06年9月入讀九龍塘宣道小學的家長請進

ChiChiPaPa

K&J 寫道:
我想請問你哋係自己預備lunch俾小朋友定係訂飯呢? 我有D心大心細想朝早預備lunch俾個仔.    

我係訂飯的。

你一定要睇宣小家長HY412 post的message。佢對準備lunch，很有心得：

小一帶飯定買飯? (please click)

nanabi

I also get order from the beginning til now.

kermit

ChiChiPaPa,

如果要你選擇一個數學班,如珠心算, 文數題公文數,奧數等, 那一個對一個小學生的學業上最有用?

十萬個thank you.

晞晴媽咪

Hello 咁多位,

真係好開心, 經過我和小女一整個學期的努力, 今天我收到小女一張考獲全班第二名的成績表, 直頭成日在公司由知道的一刻開始已經開心到死, 今次真係可以放下心頭大石, 好好放一個暑假抖下, 九月再要努力過啦 !

晞晴媽咪    

fiona916

晞晴媽咪,



fiona916

simoomhot

Hi 晞晴媽咪,

恭喜! 恭喜!

He He! 你今晚實訓唔著!  

敬你一杯      



Hi nanabi,

我囝囝都有報告你囡囡上台攞獎
恭喜! 恭喜!
敬你一杯  

simoomhot

kermit

晞晴媽咪:

恭喜恭喜!



kermit

HY412

晞晴媽咪,

  

HY412

晞晴媽咪

Hi simoomhot,

你點知我今晚實瞓唔著 ? 哈哈...比你估中添...所以咁夜仲係 BK 浮下浮下...

Hi nanabi,

似乎呢度唔只我知道你同埋囡囡"真身" wor...哈哈    

simoomhot

Hi fiona916,

學校似乎唔係操得好勁喎!

聽到你講"輕而易舉"，我冇咁擔憂，係呢,
你囝囝考完有冇覺得難呀!

  

Hi ChiChiPaPa,

我都覺得你同囡囡好好笑，其實我同你大同小異，都會出怪招爭取時間用。我會叫囝囝一得閒做晒所有作業，尤其良師同中補。

Hi 晴晞媽咪,

你囡囡係咪好興奮，點樣慶祝呀! 我囝囝話好唔捨得班主任喎!

simoomhot

ChiChiPaPa

Hi 晞晴媽咪,

恭喜妳!    
真係好羨慕妳，妳囡囡咁叨。


Hi Simoomhot,

我都有問我個囡有乜感覺。佢話好開心，因為明天不用返學，見唔到有同學喊，估應該個個升到班。(死未！冇得返學拿獎都咁開心。)重即時拿張成績表出來，show個句"promote to P3"。(佢果然已經很滿足！ )

中補三上 ，我已經根據囡囡的指示買左，囡囡重已經做左第一和二課，點知學校轉出版社。浪費D錢，個囡重話唔緊要喎，話可以平時當練習。中補同良師，我有叫佢不如直接做落去，但亞女話唔得，老師唔俾做定。因為小二開學時，本中補佢已經做曬，好似係交返學時，俾老師話，所以，佢insist我一定要所有練習買多一本，佢連數學書都要求我買多一本，因為數學書都係有練習要做既。如果唔係所有練習做曬，佢小二開學時，點會咁狠，報活動報到咁盡，日日盡興。

nanabi

似乎呢度唔只我知道你同埋囡囡"真身" wor...哈哈   

Dear Hei Ching Mummy,

I guess so    .  Indeed, we start knowing each other from BK and it was really good and supportive of you.  Thanks  

Please give a big hug for your cutie daughter.  I am sure she is really happy and excited.  It is always great to see your daughter.  She is always a cheerful and smart girl  :   .  Wishing you and her have a good time and keep up the good work next school year.   

My daughter is also so stuborn.  She inisisted not to do any homework in advance.  She said the teachers does not allow her to do so.    So soemtimes the longer time for homework is Chinese and Maths supplementary exercises.  I may try to make copy or like ChiChiPaPa's way.

