成績唔好係咪難揾學校

Clarkie

小兒現在P4, 係本地讀傳統學校, 應該算係神校其中一間。讀得好吃力。成績亦好差。我哋有意等佢讀完小學送佢到英國寄宿。但我見好多學校都要assessment同埋睇返佢之前幾年既report card。因為佢report card 真係太難睇。英國亦唔會識你個間神校係咩。咁既情況, 係咪好難揾學校?  有無邊間係唔太介意成績收生?
當然我哋都唔望佢入到一間好高成績既學校, 係想佢入到一間校風好, 成績普通的學校, 睇驗吓寄宿生活。學習吓自己照顧自己。若再大啲, 真係揾到自己喇, 成綪好, 再轉校又好, 咩都好啦。但而家就係怕連揾間學校收佢都無。

TTEE1819

唔洗估估下，又唔洗太擔心，打電話去留學顧問公司約時間做左consultation 和test先，睇下對方有咩建議。

我唔覺得無學校收，但如果成績太弱，佢地建議入的學校又太差，真係要諗清楚。anyway, 行左第一步先。

anitawong21

Clarkie 發表於 23-2-10 10:44
小兒現在P4, 係本地讀傳統學校, 應該算係神校其中一間。讀得好吃力。成績亦好差。我哋有意等佢讀完小學送佢 ...

未必嘅，收得多香港學生嘅英國神校，會認得邊D香港神校㗎

Clarkie

回覆 TTEE1819 的帖子

而家小四, age 10, 我好迷, 係而家可以揾agent定係應該出年先開始做野?

anitawong21

Clarkie 發表於 23-2-10 11:26
回覆 TTEE1819 的帖子

而家小四, age 10, 我好迷, 係而家可以揾agent定係應該出年先開始做野? ...

而家問咗先冇壞，但千祈唔好交個passport及成績表出嚟，口頭形容吓太約係點就算！

Clarkie

回覆 anitawong21 的帖子

好奇, 點解唔交既?

beastiebistro

Clarkie 發表於 23-2-10 10:44
小兒現在P4, 係本地讀傳統學校, 應該算係神校其中一間。讀得好吃力。成績亦好差。我哋有意等佢讀完小學送佢 ...

喺香港讀緊神校係會有少少着數嘅。英國學校鬼識得晒香港嘅學校？但係神校報英國公學入讀嘅比例同機率都比一般學校高，所以英國學校識嘅機會都大。（特別係前人有建樹，跟住嘅學弟妹都有着數）。

好嘅英國公學收生最重要係interview，成績都係次要。只要interview convince到佢收你，成績麻麻唔係問題。不過近年真係多咗好多香港人報學校，所以有好多會要求某pre-test起碼達到基本要求。

如果係想報最top嘅學校，而家10歲就要入紙register for Y9（13歲）入讀。就算唔報最頂級嘅，而家都要做功課揀學校，小五要開始報。

TTEE1819

Clarkie 發表於 23-2-10 11:26
回覆 TTEE1819 的帖子

而家小四, age 10, 我好迷, 係而家可以揾agent定係應該出年先開始做野? ...

其實可以自己做左功課先，先上網搵幾間agent的網頁睇左資料先，自己有哂升學的步驟，早點約agent做consultation, 見完佢地，就住佢地的建議，自己再仔細去考慮。我喜歡早搵料，有充分時間思考和準備。

記得第一次見agent, 唔需要即刻比仔女的護照對方呀，唔洗急呀。

anitawong21

Clarkie 發表於 23-2-10 11:35
回覆 anitawong21 的帖子

好奇, 點解唔交既?

Agent有齊哩D資料就可以立即幫你問學校，如果學校對你小朋友有興趣，agent會叫你正式報名。俾咗等如默許佢哋可以幫你週圍搵學校，你唔知佢點漁翁撒網，如果你俾咗A agent，又俾咗資料B agent，但佢哋又問咗同一批學校，咁學校想收你都會好頭痕，份傭金應該俾邊個？

beastiebistro

Clarkie 發表於 23-2-10 11:35
回覆 anitawong21 的帖子

好奇, 點解唔交既?

