讀書唔成，去外國升學真係有用？

9284

kooliestgirl 發表於 23-6-8 07:50
有無想過在港讀國際學校？咁就唔洗點讀中文，亦平過出國，儲多幾年錢大學先出？
...

佢張滿江紅既成績表, 我真係唔認為一間好既國際學校會收佢, 其實我都有唸, DSE考完知道佢有幾差先至比佢出國讀大學會唔會好D, 但又有人話其實小朋友中四過去會好D, 因為真係可以ENJOY人地果邊既生活, 但我又未必AFFORD到佢中四至完成大學既咁多年學費, 所以都唔知點

beastiebistro

9284 發表於 23-6-8 12:20
佢張滿江紅既成績表, 我真係唔認為一間好既國際學校會收佢, 其實我都有唸, DSE考完知道佢有幾差先至比佢出 ...

點解你認為滿江紅嘅成績表會冇香港國際學校收，但係到時就會有外國大學收呢？就算咁嘅成績真係有外國大學收，嗰啲大學其實你會唔會想俾錢佢去讀呢？讀咗有咩意思呢？

既然錢係問題，其實你都冇咩選擇喎。現階段好似只有試吓香港嘅國際學校，哪怕係你心目中冇咁「好」嗰啲。

其實係仲有一個辦法嘅。英國唔少大學有Foundation year。一年制，如果成績達標就可以上返嗰間大學嘅year 1。呢樣唔係寄宿學校，唔會有咩寄宿體驗。但係，如果目標為本，錢又有限，都係一個選擇。當然未必會係一線大學，不過如果aim for啲比較好嘅二線大學，都未嘗不可一試。

但係最後佢肯唔肯俾心機讀書上返嗰間大學都係睇佢自己。（起碼咁就避開咗所有中文based嘅科目）

Poyau

9284 發表於 23-6-8 12:20
佢張滿江紅既成績表, 我真係唔認為一間好既國際學校會收佢, 其實我都有唸, DSE考完知道佢有幾差先至比佢出 ...

英國? 程度上 中四 = Y11 考 GCSE
如果九月開學未足15歲 可選 Y10
GCSE 正常讀兩年 較一年濃縮課程佳
亦可中五才去 Sixth form 讀 AL
或者留港讀 IFY 有 NCUK 大學保底

kooliestgirl

9284 發表於 23-6-8 12:20
佢張滿江紅既成績表, 我真係唔認為一間好既國際學校會收佢, 其實我都有唸, DSE考完知道佢有幾差先至比佢出 ...

試下apply睇下點先啦，如果財力有問題，我唔建議夾硬出國，而且唔係一定讀到書先有前途，出來做下野知道辛苦再讀返都無問題

你仲要諗下洗晒d錢比小朋友讀書，將來你地老了點算好？呢個年頭都唔會靠仔女養，做父母愛錫子女係必然，但都要睇能力，如果旨意小朋友將來養返你地，只成為佢地負擔

Azzurro

人生留留長，有些人二十幾歲開始發力，有些人三十幾歲開始發力
當然失敗的人總比成功的人多，好野永遠係稀缺的呢

我一個朋友中學讀書一般去了美國cc，之後博士畢業，宜家係某行業龍頭之一
另外一個係以前 dbs 讀書，之後係香港讀cc，之後好似屋企有錢去英國補底

有錢確實可以有多一個機會，但是成功比例當然依然很低

可以放心的是
失敗例子冇人會記得，冇人會得閒去理，所以都唔存擔心冇面嘅問題
別人只會記著成功例子呢

zitaeric

佢現在中三？準備升中四？
中文科吾得，揀佐科未？
中四吾揀中文嗰些会吾好些？
現在係 Band 幾學校？

但又講英文嘅科目都係吾穩定，似乎吾關中文或者英文嘅問題。有冇勤力過？

有好多細路見到人走我又想走，以為輕輕鬆鬆，可以玩多過讀書。我見有兩類，輕鬆渡日，吾洗点讀都高分，嗰些本來起香港就係學霸同聰明類。另一類話好多野讀好忙，佢地好勤力去準備考公開試。去到高中点都吾可以hea, 起外國無王管，吾会突如奇來好佐成績？萬一搞好成績，學壞了就吾知点算。

香港至少有家人，有心怎会補吾到，應該合格吾難，
非常吾贊成用甘大部份積蓄去外國讀書在這個case，徐非錢不是問題。

小時了了

9284 發表於 23-6-4 13:19
成日聽人講，喺香港讀唔成書，補多多習都冇乜效果，不如慳返D補習$，儲一筆送佢去外國好過。但係我心中又有疑問，佢喺香港即使有補習都冇成效，有阿媽督住都唔肯上心去讀書，更何況自己一個去到咁遠，D野唔識又冇人幫佢補比佢問，唔通過到去就變左乜都識？又即刻成個人有上進心左？唔會啩？！佢而家升中四，究竟我應唔應該洗成層樓既$供到佢大學畢業?(如果真係畢到業的話)至怕供完畢唔到業，我仲冇左一筆退休金，呢啲case我的確聽唔少