ChiChiPaPa

kermit 寫道:
ChiChiPaPa,

如果要你選擇一個數學班,如珠心算, 文數題公文數,奧數等, 那一個對一個小學生的學業上最有用?

十萬個thank you.

Kermit，

哈哈！你竟然選擇一個成績最差的學生家長來請教。OK！我很樂意提供一些可能係「蕉皮」的意見。小心接「蕉」呀！

1.        如果你的目標係小一時拿高分，你最好問高年班的家長拿過去的test papers去做練習。如果你冇past papers，你可以去買舊版的良師作業，舊版的良師作業和宣小的測考卷最相近。由於舊版的良師作業還有它的價值，所以重有得賣，你應該可以係三聯書店買到。如果你的小朋友冇興趣做D單色印刷的作業，你可以考慮買另一本良師出版的一級活用作業，這本沒有咁相似，但係都似過其它出版社的補充。加上學校本身的良師補充，應該已經足夠。

2.        如果你的目標係高小時拿高分或是出去參加小學的數學比賽，你就要make sure在整個數學學習的過程有三個elements: (1)daily / regular practice, (2)focused practice, and (3) 信心。Daily practice係指每日都要keep住practice做數。每日三題都夠，不用太多。但要養成習慣，每日做。宣小的功課少，不是每日都有數學練習，所以你要自行安排。(2)focused practice就係要針對孩子做得不好的地方，加強練習，又係不用做得多，但一定要讓孩子自己見到有進步。(3) 信心係指你要讚美孩子做得比人好的地方，讓孩子對數學充滿自信。如果孩子沒有比人強的地方，你就要讚美他有進步的地方。公文數就是其中一個有這三個elements的數學課程。Daily practice唔洗講。如果學生過不到一個level，學生是要重覆做該level的練習，這就是focused practice，而由於在運算部份學得比其他同學快，對數學的信心就容易產生。不過，我個人覺得要有這三個elements，不一定要參加公文數，我相信好多專補數學的老師都明白這三個elements的重要。公文數要求做的練習都幾多，未必值得。家長自己應該都可以做到在學習過程，加入這三個elements。奧數在小一時學，是沒用的，應該到高年班才考慮。

3.        如果你的目標係講緊中學或更高年級的數學，你要把比重放在分析能力上，而不是其本運算。其實，在這個年代，有計算機和電腦，其本運算能力已再不重要。在這方面，小一可以做的不多。我建議你可以教孩子學林數的線段圖，會增強孩子對文字題的處理能力和對問題的分析力。宣小測考的文字題比重不多，你要另外安排練習，亦都可以向友校(如SFA)家長請教，因為他們較多文字題，但不要做英數，因為很多research都證明母語和中文係最好的數學教學語言，而宣小高年級會教英數，所以不用心急。如果想參加學林數，要留意學林數係要學線段圖的運用，教師的質數的影嚮比學公文數大得多，要小心選centre。還有線段圖和文字題不是學林數的專利，應該其它地方都有得學或買本學林的補充，裡面都有講線段圖。

你可以download以下的文件，有不同數學課程的比較，可以做參考。


www.yipsir.com.hk/Parent_Handouts_Clever (Please click)

以上的目標不是exclusive，可以所有都做。不過每人都只有24小時，係睇家長在各方面的priority和小朋友的興趣。

最後，我冇用以上講的方法。我只係想個囡開心。所以小心這可能是「蕉皮」。   

HY412

Hi 各位家長,

請問你們有沒有書包的煩惱 ? 我個囡比較高瘦 ( 7 歲 - 46 lb, 125 cm ), 按照計算書包重量不能超過 6.4 lb ( 體重 x 14% ). 每天個書包最輕都有 8 lb.
家中已買了 4 個書包, 其中一個是 SPI 書包 ( 但是淨重已有 3.5 lb ), 於是買 d 輕身書包 (有 D 裝唔到 A4 FILE, 有 D 裝唔到水壺, ... ) 但書包因為不夠貼背而向後翻 , 看見 bk 家長提供了某些牌子, 點知拿上手的重量比 SPI 還要重 , 我不敢買, 因為之前買 SPI 時, 個 SALES 講同一番說話 : 書包係重, 但係上了背便唔覺的 , 真的好煩惱.