其實有部分agent，攞咗學生嘅passport之後，就會有理冇理都入咗registration先（聽過有啲直頭冇問過家長）。咁到時就算你決定用另外一間agent報同一間學校甚而決定自己報，因為第一個agent已經用你名義落咗名，所以commission要歸佢。

Naughtymom

Clarkie 發表於 23-2-10 10:44
小兒現在P4, 係本地讀傳統學校, 應該算係神校其中一間。讀得好吃力。成績亦好差。我哋有意等佢讀完小學送佢 ...

Hello Clarikie,

我嘅情況同你類似。我仔本地直資。有直升中學。佢依家P5，成績都係好差。日日遊魂，完全無危機感。我都好想送佢去英國讀書，但真係高不成低不就。

我好想佢去Tonsbrigde, Radley, Harrow, 但呢D頂尖學校一定唔會收，我退而求其次，想報Cheltenham College，因為家姐同一個地方，但係agent話呢兩年競爭都非常激烈。

我心目中還考慮報St edward oxford, Sherborne boys, Uppingham, 和Shrewsbury school。大家可以交流下。

心目中我覺得我仔都係唔係讀書材料，希望學校不需要太academic driven, 寄宿生比例高，等佢可以享受寄宿生活。其他都唔敢要求太多。

mama530

建議可以去agent傾下甚至做一個screening test先, 知道大概可以申請那些學校再按自己preference 選擇, 反正搵 agent 又唔使錢, 傾下先有個概念容易入手, 不過agent 建議的學校自己都唔好信哂自己要做下功課。

其實自己對選校策略沒有太多經驗可以分享, 不過想講好多男仔細個都心散冇目標, 我阿仔高小至初中時都有段時間好麻煩, 成績退步, 功課交唔齊, 成日打機, 最慘係佢自己都唔care 又唔覺有問題......鬧又唔work 氹又唔 work 仲要不停挑戰你。不過呢, 經歷完個兩年的反叛期, 佢唔知點解自己"開竅", 有哂目標又肯比心機讀書,成個人同成績都大進步....我想講好多男仔都係咁, 唔好一早覺得自己個仔唔得, 最重要係keep 好親子關係, 有咩佢肯同你講你又可以從中比建議佢呢個最重要,總之大家共勉之。

Clarkie

回覆 mama530 的帖子

我明呀。我都唔係覺得阿仔唔得, 而係未開竅。但你知男仔, 真係唔知幾時先開竅。呢家佢重細, 重肯聽我講, 叫佢讀, 佢會去讀, 但係放空咁讀。個心成日掛住打機。是旦做咗當完成就去打機。唔肯思考。所以考試成日好低分。就算背晒課文, 唔思考, 一樣唔合格。數學就更加要思考啦。佢呢家係讀傳統一線小學。所以間中學都係BAND 1A, 以佢現時咁既情況, 係無可能入得返間中學。我軟硬都試過, 無用。有見及此, 我唸出去讀Boarding School 會好啲。但同時, 以佢現時成績, 好難揾學校比佢。

Clarkie

回覆 Naughtymom 的帖子

PM u

Naughtymom

Clarkie 發表於 23-2-10 14:22
回覆 mama530 的帖子

我明呀。我都唔係覺得阿仔唔得, 而係未開竅。但你知男仔, 真係唔知幾時先開竅。呢家 ...

我仔學校係一條龍直資，所以中學係百分百收返小學學生。所以在升中方面，其實壓力不大。但正正又因為呢個原因，佢日日就得過且過，我從來無見過一個要呈分的學生可以hea成咁。

因為自己家境又不是好有，所以我常常問自己比呢舊錢佢去外國讀書是否一個明智決定。因為自己學校有中學收的。

我都已經比左阿仔去AA做screening test,結果係英文高過我之前提的頂尖學校benchmark，但數學一半分都未達到。所以呢D頂尖學校，我仔係連報的資格都沒有。

佢自己表示係想去英國讀書，因為佢好幾個朋友仔都已經舉家移民左去英國。但自己又完全無意識，唔係想就得，要努力為自己目標去爭取。

我依家還在十五十六中，如果考的學校太差，我不如留佢在身邊。舊錢等佢長大搵唔到食都可以幫下佢。但依家送佢過去，等於抌錢落海，我都好苦惱。

當然我都時時安慰自己佢應該屬於大器晚成型，但唔知搏唔搏好。

mama530

Naughtymom 發表於 23-2-10 15:52
我仔學校係一條龍直資，所以中學係百分百收返小學學生。所以在升中方面，其實壓力不大。但正正又因為呢個 ...