樓上唔少網友分享過係香港讀, 但可以考慮其他課程, 唔考DSE, 我分享吓 香港: >>> DSE (JUPAS) vs 自修或兼讀 IAL/GCEAL/OSSD (Non JUPAS) https://www.edu-kingdom.com/forum.php?mod=viewthread&tid=3750842 這資料俾你容易啲搵直資/ 私校 / 國際學校 / 補習社 / 網校


以下是4 個國家, 我早年詳細資料搜集過讀高中比較平 (~由十萬至廿幾萬一年) (英國寄宿學校一般幾十萬一年比較費), 你不妨參考下
日本 (十幾廿萬一年連寄宿): https://www.edu-kingdom.com/forum.php?mod=viewthread&tid=3764441

加拿大(十幾廿萬一年連住宿 homestay): https://www.edu-kingdom.com/forum.php?mod=viewthread&tid=3789614 & https://www.edu-kingdom.com/forum.php?mod=viewthread&tid=3796256

愛爾蘭 (廿幾萬一年連寄宿): https://www.edu-kingdom.com/forum.php?mod=viewthread&tid=3754583

廿萬英國公立政府預科學校&新西蘭/紐西蘭GCEAL課程留學 https://www.edu-kingdom.com/forum.php?mod=viewthread&tid=3699273

小時了了

9284 發表於 23-6-4 13:19
成日聽人講，喺香港讀唔成書，補多多習都冇乜效果，不如慳返D補習$，儲一筆送佢去外國好過。但係我心中又有 ...

如果，如果轉換咗高中環境，高中成績能成功轉好，之後可以用Non Jupas 申請報讀返香港嘅大學。如真是這情况，樓主只是要負擔高中3年~八十萬以內的費用，而不是外國大學3或4年~一百五十至二百萬的費用了

辦法，總比困難多，加油樓主

小時了了

9284 發表於 23-6-4 13:19
成日聽人講，喺香港讀唔成書，補多多習都冇乜效果，不如慳返D補習$，儲一筆送佢去外國好過。但係我心中又有 …

如 DSE 成績全部只得是 1 分, 可以考慮吓去 加拿大BC 省讀2年 Associate Degree/ Diploma銜接BC省大學, 費用又平啲.

加拿大BC 省讀2年 Associate Degree/ Diploma銜接BC省大學 https://www.edu-kingdom.com/forum.php?mod=viewthread&tid=3800920


本地香港如 DSE 成績不好, 建議讀副學士 / 文憑再銜接考香港嘅大學


條條大路通羅馬

Nbranson

讀唔成書全班考尾幾嗰啲去外國讀書真係有用。但係讀到嘅，除非你入到美國Ivey league英國兩三大.... 其餘嗰啲二線大學，分別都唔大，過去十年係美芝投資銀行對沖基金反而見得多本地大學global finance quant fin 嘅學生。而家大公司的hr真係會攞呢份transcript逐科睇，香港學生喺外國讀二線大學好多都係碌喎成績唔見得人。呢個年代冇得呃㗎啦。.

9284

Nbranson 發表於 23-6-9 10:16
讀唔成書全班考尾幾嗰啲去外國讀書真係有用。但係讀到嘅，除非你入到美國Ivey league英國兩三大.... 其餘嗰 ...

講到好似你咁恐怖, 會唔會太極端呀? 如果真係, 仲有人送D仔女去外國讀書既?

Yanamami

9284 發表於 23-6-9 17:42
講到好似你咁恐怖, 會唔會太極端呀? 如果真係, 仲有人送D仔女去外國讀書既?  ...

大公司面試都三至五輪，唔易的。

LeeCC

其實都睇小朋友過到去識的生活圈子和朋友圈子


有親戚係香港讀band3學校，無心向學，讀完初中過去加拿大跟一個親戚住，長輩係專業人士，cousins都係軍隊工作，屋企好有規矩，住的地方又無乜華人，天寒地凍，同學的興趣係打hockey,佢生得細粒，無參加，初初真係悶到抽筋，結果養成睇書習慣，連教科書都覺得好睇，最後讀埋master返來

Radiomama

9284 發表於 23-6-8 12:20
佢張滿江紅既成績表, 我真係唔認為一間好既國際學校會收佢, 其實我都有唸, DSE考完知道佢有幾差先至比佢出 ...

