培育科研質素的中小學教育

加樂爹

常說英美大學學術自由, 科研基礎及發展都好.

這個可以理解, 亦同意.

但聽說中國的科研人才多, 近年發表論文數, 高科研技術專利很很多.
首先, 呢個係咪一個事實?
如果係, 點解中國有甘多有實力既科研人才?

我疑問係 小至中學的教育方式.
例如, 你話大陸學生D數 >> 香港學生 >> 外國學生, 呢個唔洗質疑...
係咪即係話操練+規律操練+選拔操練+.....提升程度操練...
比較我日日去學習擴闊我既eye level, 去做好present, 又或者去做我既"創意"學習更有效益?

"練武不練功, 到老一場空", 請評論下.

我疑問係起小至中學的教育方式.
我有無偏視角度?

阿仔讀緊小學, 所以對IB 都唔了解.
但一個學制, 可以影響到學習動機.

有無人可以講下IB, 或其他制度, 如何能有效培育科研人才?

woooiiii

中國土法煉鋼發表唔到高質量嘢，無去外國浸過根本不能入流，連咩係重要問題都分辨唔到。一日處於產業鏈下端一日就唔會改變到，專利數量再多都係咁講。讀書是讀known known, 科研是關於unknown，中小學教育又點銜接，其實期望中小學教師可以教返點做科研是否屬於合理的期望呢？ IB會唔會好啲有優勢，我個人就認為係，始終IB個設計上更接近大學方式。
但同個學制又無必然聯繫，傳統方式都教育出好多人才。
科研路好難行，要同全世界天才競爭，家長投資入去分分鐘血本無歸，除非家長自己有經驗識條路點行或有好多資源，否則都唔建議。
中小學培養到個興趣加埋樂觀堅毅的個性已足夠，並不需要太著重學術，過分操練更加會適得其反。坦白講，中小學啲嘢操來做咩呢，其實係完全無用嘅。

加樂爹

中國土法煉鋼發表唔到高質量嘢，無去外國浸過根本不能入流，連咩係重要問題都分辨唔到。一日處於產業鏈下端一日就唔會改變到，專利數量再多都係咁講。

-- 呢個唔認同, 換轉講好多人認為美國人個個都好醒, 同國際化.  有咁既偏見會影響自已既判斷.



讀書是讀known known, 科研是關於unknown
-- 呢個好似真, 其實不然. 讀完高中, 都未必理解相對論既邊皮; 不過, 你唔係讀理科班, 就係無果種羅輯, 連搭下咀既能力都無.  好似之前d人論疫苗, 可以唔洗睇數據同fact, 打咀炮吹得起就得.


中小學教育又點銜接，其實期望中小學教師可以教返點做科研是否屬於合理的期望呢？
--  呢個point 幾好, 所以中小學都係學基本野, 不須要太盡力去叻.  即係話果D物野華夏盃, 科研STEMS 比賽, 除了興趣, 有空時間好過 打機, 真係唔洗太強求.


IB會唔會好啲有優勢，我個人就認為係，始終IB個設計上更接近大學方式。
-- 其實IB 理科讀D物?  我一直擔心偏重做project, present, 學左門吹水既野, 你話讀BA 果D科目就啱.  但係當你對住一大堆research, 大量數據, 同hypothesis 未做到critical thinking 前, 要prove 要創建理論 (Einstein 創立講義相對論, 都要請D更勁既數學家去幫佢用數學去合理化), 呢個要基礎.


但同個學制又無必然聯繫，傳統方式都教育出好多人才。
-- 你講得啱, 所以傳統名校出到既叻人真係叻.

科研路好難行，要同全世界天才競爭，家長投資入去分分鐘血本無歸，除非家長自己有經驗識條路點行或有好多資源，否則都唔建議。
-- 呢個好啱, 過左中小學睇下自已有幾多根兩, 叻既理科人後來會顯露出來, 唔洗太早計劃.



中小學培養到個興趣加埋樂觀堅毅的個性已足夠，並不需要太著重學術，過分操練更加會適得其反。坦白講，中小學啲嘢操來做咩呢，其實係完全無用嘅。
-- 低檔次D, 只係考番個入門檻, 上好既大學, 找份好工.

天外之人

加樂爹 發表於 23-3-29 14:43
中國土法煉鋼發表唔到高質量嘢，無去外國浸過根本不能入流，連咩係重要問題都分辨唔到。一日處於產業鏈下 ...

世上所有事物永遠都有一正一反既相對,傳統,我唔會講佢全都係好,但對一個成長中既小朋友,傳統式學習雖則死板但係最穩定,
-
科研路上的確係要思考好多唔同方式既野,外國既IB那方面多做project, present, 很容易學到吹水既野,且隨時係從冇常理邏輯,冇中生有既思維去尋求結果出來,所以點解外國教育從小就少功課多思考既Happy Learning,但係唔係有成果見人見智.
-
正常父母若稔得深啲,在小朋友BB階段已經都係IB模式學習,衹係好多時候都會有阻止,從而比唔到小朋友慢慢去發揮出來.
-
所以如你中段所講,中小學既學習,唔需要過度突出叻表現,小學開心啲去學,打好穩定既基礎,到中學自然可以想走什麼樣既方式學習.  復活節準備帶孩子去上海旅遊,順便參觀一下复旦大学週邊,睇下孩子有冇興趣.