要唔要送小朋友去寄宿學校, 除了經濟考慮, 我覺得都要睇小朋友自己ready 未, 自己想唔想去? 點解想去? 係因為好多friends喺英國定其他原因?

我覺得呢點好重要, 佢未ready的話過了去唔會神奇地自己變得好發奮, 反而可能一個人要面對更多問題.....相反,如果佢自己有決心過去, 想改變下環境重新好好學習, 咁又唔同講法, 畢竟佢自己學校可能勁人太多, 自信心不高, 但自信對一個孩子係好重要的, 有返自信就容易有向上的動力。

964000

Clarkie 發表於 23-2-10 14:22
回覆 mama530 的帖子

我明呀。我都唔係覺得阿仔唔得, 而係未開竅。但你知男仔, 真係唔知幾時先開竅。呢家 ...

你仔先10歲，冇學習興趣冇動機，可能是學習方式不適合多過「未開竅」吧。
與其捱到中學，捱到個人冇哂自信又影響親子關係，不如考慮趁移民潮先盡快轉去國際學校，可能會好D呢。而且IS只考英文和數學，如果佢英文ok, 只係中文常識等科目差都唔會太理，到大D再考boarding 都多D選擇，又或者佢到時讀得好唔想走又得呢。
因為在IS,起碼小學真係唔洗攪考試個D，正常上堂都學咗野，回家就睇多啲書發展下興趣，到中學先發力。

kct18

唔洗咁灰住，如果小朋友有學習動機，去到新環境，可能有轉機，國際學校都係一個可以試的方法，與其一路讀落去都唔會有驚喜，不如試吓另一種學習模式，可以有轉機

Clarkie

回覆 Naughtymom 的帖子

我明你唸咩。好怕自己選錯邊。我都係剛剛開始爬文同揾資料。原本都係15/16, 但我係EK,同自己朋友都話比佢哋細細個過去係好事。宿舍生活真係好好既體驗, 終身受用。好過係香港有阿媽, 有工人, 做大少。講真, 係香港, 無咩好做, 因為父母同工人已一早幫佢PREPARE好晒。所以佢大把時間, 唔讀書, 就用打機。係寄宿, 無人同你做阿四。清潔, 洗野, clean your room等等都要自己做。低年級重要幫高件級做野(如擦鞋), 高年級可以叫低年級幫手做野(我聽朋友講傳統學校係咁)。個個都要做。邊有時間比你打機。夠鐘就關燈。根本無得SAY NO。講真, 係對住阿媽佢先咁大膽啫。對外, 邊會吖。所以, 我先咁想佢出去讀書Z難日木

beastiebistro

Clarkie 發表於 23-2-10 17:52
回覆 Naughtymom 的帖子

我明你唸咩。好怕自己選錯邊。我都係剛剛開始爬文同揾資料。原本都係15/16, 但我 ...

"低年級重要幫高件級做野(如擦鞋), 高年級可以叫低年級幫手做野(我聽朋友講傳統學校係咁)。"

呢樣我讀書嘅年代仲有，而家都比較少啲喇。當然有時大佬叫到，都唔敢托手踭嘅。

不過，係要自己打理自己。好嘅學校亦會收每日收手機／電子儀器，配給用嘅時間。而且學校九萬樣嘢做同玩，根本冇太多機會沉迷打機。最緊要揀間full boarding比例高嘅，咁週末都有足夠嘅同學一齊玩，更加唔使靠電子產品。

去英國讀傳統寄宿係不可多得嘅經驗，有能力絕對應該俾小朋友嘗試。