2級學生

chamywong

剛剛和家長講話: 你個女今年年尾將會考2級琴試, (其實已經開始彈緊2級pieces & scales), 我話, 不如比個女學9個字, 價錢$150一堂, 個家長的反應好似唔係咁想, 但我都要食飯.......... 大家有咩方法或另一個講法和家長講會好d 呢

kayan_329

咁其實半個鐘幾多錢o架... 我唔知有冇誤會你意思呢... 即係你係教琴o既...你同個家長講叫佢個女轉學9個字...個家長D態度好似唔想咁...o岩唔o岩...但係你要食飯係指時間定錢... 你係琴行定私人o架 我都知好多學生會係Grade2由半個鐘升去9個字o既... 因為好多Ms都會話教唔晒D野ma... 我之前考試係平日都要加多堂先得... 不如你同個家長傾多次試o下啦...當然要和氣地傾 因為有D家長為o左要加錢 好多都唔想... 除非有d家長明白事理會易傾好多...又有家長想d仔女係上堂學多d野就會肯加多dd時間...

NoName

其實你可以咁樣同個家長講，想佢加長時間唔係為錢，而係佢既小朋友而家已經升左二級，歌曲會長左，技巧上既分析亦會長左，如果仲係用半小時上堂，唔係好夠，長遠黎計會影響左個進度，到時只係學到考試範圍的歌，而冇時間學其他歌囉！

chamywong

Hi Noname

聽囉, 你呢個意見幾好, 事實上, 半個鐘都唔知個學生學唔學到野, 我本人緊係想她學9個字啦, 有時, 小朋友發下夢, 唔留心, 都無左幾分鐘啦! 其實, 呢個價都好正常呀!!!! 唉~~~世界難撈

chamywong

Hi Kayan

半個鐘我收$100堂.

"但係你要食飯係指時間定錢" <----- 我的人工, 因為我剛剛由兼職鋼琴老師轉為全職鋼琴老師, 所以收入不是太高

呢個學生係私人的, 如果琴行就容易講啦, 叫埋老闆出黎一齊同家長講tim ar

NoName

其實，唔使咁灰，初初出黎當然係辛苦少少，耐ｄ儲到學生就唔同架喇！

同埋，呢ｄ家長係好少數既，通常同ｄ家長講45分鐘先至夠學晒ｄ野，ｄ家長都明架！

佢再唔明的話，可以請佢睇一睇你同佢小朋友點上課，練完scales，再彈歌，俾佢知道30分鐘可以執到幾多隻歌（坐低、準備好晒，再彈Scales都去左15分鐘啦，之後通常咪執得一隻歌囉！）　佢睇住你地上課的時間分配，一堂唔夠，俾佢睇兩堂，等佢知道真係唔夠時間，佢就會明架喇！

如果個家長話：「唔夠時間咪唔學練習曲，淨係練考試歌！」咁你可以解釋佢知，唔學其他歌唔係唔可以，但就算佢小朋友考試合格，佢小朋友都冇個個程度，人地係會聽得出架！

但謹記無論個家長點講，你既語氣都要溫和呀！

chamywong

Hi Noname

你做左野好耐架啦, 我出黎做左野都5年, 但呢d 口才的野我真係唔係太識, 我係D 唔識x鞋的人, 所以以前d 老闆都對我唔係太好, 就算我點努力, 佢地都label 左我,...  唔想講..... 就因為呢d 原因, 我先決定轉全職鋼琴老師, 因為只少唔洗睇人面色, 自己真材實料教人, 仲開心

多謝你的留言

NoName

Hello Chamywong

我做左野四年半，轉係琴行做左兩年咋，我覺得我自己仲有好多經驗要拎，未出黎自己收生住！我有個朋友就開始收生！

我之前唔係做教育行業，不過，那個行業都常有人打電話來投訴，初初唔識應付，後來向公司申請學費上course學應付麻煩客既投巧，咁又學到ｄ野啦！

之後轉左而家公司做，我初初都唔識講野架，對住ｄ麻煩家長都唔知點應付，不過我好好彩，公司個counter阿姨好好人，佢成日都教我點樣應付ｄ家長，有時佢聽到我講得唔夠好，佢之後都會教返我下次點講，咁我聽埋聽埋就知囉！

