小學常識題一問？

麟媽媽

我個仔小二常識教香港回歸，
咁當中有教許多事物都存有英國色彩。
比如公主道、皇后大道等以皇室人員命名。
我仔份常識試卷，要選出有英國色彩的事物，
有皇冠的郵票、皇后大道路牌等等。
當中有一個地鐵站，上面寫著「太子站」，
我仔選了因為是Prince Edward嘛。
點知老師話唔啱，說只是一個普通地鐵站。
因為之前我教過亞仔公主道、太子道、英皇道都是的，
而家亞仔問我點解佢錯？你地覺得呢？

GreyParrot

我覺得地鐵太子站只是位置在太子道而命名「太子」，而不是為了某英國皇太子而命名，所以唔算有英國色彩。  唔知咁諗o岩唔o岩

bbmammy

首先，這情況都是常見的 model answer 好例子。當然，我們當事人覺得很無道理。你可用溫和的態度向老師(校方)表達你的理據(我也用過這方法，有時他們同級老師開完會，會補改給分。有時會堅持，但會解釋原因，我也會接受)。

麟仔醒目呀！有思考過。好多小朋友(我個孩子也是其中一個)都崇拜老師，覺得老師永遠是對的，當家長質疑時，他會很忠心地保護老師，還說：媽咪，你錯，老師唔係這樣說的。

祝你取分馬到功成！

bbmammy

聽落，GreyParrot的解釋又有道理。

但是一個7歲小朋友，邊會懂得這樣高一層面地分析。這小年紀只能從表面字上直接了解分析。   

麟媽媽

咪係囉！亞仔真係唔係100%信晒老師的，
有次老師說"牛津道"是以港督命名，
我地上網，歷屆28個港督無一個叫"牛津"，
亞仔都無跟老師寫，第日仲話老師話"sorry"講錯了。
太子站真的可能座落太子道而得其名，
如果老師話係咁，我都唔會堅持的，
只要諗吓點同個仔解釋啫。

你估用英皇道係有英國色彩，
但英皇餐廳就唔係得唔得呢？

bbmammy 寫道:
聽落，GreyParrot的解釋又有道理。

但是一個7歲小朋友，邊會懂得這樣高一層面地分析。這小年紀只能從表面字上直接了解分析。   

睡寶

但係太子站英文係PRINCE EDWARD, 甘唔係英國王子的名稱嗎 ?太子道英文都係PRINCE EDWARD ROAD 啦, 所以係架喎, 如醫院都有: QE, QM, 瑪嘉烈啦       

Bluestar

麟媽媽,

常識題，還要分直接有關/間接有關，直接有關才對，間接有關就錯？
簡直不明所以!
你個仔那間d老師尚且如此，其他學校咪。。。。。

太子站真的因為座落太子道而得其名，
但太子道，咪又係因為英女皇個父親(如非父親便是其中一位老祖宗)而得名!
咪一樣有英國色彩!
    

麟媽媽

Bluestar,

其實老師都未回覆我既，
佢話打比我的，
要到時問清楚了。

kiukiukiu

..................

Bambi

可能都係老師錯, 我仔早前有條數學小測題, 5比( )少4, 我仔答9, 但俾老師話錯, 重畫左個( )在旁邊要改正. 我反覆諗左成晚, 真係半夜扎醒都重諗緊點解唔係9, 到第2日臨返學前我都係叫呀仔在( )內再寫多次係9. 結果, 老師咪改返話o岩law, 重加左句sorry. 可憐我諗左成晚呀!