唔洗喺香港讀書都可以用本地學生quota讀U拎資助？！

chloe_1219

各位！依家local學生入大學面臨一個好嚴重的問題，要請大家幫幫手。

呢兩年政府話要搶人才有好多高才優才政策，呢兩年最易申請嗰隻高才通 （唔洗喺香港搵到工，係指定國內/海外大學畢業生已經可以申請) 已經有成90000人apply。

本身話係想吸引一啲內地同外國人才嚟香港，但最近俾內哋啲中介發現咗政策有漏洞，令到啲人可以走法律罅俾佢哋仔女可以用local學生身份入香港嘅大學，仲要係拎資助學額（唔係做假證書嗰啲）。

因為高才優才通嚟港可以帶埋仔女（仔女拎嗰啲叫受養人簽證），啲人打算喺仔女考DSE前一兩年先申請簽證，父母本身又無嚟香港，仔女仲直頭唔洗嚟香港讀中學，可以喺內地補習操DSE。

而家嘅政策問題就係：佢哋考完DSE之後入大學係計佢做「香港本地學生」！佔用local學生嘅quota，仲要係收local學生嘅學費。

講緊每年先得15000個資助學額，如果俾呢批中介咁樣走法律罅，即係香港納稅人嘅錢係資助緊呢一批「考試移民」。有啲家長spot到呢個問題已經搵咗立法會議員，同時搞緊聯署，要求政府解決返呢個政策漏洞。希望各位可以幫幫手簽個名同share出去。Thanks!

促請盡快檢視「本地學生」定義彌補政策漏洞
本地學生大學學額關注組實名聯署
http://lsl0gz9axdhcks0h.mikecrm.com/ZYFr5QU

retriever

chloe_1219 發表於 24-10-19 11:02
各位！依家local學生入大學面臨一個好嚴重的問題，要請大家幫幫手。

呢兩年政府話要搶人才有好多高才優才 ...

其實係咪應該搵下D 建制派議員幫下手...

理論上佢地跟正苦有傾有講, 又愛國愛港, 獲得各社會階層信任!

天外之人

香港教育仲唔好好調整好早階段既學生能力(幼稚園/小學),以致越來越少高才生,正苦自然就走去外國或國內,用傷害本地生優惠給予那些高才孩子們,更間接令中小學又少了些學位給予本地生.(當然本地多唔多人生小孩都係一個問題) 不過能教出高才能力既人在香港工作,未嘗唔係一件好事,衹係讀完會唔會留低就係另一個問題.