亦因為呢個原因，我覺得我係個度做得好開心，又學到野，而且老闆同counter都好俾機會我架，所以，我都係拎多一、兩年經驗先！ ^ v ^

唔使咁灰啦，慢慢黎啦，有唔開心的話，post上黎分擔下呀！^ v ^

babycherly

做邊行都有氣受，教琴都要睇家長面色，也要應付學生情緒。開心唔開心，都係睇下自己點去面對。

希望你從音樂工作中找到樂趣吧∼

kayan_329

chamywong~咁其實你私人收學生D人工都算平 因為我Ms自己收我人仲貴過琴行o架wor... 而且我自己鐘意落琴行多D 話晒我屋企係超級細... 而Ms住青衣...我住官塘 我又唔想搭咁遠車去學wor... 你而家淨係全職教琴ar... 我個Ms就搵兩,三間琴行去教...而自己又會收D私人學生... 佢一個月有成二萬幾o架wor... 佢好似唔自在D人工... 因為我成日唔練琴...個Ms就日日都"哦"我,話我收你錢唔緊要 你年年都呢個grade 我可以收多幾年錢tim ar 你亞Mum比錢心疼咋, 我有長期飯票... 之後又話我有好多學生都係自己做野就成日練琴 因為自己交學費就想快D升grade wor... 我想帶出...你其實都可以好似我Ms咁搵多一,兩間琴行o黎教... 之後又搵d私人o架lor... 我諗你人工會幾好... 我聽到都想教 ,可惜我衰懶 我要固點自己 先可以教人啦!! 我個Ms教人o既時間好full 因為我有時唔得閒 補堂d時間都大家好難就到!!

chamywong

乜我收得好平咩, 我見 d 上網果 through agent 的價錢都係咁, 我覺得呢個係正常價咋.  你miss 收你幾多架, 你幾多級

kcarol

其實唔駛太擔心既, 實話實說, 係唔夠時間麥話唔夠時間, 只要你既出發點係想學生比現在更好, 大部份家長都會明, 唔明果d, 你話左佢知後果佢都照自己果套, 甘就算罷啦, 佢仲專業過你既, 甘你都唔駛諗甘多

chamywong

搞掂! 家長願意交45mins 的學費了

kcarol

Esmond'sMom
可以不斷求學真係唔容易架, 要顧住班徒子徒孫, 又要睇佢地d功課, 又要自己閉關, 自己個小朋友都無佢地甘幸福呀~~

有時見到d學生, 懶洋洋甘, 真係會俾佢激死, 佢唔練琴, 我要陪佢一齊練, 都唔知佢悶d定我悶d (激氣d?!?!)

kcarol

Esmond'sMom
大家都做過學生, 大家都係跌跌撞撞, 好下又壞下, 慢慢一步步學, 見到個學生懶時/表現唔好時, 可能係佢地甘岩係谷底, 佢地過左果一關, 可能就會進步好多

之前亦教過一d學生, 你唔教佢, 佢真係以後都唔會再學, 亦有一d, 佢捱過果關, 真係學到快到你唔信

所以見到個學生彈得唔好, 我唔想太易放棄佢地, 我好怕我一放棄佢地, 佢地就以後都唔彈琴

我都會家長講, 不過有時家長好快就會跳左去quit 果一個step, 不過有時家長都唔係真係支援到小朋友, 陪佢地捱過果一關, 講句唔好聽, 係愛莫難助, 同埋肉痛

kcarol

When I say "to the extent that I cannot withstand", I mean definitely there's problem with the student or parent's attitude and ability.
==> 最怕係個細路既問題, 就係家長帶出黎, 呢d就難攪好多; 有個小朋友應該係可以學得好既, 仲好鍾意音樂, 不過... 佢就係想阿媽陪練琴, 想同阿媽分享佢鍾意既野, 偏偏阿媽就話要個女獨立, 結果個女就更唔想練琴, 所以佢媽咪陪佢果排, 個女會乖d, 仲會鍾意彈琴多d, 因為彈琴可以令佢同媽咪更親近; 對住呢d學生, 同家長講真係無乜用, 做人父母果個, 有人見陪個女既表現好d, 都係我行我素, 真係唔到你幫佢諗甘多, 唯有盡力而為。

哈哈, 我自己就無話諗住個個學生有無potential/talent, 我只係諗個學生可唔可以教好。

what's the point of teaching over and over and practise with them during the lesson?
==> 佢有耐性唔怕悶, 我有耐性奉陪, 當然家長要知道個小朋友堂堂燒緊佢銀紙, 不過我既做法多數係... 落左堂留堂練琴, 等佢怕俾其他學生見到覺得瘀! 等佢自己覺得唔好意思, 好過我鬧佢~~~

Psychologically, if I keep myself happy, the students will feel it, and eventually it's the students that benefit from this teaching atmosphere.
==> 我都覺得老師係唔係positive 既attutide 好緊要架, 教果個都教到悶悶地, 學果個都俾佢影響埋

Mrssslui

我既情況同你相反,我女女剛剛開始彈二級書,未考試,我諗緊需唔需要加學費,但係老師又冇講,佢係細路女嚟!會唔會佢唔好意思開口呢?我又唔想佢因為呢個問題教得唔開心.而我女女一開始跟佢,即初級時,已經係45分鐘,現在教埋 scale,都要一個鐘,佢都仲係收我個個價.