大圍/沙田區的幼兒園

babycherry22

我剛搬來大圍，
想問下讀全日的幼兒園，
在大圍/沙田有邊間好，可以分享下嗎?
(我已報了救世軍)
仲想多報幾間   

eeyore_fy

hi !
我都係住係沙田區，我個仔2歲今年9月就入咗婦女會孫方中幼兒園．都o.k.啦！之前我都有去過大圍明愛幼兒園攞報名表，但就覺得佢地方唔夠大同出面有個停車場；好似唔係好安全．其實我都聽人講救世軍都幾好，都唔洗報咁多間啦！我諗其實係你要諗清楚想你個小朋友係學校學到d咩？好似我咁我之前不嬲都覺得幼兒園d質素好似比幼稚園的低，都唔係好想比個仔咁早讀書，但我個仔都叫做比較好動，同好鍾意發脾氣，終於都停唔順比佢返學；希望佢學吓紀律同守規則．咁佢都差唔多返咗1個月，都睇到佢有轉變．我諗我嘅諗法都冇錯

Manny

Hi, 我想知幾錢1個月,我都諗住比仔仔出年讀,因為佢都好百厭,無時停,我幫佢報左一間,但係吾近屋企,係第一城,好似真係遠左D,如果好我都想比仔仔試下，吾洗去太遠!

manny

babycherry22

我住新翠，行去孫方中都ok
我明天會去哂我行到去的nursery參觀
我反而覺得在幼稚園學唔到d咩
得3個鐘，我問過我申請減免
都可減一半，都是千多園

加上我個女好鐘意同小朋友玩同又是太活躍

寶妮媽媽

我都好想知大圍/沙田區的幼兒園邊間好,因為我個女宜家果間好差,我想同佢轉.

eeyore_fy

你可以去孫方中睇吓！佢嘅學費依加加到 $2,000零幾！其實我覺得幼兒園令到小朋友獨立d因為佢地要自己食飯，去洗手間同執玩具．我個仔返咗差唔多一個月．佢識自己去洗手間，依加係屋企玩完玩具叫佢執佢都會聽．我要求都唔係好高，咁我都好滿意．因為我成覺得幼稚園或幼兒園都係讀3-4年比佢開心d，因為到小學佢就會有好多壓力 :wink:

寶妮媽媽

我個女已經識自己去洗手間,屋企玩完玩具自己會執.自理佢已經識晒,佢以前有返嬰園.問題係佢宜家果間學校.d teacher好無溝通.

eeyore_fy

佢d先生都o.k. 因為我個仔星期五係學校同人爭玩具比人咬佢都會打比我同我講．同埋，開始返學到依加，每朝同佢返學老師都會講佢係學校情況比我知，可能知佢放學係保母接佢啦！所以都o.k.啦
:wink:

hyma

babycherry22 寫道:
我剛搬來大圍，
想問下讀全日的幼兒園，
在大圍/沙田有邊間好，可以分享下嗎?
(我已報了救世軍)
仲想多報幾間   

Hi, babycherry :

我都是住沙田新翠個邊的，我想問下你所指的救世軍在那裡，全名是什麼呢，ｔｈａｎｋｓ！！！

babycherry22

寶妮媽媽~~

我個女都會在11月入育嬰園^^
你諗住轉去邊?
原本讀邊呀?(等我考慮下)
hyma~~

救世軍乙明幼兒園
救世軍禾輋幼兒園

我個女8個月時報，2間都排70幾，80幾號
我參觀過乙明地方大，但就舊，40多人3個老師一班
禾輋新，但細，我覺得呢間光d同乾淨一d

明天同星期二，我放大假

我會同個女去隆亨逐間約看看環境先報名

星期二會去泰石方向看，都心儀保良局

hyma

eeyore_fy 寫道:
hi !
我都係住係沙田區，我個仔2歲今年9月就入咗婦女會孫方中幼兒園．都o.k.啦！之前我都有去過大圍明愛幼兒園攞報名表，但就覺得佢地方唔夠大同出面有個停車場；好似唔係好安全．其實我都聽人講救世軍都幾好，都唔洗報咁多間啦！我諗其實係你要諗清楚想你個小朋友係學校學到d咩？好似我咁我之前不嬲都覺得幼兒園d質素好似比幼稚園的低，都唔係好想比個仔咁早讀書，但我個仔都叫做比較好動，同好鍾意發脾氣，終於都停唔順比佢返學；希望佢學吓紀律同守規則．咁佢都差唔多返咗1個月，都睇到佢有轉變．我諗我嘅諗法都冇錯

Hi, eeyore :
我而家都考慮比bb讀大圍明愛幼兒園定婦女會孫方中幼兒園, 我想問下明愛幼兒園除左佢地方唔夠大同出面有個停車場外, 有沒有其他唔好的地方呢, 婦女會孫方中幼兒園好熟, 但一時間唔記得狂那裡, 你可唔 可以話我知呀, 2間幼兒園是否都係全日制, 有沒有延長服務時間, 即係最遲可以放學放8:00, 唔好意思, 禁多問題. thanks!!!     

eeyore_fy

hi!