其實佢自己開竅未？又還是仍要阿媽推一推、才肯郁？

我之前分享嘅兩個cases, 都係年輕人自己已諗通、肯努力才會達到目標。

第一個在band 3已屬級頭，但學校往績無學生入到三大，所以佢先覺悟自己的處境而要求去加拿大。當然屋企有一定程度經濟能力。

第二個係得到加拿大的auntie支持，全力負擔其學費及照顧埋生活，最後以加拿大中學成績可經non jupas 回港唸大學。在這情況下，孩子在那兩年怎會不搏盡。

別人成功不代表自己也會成功，最緊要睇清楚自己的條件。

twhkleung

9284 發表於 23-6-9 17:42
講到好似你咁恐怖, 會唔會太極端呀? 如果真係, 仲有人送D仔女去外國讀書既?  ...

成功例子? 有, 好多添! 失販例子? 有, 一样好多.
可能这位網友只係善意提醒而已, 不用太坦心, 正如F500公司管理增, 有幾為名校畢業, 有幾多非明校畢業, 我之前好似見过份文章, 名校(美國Ivey league英國兩三大)畢業的, 真實比例真係一d都唔高(什致可用低來形容), 特別的STEM科技業.

目前最重要係睇下自己小朋友係"幾有心想從新出发", 努力學業.

重要小心一点, 目前成績唔好, 但有冇基楚問题, 因為过去時已是高中, 有基楚問题既話, 呀仔會追得几辛苦, 佢夠成熟面到自己條路末? 否則, 不如在HK repeat一年, 或轉其它校加讀低一年,再努力.

我自己只見过成績唔係太好去外国讀而可成功回來, 但仍未見过成績好差, 特別係高中偕段, 而又有好大學好成績回來.

zitaeric

有公司，廿幾個同事，個個至少十幾萬一個月，大部份吾係咩名牌大學出生，但全部都經驗豐富。我屋企人做某大企業HR，In 同一個人要in 五，六次先請，學歷係基本，人特質係主要，見到你太名牌出身，反而会擔心你做吾做得長等等。現在仲成日講只有G5先好，做工只識投行，其實幾落後。最終成吾成功，吾係在乎你咩大學出身，當然吾係太差，肯努力，憑自身性格同上進一定吾会太差。

樓主可以先同佢細心傾，張屋企狀況話佢知，了解佢有冇想做咩，如果真係想試吓出國，先去聽吓升國講座，同升學顧問了解吓，好似現在都好興中五後出去讀foundation之類，自已再計吓條數，每步都要有佢参與，仲有時間考慮，一步一步揾資料，慢慢就唸到。
囝嗰到，如果要出去，都要睇中四，五成績表，所以要比人睇到進步，又吾合格到合格。
其實，多人走了，香港相對較以前容易同多佐位，好似東華，係好吾錯，收分都吾高，性價比又高，可以研究吓。
升中四，少佐中文，又只剩自己喜歡科，應該成績會好轉。
識朋友，dse 後過了uk大學讀英文，當時中文dse吾過關，去了foundation, 之後讀得非常好，好似仲準備考埋個教書牌。 點都好，先認真讀書，知道父母苦心，鼓勵佢有上進心，路係人行，但要肯努力去行。

angelleungyp

當年囝仔讀band 1B學校，校內Form 4成績中下，好大機會不能入讀香港的大學。如果入到，都係入到比較次幾等的大學/科目。於是乎我們在他升中五時候，靶心一橫送他到英國寄宿中學讀書。之後我們完全估唔到他A-Level取得非常好成績，並且用 oversea student 身份能入讀到uk dentistry 呢！

kk1186

回覆 angelleungyp 的帖子

是不是去到外國沒有人同佢打機？其實喺香港好多男仔掛住同朋友打機所以成績唔好，去到嗰邊冇人同佢打機就可以靜心讀書？你仔仔應該本身資質唔錯

9284

angelleungyp 發表於 23-6-12 14:00
當年囝仔讀band 1B學校，校內Form 4成績中下，好大機會不能入讀香港的大學。如果入到，都係入到比較次幾等 ...

其實我女而家都係B1學校, 可能幼稚園讀國際學校, 睇開英文書, 同鬼佬溝通開, 到到升小學入左去一間中文好勁既直資小學, 又普教中, D中文課程又勁深, 所以一直以來中文/中文教的科都好低分, 對自己無哂信心, 到升到去中學情況都無改善, 所以今年升中四選科, 我都唔預佢可以選到自己喜歡既科目, 而且我好相信DSE死中文的話, 佢都無大學收, 情況其實同你仔仔好似, 所以我都把心一橫想送佢去外國讀寄宿, 就算去到最尾入唔到D咩好大學/科目, 起碼都叫去外國體驗過, 唔多唔少對小朋友既性格同成長, 我相信都會起到作用

kk1186

回覆 9284 的帖子

佢自己想唔想去？如果佢自己想去，有推動力，成功機會就比較大。同埋你可唔可以去陪讀，如果媽媽可以喺身邊陪讀，又會好啲。我識嘅個案就係喺香港讀書成績中間，英文好，但係中文唔好，為咗避中文DSE，而家去咗英國讀書，聽聞讀得唔錯。