如果個女遇著要上"視覺藝術堂", 背住一個書包, 左手一袋上視覺藝術, 右手飯壺, 再加上下雨天, 看見她瘦小的身軀, 真心好心痛

simoomhot

Hi HY412 & K&J,

我囝囝都有4個書包，SPI用了幾個月就唔用，原因放2本書我都覺得重，真好似你咁講遇著要上"視覺藝術堂" 同"樂器班"，再加上下雨我就好慘，因為我好多時會接囝囝放學。

不過視覺藝術堂的文具可以放係學校到，唔駛拎返屋企。

我依家都係用緊 "SEVEN" 幾輕的。不過就冇得放水樽。不妨考慮。

Simoomhot

HY412

Hi Simoomhot & K&J,

請問香港有邊間 shop 會有多 d 款選擇 ? 知道 SEVEN 係好貴, 不過為左個女長遠健康著想, 都值得的.

Simoomhot, 妳真是好媽媽, 接囝囝放學

HY412

simoomhot

Hi HY412,

我係尖沙咀海運中心G45號買, 間舖叫 "BAROCCO"
在我來說其實選擇款式唔多，各花入各眼，去睇下無妨，不過我個係 BOY 佢無所謂。

囝囝課外活動出面學，所以要同佢出出入入  

ChiChiPaPa

原來買書包都咁多學問。我個囡的書包都係佢自己挑選。除咗有學校logo的書包，就係D粉紅色，佢自己覺得好靚的書包。我都唔知係乜牌子。因為佢學大提琴，攞番學校最大個件係大提琴，所以都冇留意她的書包。美勞用品，佢都係放在學校。

佢都有要求過帶飯返學，但我話Auntie(菲傭)照顧佢同仔仔已經好辛苦，佢唔可以只考慮自己，要考慮其他人，究竟佢食物的美味是不是重要D，想清楚，有決定，先同Auntie講。佢之後都冇再要求過。

有時，我都覺得有點虧待個囡。依家她所有課外活動，不是在學校上，就是在屋苑內上，因為根本安排不到人帶她外出去上課。有時，知道有一些更好的course，都覺得很無奈，因為安排唔到佢去上。所以好羨慕D媽媽可以帶仔女去上課。

HY412

Hi simoomhot,

謝謝妳的資料    !

Hi ChiChiPaPa,

全職媽媽比菲傭還要辛苦, 年中無休, 做了二年全職媽媽, 真的比返工還要辛苦. 但想到個女能有個愉快的童年生活, 幾辛苦都係值得的.

還記得去年在 bk 上覺得妳囡囡參加太多課外活動 ( 8 項 ), 誰不知到自己個女都一樣參加了 8 樣課外活動, 每天送出送入, 真的好勞累, 但每項活動都是她自己挑選和好有興趣, 加上小一功課唔多, 只要她喜歡便 ok 了     .

早二日問她升小二是否需要 cut 少 D , 她反應好大話唔好 cut, 佢會爭取在小息時間將 D 功課盡快做完. 佢仲同我講可唔可以報讀公文中,英,數. 我話唔好咁悶啦, 課餘活動應該是有趣味的, ( 可能我唔鍾意死讀書, 只要上堂留心, 回家抽點時間溫書便 OK 了 ).

最後我只安排囡囡多報了香港童軍總會 - 劍橋課程 ( Starters ), 唔知師資好唔好 ?
香港童軍總會 - 劍橋英語課程  ( Please click here )