等我有個心理準備, 到佢地通知我係邊個做班主任果陣, 睇下會唔會咁唔好彩, 撞著D咁既老師丫嘛!

唉...其實我諗唔止蘇幼會有呢D老師既, 我識得幾個教幼稚園OR小學既老師, 佢地有時都會講, 佢地對於D品學兼優, 又乖又聽話, 樣子生得又可愛乖巧既學生呢...從心底裡, 點都會偏心佢地一D既, 當然有D老師會做得比較出面, 但有D就唔會表露出唻, 無謂畀D家長見到自己咁偏心丫嘛! 而你大隻果個老師就衰D, EVEN真係偏心某D學生, 都唔好做到咁出面丫, 仲要畀家長睇到, 唉...最慘係響處理同一件事上面, 畀個學生覺得個老師針對自己, 對學生造成負面影響丫嘛! 話時話, 做乜你唔向學校反映下啫? 你個仔橫掂都畢業咯!

另外, 我想問下呢...你咪話可以響學校睇下個仔上課既情形既? 我問知...學校會唔會畀家長響學校範圍留足三粒鐘, 等自己仔女放學架? 同埋老師係咪會畀家長響課室外的窗裝入去, 睇下小朋友既上課情況架? 事關我都係全職阿媽, 開頭一個月, 我都打算陪埋阿女一齊坐褓姆車返學, 但你知啦, 蘇幼果個位置, 半天吊, 週圍又無乜野好行, 想SHOPPING又要行番落去, 加上阿女返新學校, 我點都想睇多D, 知多D學校點教阿女架嘛, 如果學校係可以畀家長響課室外觀課, 而又唔會趕家長走既話, 咁就實在太好喇!   唔知得唔得既呢???

hurrah

coreymami,

我囝囝九月會轉去國際班p1，因為我都係唔太鐘意傳統教學，鐘意國際學校既教育模式，但一般國際學校中文比重不多，而我又想囝囝繼續學好中文，所以選擇蘇浙國際，因為每日都有中文堂。如果今年囝囝讀得ok，同埋學校適合既話，都會比佢讀上去。

hurrah

coreymami ,

其實我都覺得相比其他國際學校，蘇浙個校舍真係爭好遠。我都係諗住讀幾年學多d中文，可能會轉去英基。同埋可能會搬，所以都會考慮下蔡繼有同renaissance，你對九龍d學校熟唔熟呀，唔知呢兩間好唔好呢。

十月媽咪

coreymami,
我淨係想知老師姓乜咋, 佢地個名, 我都唔敢響度問, 太揚丫嘛!

原來你係響放學前十五分鐘左右入學校裝佢地, 咁又幾好喎, 可以裝下, 我女之前讀緊果間幼兒園, 一入門口, 就係家長等候區, 家長係唔畀行埋課室門口範圍度裝小朋友架, 咁相比下, KC既透明度都...算係咁啦...

你講得好好笑呀..."裝裝下你都會無咁好氣架啦, 食早餐啦", 哈哈...咁又係!    

Dedemom

我個女係蘇淅讀得好開心喎，國語同英文都講得好好喎，佢兩個斑主任都好有愛心，好彩．

十月媽咪

coreymami,
嗯...咁你都啱...我其實都直覺上, 阿女長時間響KC讀的話, 好可能會被扼殺佢既豐富想像力, 聯想力, 同創造力的, 所以蘇小只會係我一個BACKUP, 如果佢將來考到培僑之類既直資, 既然大家都要畀錢讀, 我就好大機會畀佢轉去培僑之類既學校, 不過隻佬成日都話, 若然佢響KC讀得好, 對學校又產生感情既話, 就畀佢響蘇小繼續讀上去喎! ANYWAY, 我唔會理咁多架喇, 點都會做好兩手準備!  

十月媽咪

oh, 咁咪無得飲茶吹水囉????

咁係咪轉去你之前提過果間呀? 希望你細仔響果間學校讀得開心又稱心啦!    

十月媽咪

提下大家先...
呢個星期六日可以返學校攞校服喇!