Radiomama

加樂爹 發表於 23-3-28 12:10
常說英美大學學術自由, 科研基礎及發展都好.

這個可以理解, 亦同意.

好多家長以為IB 重presentation 同project, 但就未必有時間睇下個syllabus, 以下條link 以Physics為例，可以了解一下：

https://www.ibo.org/university-admission/latest-curriculum-updates/physics-updates/

Radiomama

IBPYP 學的知識可能會讓一些家長覺得「無底」，因為沒有書、沒有考試；所以當年有機會嘅時候，我都會做helper去學校幫手。
睇過老師點樣上堂，就會發現在基本功方面的教學/學習分別不大。不過家課量卻少好多。

Radiomama

IB 不見得特別能夠培育科研人才，但我會說IB學制沒有扼殺培育人（未必一定是人才）的機會。

小兒由IBPYP（K1)開始讀起, 到IBDP 時，他的Extended Essay選了Physics, 佢個題目由一個有點無聊的問題開始，要用「物理」法則去說明，其實我都唔知佢做唔做到，不過IB就是這樣一個土壤俾佢一路以來可以有無限空間去發揮。

Yanamami

https://www.edu-kingdom.com/foru ... &extra=page%3D1

加樂爹

回覆 Yanamami 的帖子

https://www.edu-kingdom.com/foru ... &extra=page%3D1

呢條link 去唔到, 請問是什麼?

**剛開到了, 謝謝

**好有用, Plus 多謝Radiomama 分享, 待假期有空可以睇下, 謝謝

Radiomama

多嘴講句，用18萬去北極的遊學團，未必培養到小學生的科研精神，但就見到一個學校管理層嘅面貌囉。

Yanamami

Radiomama 發表於 23-4-4 08:40
多嘴講句，用18萬去北極的遊學團，未必培養到小學生的科研精神，但就見到一個學校管理層嘅面貌囉。
...

我係校友都嗤之以鼻Gimmick野層出不窮。心諗，好多帖家長擔心子女入讀SPCC DGS DBS....等學校，話怕子女跟唔上家境富裕同學而自卑，點解從來無人擔心PC? 我有同學笑言，佢個女讀耀中都未有呢啲Outing.

加樂爹

...唔知學校諗物, 校友會又諗物....每件事都應該有個成本及目的, 就算係義工, 我都有個NGO名義, 目的係回饋社會, 幫助弱勢.

但係, 比18萬, 會期望學生返來後寫個幾萬字既research, 同有一疊疊"自已"做既科研數據同分析?
出發前, 唔睇番幾本厚厚既相關科學書本 (唔係兒童圖書果D呀...), 又點有物objectives?

讀書真係要負責, 包括讀大學...比左幾多, 自已要負責賺返幾多, 同做生意一樣.

巧立明目, 定係教育陷阱?

Radiomama

先唔講學校管理層嘅問題，作為家長若果學校有咁嘅活動，係咪就要報名呢？就算有錢、有資源，係咪要咁樣使？

天外之人

若果冇利益關係，就係學校有階級出名心態，可以肯定貧困學生就算成績好有科研心都不敢主動報名，好心五个名額學校全包仲出名仲冇咁負面。

Yanamami

Radiomama 發表於 23-4-4 10:59
先唔講學校管理層嘅問題，作為家長若果學校有咁嘅活動，係咪就要報名呢？就算有錢、有資源，係咪要咁樣使？ ...

咁，可能對某啲家庭衹係碎銀？又唔可以judge人地屋企點洗錢既。

Radiomama

Yanamami 發表於 23-4-4 21:07
咁，可能對某啲家庭衹係碎銀？又唔可以judge人地屋企點洗錢既。

係嘅係嘅，錢財身外物，難得培育到人才，多多錢都值得。

Yanamami

Radiomama 發表於 23-4-4 21:17
係嘅係嘅，錢財身外物，難得培育到人才，多多錢都值得。

https://m.facebook.com/story.php?story_fbid=pfbid02TMjxJMFuCQQ132KW1ja8YykKmrY2PGdrB64ikKa43xkhSDxm1Dzq7CWme7uyYhDel&id=100044193441231&mibextid=Nif5oz
何建宗係咩background?

ANChan59

Yanamami 發表於 23-4-4 21:38
https://m.facebook.com/story.php?story_fbid=pfbid02TMjxJMFuCQQ132KW1ja8YykKmrY2PGdrB64ikKa43xkhSDxm ...

何建忠博士是你师兄，生物学家，专注环境生态，博士論文有关红潮，Wiki 都有他好清楚的背景。

他有极地经验，可能只是为母校做導遊，不是搞手。

Exposures 係好事，但要合符比例原则。

Yanamami

ANChan59 發表於 23-4-5 17:23
何建忠博士是你师兄，生物学家，专注环境生态，博士論文有关红潮，Wiki 都有他好清楚的背景。

他有极地经 ...

我覺得高中生仲OK, 而家小學生去，有啲嘥料。

ANChan59

Yanamami 發表於 23-4-6 00:17
我覺得高中生仲OK, 而家小學生去，有啲嘥料。

我冇理什麼年級，只係覺得要合乎比例！

2-3萬遊學幾個星期，我完全冇問題。就算90年代尾，一家三口去溫哥華然後坐郵輪去阿拉斯加都係唔夠9萬。如果真的18萬一個學生就不成比例，而且跟科技冇乜特別關係。