馮晴校內情況

qq_hamster

聽完簡介會覺得馮晴既教學，課程各樣做得非常好，而宜好適合自己小朋友。但上網見有唔少家長批評舊(林)校長政策，迫到老師做事唔人性化，對d唔乖或活躍既學生欺凌，任何事無家校「溝通」只按自己一套。曾有老師迫到受唔住自殺，又有馮晴老師知道校內係點寧願將自己子女送其他小學。

而家新(曾)校長是由原校老師升上去已有數年，想知道而家實際情況係點，仲有以上情況嗎？定係轉校長以後已改善變回正常學校？

Li_tree

回覆 qq_hamster 的帖子

而家轉左曾校長情況已經唔同左, 小朋友係在讀生, 算係比較多咀同活潑
老師都好有愛心同包容, 有安排類似遊戲治療輔導堂俾小朋友上
功課量唔多, 小朋友好喜歡上學

ferferso

Deleted

Li_tree

回覆 ferferso 的帖子

請問小朋友係幾多年級, 係咪高小喇? 我小朋友係初小, 仲可以每日有睇電視睇書同落公園時間
課外活動的確唔太多, 不過我本身出面有學野所以都無參加學校嗰啲

ferferso

回覆 Li_tree 的帖子

一年級

Li_tree

回覆 ferferso 的帖子

今年一年級咁誇張...上年又無呢個情況...
我嗰個二年級, 基本上日日導修堂都做哂功課
如果功課量咁多會唔會同老師反映下, 接觸過唔同老師, 佢地都好nice

qq_hamster

多功課我估係香港教育制度問題，每科老師都俾功課趕課程（純粹綜合身邊朋友既經驗）。覺得馮晴唔錯既原因係廣教中，每年只有三考，教過既課程在一段時間後會覆習一次增強記憶，活動教學，英文特別教授power word建立字庫。唔知在讀家長覺得學校係咪真係做到佢所講呢？

HK-MAN

ferferso 發表於 23-9-21 11:01
功課量超多，學校著重操卷式教法
初時5-6份，之後去到8-10份
星期五更多

1年班就要用操卷式教法.....

Li_tree

回覆 qq_hamster 的帖子

英文方面係既, 老師上堂會教左基本課文既字, 再有本power word bank叫同學返屋企搵下其他類似既字
另外, 3個主科中英數會有3個唔同程度既工作紙俾同學做, 可以配合到唔同同學程度上既需要, 呢樣我覺得幾好
其實功課量多唔多真係見人見志
改正又計一樣, 幾題就係一張工作又計一樣, 有時個量看似好多, 不過半個鐘就做得哂, 小朋友手快唔手快都好大影響抄寫功課應該都係得中文詞語每次4-5個詞每個抄3次, 英文有時會抄默書範圍1次

kidscostume

我有朋友仔仔讀呢間！真係好似好多功課，佢好乖仔都肯做。但上次單對單問佢返學開心嗎？ （普通開場白）佢搖搖頭… 就唔講野了⋯
再問之下就係覺得晚晚都要溫書做功課⋯好辛苦
（小朋友就內向少少同慢活型）

我諗係谷得嘅小朋友先好選呢間，
好學校（指成績）都要小朋友頂到🙏🏻

chubb88

回覆 kidscostume 的帖子

其實比以前已經唔算多，亦無咁谷。可能係過去被人批評得多，學校喺十年八年前重新評估過課程，適度地減省功課。當年，我仔及同學都好快做完功課，甚至喺學校已做完。聽聞舊校長創校初期好「扯」下，所以做出成績，但亦出現唔少問題，而他喺退休前幾年，亦做唔少改革，令學校改變，我見大部份學生返學都算開心，但相信總有部份學生家長讀得不開心，或者追唔上。
不過，改革亦似乎令成績稍稍下滑，以前派位係區內第一(聽人講，未能求證，但我估起碼數一數二，只係講學術及派位，體藝方面絕對係3、4流)，近年已有輕微下降，將天可能已經追過，其他學校亦追近。當然，仍然超過5至6成學生派band1 或英中，亦有2至3成人派區內出色的BAND2學校，反映學校的教學十分成功。

老實講，我見一些成績中游的小學，功課亦好多，而且出現殺校潮，所以估計連下游的學校亦會加緊催谷學生。不過，值得一提，學生做功課做得夜，未必一定係功課太多，有時小朋友唔能夠集中精神，心中集念太多，做功課時會分心想其他事，這會嚴重影響學業，大家要留意，如果小朋友情況嚴重，應向專業人士求助。


但總的來說，馮晴係較其他著名小學易入，大概係因為早年畀人批評得多，馮晴家長亦較少公開為學校說話，但實情已經有好多改變，老師都好關愛，我見學生大多笑口常開。最大的死穴係體藝太差，而且保良局的傳統校規略為嚴格。

以上是我個人見聞及思考，唔一定全部屬實，亦可能有偏頗，請大家包容。