小二轉校有 ASD

Aria0405

想問下我仔仔今年小一，K1已經斷左有自閉，幼稚園期間有做到校服務治療，而家小一入左間叫做關愛學校，但入讀後發現學校既支援比起非關愛學校仲要少，而且佢排緊兒童精神科，唔識同其他小朋友社交，十分固執，會有行為問題，而且讀書溫唔入腦，佢行為我認為佢有埋ADHD，佢係學校打過人，亦都比同學打過，我想問行為問題會唔會影響到佢轉校？ 我真係唔想佢再係呢間學校讀，佢某啲同學同家長都好有問題

connielcl

轉校係咪可以避免小朋友唔再打人的行為? 始終小朋友在讀正常學校唔會有很多關愛和治療, 而且功課又多, 壓力很大, 作為家長, 你想佢身心健康重要, 還是學業成績呢?!

以下係我的分享:

我係一個過來人,我仔仔4歲K1的時候因為唔識講野去做評估確診有自閉症傾向,醫生要佢轉讀特殊幼稚園, 當時我的心情好難受，
但我為左佢的成長,被所有親朋好友鬧都幫佢轉左去特殊幼稚園讀K2。讀左唔夠半年,阿仔基本上講到野識得表達, 可以話進步得很快,。係特殊教育裡面,家長都要一齊去上堂, 在日常生活都要陪佢一齊學習。之後升小學,我當然唔死心去報正常小學, 但派位前我都有問醫生意見,擔心阿仔社交能力低會被欺凌, 最後都係聽心理醫生講選擇左一間適合輕度智障的特殊學校,由小一讀到中六。同班同學都係由小一陪佢讀到中六, 也有小四先從正常小學轉入來的同學,返學日日都好開心, 學校老師和工友都好錫佢地,學習上雖然慢, 無測驗無考試,但基本的知識都有學, 生活自理完全無問題, 培養良好生活習慣, 有禮貌守規矩, 有時仲識幫手照顧低年級同學。我仔現在20歲了,而家在教大特教青年學院讀書, 體驗3年大學生活。

找到對的學習地方, 家長和小朋友都會開心好多好多...加油!