迷茫的爸爸, 求意見
大家好, 我同太太都係雙職父母, 有一位3歲半男孩子(大B), 平時由工人姐姐負責湊, 之前讀緊N班全日制, 依家轉咗去心儀既K1幼稚園, 上年讀N班時候老師有同我地反映 阿仔個表演未符理想, 例如講野唔會望住人眼睛, 組織唔到長句子, 咬字唔清晰, 有時係BB話, 轉介我地去健康院做評估, 健康院做完初步評估 言語遲緩左 大約半年至9個月, 再轉介去睇政府醫生(好似都係言語治療醫生果類) 因為擔心有自閉需要再由醫生去做評估。我有上網搵咗好多資料搜集, 但越搵就越迷茫, 真係唔知點做, 上網搵到好多林林種種既大小機構, 再睇D口碑, 有D又話太商業化, 不斷叫你洗錢買呢個療程 買果個療程 最後都係幫助不大, 最後搵左幾間大機構 仁濟 , 協康
打去問仁濟 話有全面評估 有報告, 但佢地個言語治療課程已經FULL晒, (其他療程未問有無FULL) ,
打去問協康 又細分左好多種評估 又唔知仔仔應該要做邊種評估, 同埋協康價錢比仁濟貴少少,
依家最大困擾係, 既然仁濟個訓練療程已經FULL晒無期, 我仲應唔應該搵仁濟評估呢? 而如果我做左仁濟個評估 拎去協康參加療程 洗唔洗做多次協康評估呢? 評估費用都唔係平... 定係我全程搵協康做評估加療程?
我真係唔知應該點做 , THX
簡單講,咩問題就做咩評估/治療
自閉症就搵精神病醫生
全面評估多數係CP/EP做
語言遲緩就搵ST(言語治療師)做治療
醫生係醫生
治療師係治療師
我覺得你可以搵精神科睇下係唔係ASD(自閉症)先
同埋係NGO搵ST做言語治療
同埋精神科醫生係CAC認可的排服務報告 同埋你確診咗搵到問題所在
先可以諗咩服務適合自己
當務之急係排除ASD
再做ST training 搵私人機構做全面評估, 再拎份報告盡快排E位/ I位
有冇自閉都係可以同一時間搵私人ST 做住訓練先
同一時間家長可學技巧做家居訓練 [quote][size=2][color=#999999]Rex_Chan 發表於 23-9-14 23:06[/color] [url=forum.php?mod=redirect&goto=findpost&pid=49264769&ptid=3878128][img]static/image/common/back.gif[/img][/url][/size]
大家好, 我同太太都係雙職父母, 有一位3歲半男孩子(大B), 平時由工人姐姐負責湊, 之前讀緊N班全日制, 依家 ...[/quote]
多年前我小朋友都係3歲半，K1老師及註校社工提出有評估需要，所以帶咗小朋友去協康嘅心理服務做「學前兒童發展性障礙評估」。
臨床心理學家評估為輕度自閉譜系，再轉介我小朋友往：
1. 社會福利署綜合家庭服務中心；
2. 政府醫院兒童及青少年精神科；
3. 兒童體能智力測驗中心；
[img]http://www.baby-kingdom.com/static/image/common/iphone_v2.gif?v=2.9.4[/img] [quote][size=2][color=#999999]Rex_Chan 發表於 23-9-14 23:06[/color] [url=forum.php?mod=redirect&goto=findpost&pid=49264769&ptid=3878128][img]static/image/common/back.gif[/img][/url][/size]
大家好, 我同太太都係雙職父母, 有一位3歲半男孩子(大B), 平時由工人姐姐負責湊, 之前讀緊N班全日制, 依家 ...[/quote]
1. 社會福利署綜合家庭服務中心
見咗社工，她為我小朋友排O位—「到校學前康復服務」。包括言語治療、物理治療、職業治療和學前支援老師課堂。
2. 政府醫院兒童及青少年精神科
見咗姑娘，然後排期見醫生。等候期間，醫院嘅職業治療師有約小朋友進行短期社交及職業治療訓練。
3. 兒童體能智力測驗中心
都係先見姑娘，再排期見中心嘅臨床心理學家。也有物理治療和職業治療評估。
[img]http://www.baby-kingdom.com/static/image/common/iphone_v2.gif?v=2.9.4[/img] [b]回覆 [url=forum.php?mod=redirect&goto=findpost&pid=49264769&ptid=3878128][color=Olive]Rex_Chan[/color] 的帖子[/url][/b]
已PM
頁:
[1]