小一派位，35校網，這些學校怎麼選？

hugub

Rose0321 發表於 25-1-15 17:22
囡囡比較活潑外向，英文基礎一般。這幾間要選什麽比較好？謝謝大家！
天神嘉諾撒   紅馬   黃埔宣道小學    ...

呢個教育制度下真係冇不勞而獲呢件事：
天神 - 龍校預左小學好深,初小比較辛苦, 但升中就真係唔洗再辛苦搵學校（如果你培養到女女有好既學習態度我相信高小後可以自動波會冇咁吃力）

紅馬 - 官校,有聯繫英中, 我覺得紅馬水平下滑中,升中派位band 1率已經冇以前咁高,課本亦比以前淺左

黃宣 - 十分有愛心既學校,老師關愛度,功課量正常, 缺點又係冇直屬聯繫中學,呈分試又要爭名次

奉基/千禧 - 發揮正常,程度及功課量都合理,升中band 1率超過4成算唔錯,奈何又係冇中學,即係升中又要爭

聖提 - 二線小學中算非常進取,功課都唔小, 睇得出學校想谷

葛小 - 寶校,學校比較多資源做sen, 升中band 1率低


我仔黃宣畢業生,佢話：黃宣小學生涯係開心既,d老師都好好, 但升中後才發現自己有d似井底之蛙,我個人感覺係差在升中又要煩

女就冇揀黃宣及天神,入左隔離網另一女校,我貪間學校冇天神咁谷但又比其他二線學術水平高, 中學以前有直屬位,升中冇煩惱,直入

valentinored

hugub 發表於 25-1-24 16:08
冇惡意既,利申我冇仔女要入小學/中學
天神同St.Mary一條龍,你可以想像到係咩程度, 小一開學用小二書係正常 ...

藝人要去外地工作, 一去可能幾個月, 跟唔到功課….

佢自己係舊生, 學校有乜要求, 佢應該好清楚

在一條㡣政策下, 學校無要求尖子, 配合學校, 準時交齊功課是基本

valentinored

hugub 發表於 25-1-25 08:18
呢個教育制度下真係冇不勞而獲呢件事：
天神 - 龍校預左小學好深,初小比較辛苦, 但升中就真係唔洗再辛苦搵 ...

利申, 我係天神用家, 好認同依位家長對天神的認知, 初小時我都呻到樹葉都落, 但小二三開始, 小朋友吸收力自動加強, 越讀越順, 加上穩入中學, 高小時基本上沒有派位考學校的壓力, 專心應付功課

hugub

我記得我女小一入學家長簡介會果日,校長只講左一句:恭喜大家有幸成為學校一分子,開心既心情係時候要收起啦,請大家預備未來6年艱辛既學習,首先比左一大叠暑假功課,請大家將英文數學1年級既課程全部在暑假裡自學

我只可以講名校真係比有預備既人,入到去頭2年追餐死,真係4年級至坐得定自學自習,我至有氣抖下