明愛其他唔好嘅我就唔係好知啦!因為我上次都係去攞form 只係見到佢個環境唔係好咁好! 至於孫方中係穗禾苑,2間都係全日制,但明愛最夜好似係 6:30pm 因為我係大圍返工本來諗住比阿仔讀,但係佢收得太早,所以no way啦!至於孫方中最夜係8:00pm 所以如果交通方便的話可能孫方中會較好! 依加我個仔返咗1個月佢好開心都冇咸過,同埋d先生都幾好,佢會每日都講返個小朋友個情況比你知

希望幫到你啦!

bobo_bo99

我個女係讀宣道會沙田中心, 剛剛今年7月畢業.  這間學校的老師好關心學生, 而功課大部份係project, 比較互動學生會比較投入     

寶妮媽媽

babycherry22:
育嬰園沙田得一間咋，新翠．
我個女畢左業ｇａ　啦，宜家讀緊愛鄰幼兒園，D teacher "ma ma"地，無溝通，我同我先生都唔中意，所以同佢轉，但你知啦轉得多對小朋友都唔好啦，所以想問清楚明愛好唔好ｌａｗ．

irischiu

寶妮媽媽：

我的囡囡也是愛鄰幼兒園的學生，她剛於今年9月入讀n1，未知是否同班同學呢？但我覺得她的班主任廖老師是一個不錯的老師，既成熟、又細心，每次當我接囡囡放學時，她都會很主動跟我溝通，也會因應囡囡的進度協助她適應學校的生活，所以囡囡現在都很喜歡返學......至於是否轉，會否睇定D，因轉得多對小朋友真的不好呀！

Dear all：
在選定愛鄰幼兒園之前，我也是四處找資料，最後被考慮的只有明愛和愛鄰，因為從很多媽咪口中知道這兩所幼兒園都是有心教學，又讓小朋友讀得快樂的，於是我便親身到訪兩間幼兒園，與他們的老師傾談及交流，在這方面，我覺得明愛稍優勝，但愛鄰勝在平均，校舍設施也較好，所以我才為女兒選了愛鄰。

Iris

babycherry22

愛鄰幼兒園是邊個機構...??

明愛在邊??近新翠嗎...?

我看過YMCA...EEE個校長介紹麻麻~~~~
佢地食飯得個碗同匙羹
連餐盆都冇...???
地方就大有PLAYGROUND

我亦去了參觀了隆亨的保護兒童會賽馬會學心幼兒學校
新裝修，幾乾淨...每個課室都有廁所，老師都好細心
地方細，但D小朋友好有禮貌

新翠樓下有間唔知咩名的幼兒園，我都看過
太舊，就摺埋咁

有冇人聽過沙田的保良局的幼兒園好不好   

kkb

Hi

My bb is studying at 'Caritas' for 2 months, so far so good.  I want to let all mums know that the 'Carpark' is restrict only for authorised vehicles parking only.  Even you are parent with vehicle is still only drop off far away from the campus.  So the 'Carpark' is not a big problem to our kids. From my experience, 26 kids under 3 teachers supervision is not bad in compare with other nursery. At least my bb enjoy her first school life and just being praised by the teacher for good performance in the class with a small award of 'Star' stamp on her hand that make her feel super happy after school.
Secondly, the location is far away from crowded housing estate and sit in a quiet 'School Zone' that make me add point to this school.

irischiu

愛鄰是信義會的，在顯徑社區會堂3樓，基督教背景，所以要上聖經堂，現在囡囡有時會自己祈禱及說感謝天父，很好笑（我們不是基督徒！）

明愛則在文化博物館傍，環境也不錯啊！

babycherry22

堯堯豬媽 寫道:
我都想知新翠附近邊間好
我仔今個月尾2歲喇~~
我都睇過隆亨社區中心果間,果次仲要有酷熱警報去,
我問天氣咁熱/冷,你地都上去大肌肉架?
佢居然答:有野遮頭架嘛~~
我果下真係想大聲同佢講:痴線
一冷一熱(上完去落黎入課室)溫差大,
好易病!!!
新翠樓下果間最近我,
不過我都覺得細,同埋好似密封咁既,
D老師都唔想比你入去咁

暫時都是保護兒童會學心
同救世軍禾輋至好~~^^

明愛,愛鄰
想去看看先~~