孩子口才/表達能力不佳，有沒有突飛猛進的例子可分享？

Anaisbear

孩子K3，樂天不害羞，說話聲音適中，需要時亦能十分響亮，咬字沒有問題，但速度慢，邏輯欠奉，亦明顯慣性不加思索詞不達意也照講。

有參加說話訓練課程，但一般日常對話，依然很多時候詞不達意，自己又未能發覺。

明白表達能力需要時間磨練(或等開竅),想問大家有沒有經驗，幼兒階段表達能力偏差的孩子，到幾年後高小的階段，能有明顯進步，擁有中上的表達能力的例子嗎？

謝謝！

musiclover1609

小朋友喜歡閱讀嗎？他只是K3，除了讓他自己看，你還要每天讀書給他聽。我覺得多閱讀能提升表達能力，他能從中學會很多詞彙、句式和表達思想的技巧。

Anaisbear

很喜歡閱讀，我也有伴讀。而我是一個話很多的媽媽，亦是口才好之人，所以看不見他受到好影響，不知道是否時間的問題，再過多幾年有沒有辦法口才更好…..

Dadagaga

有冇可能大人用咗成人標準睇佢？如果對比同齡小朋友呢？

2jkidsfather

Anaisbear 發表於 23-1-22 08:57
很喜歡閱讀，我也有伴讀。而我是一個話很多的媽媽，亦是口才好之人，所以看不見他受到好影響，不知道是否時 ...

叫孩子多講故事給你聽，不要你講曬

Anaisbear

Dadagaga 發表於 23-1-22 09:24
有冇可能大人用咗成人標準睇佢？如果對比同齡小朋友呢？

當然係同同齡嘅小朋友，甚至俾佢細半年嘅小朋友比較。上故事班老師有分享分享其他小朋友嘅片段，有被指出說話速度及內容也偏下，我就係多留意其他小朋友先識得擔心。

Anaisbear

2jkidsfather 發表於 23-1-22 10:43
叫孩子多講故事給你聽，不要你講曬

有嘗試的，但想知長遠嚟講，其實幫到幾多，定係天生唔算講嘢叻，只有限度嘅進步…..

2jkidsfather

Anaisbear 發表於 23-1-22 15:29
有嘗試的，但想知長遠嚟講，其實幫到幾多，定係天生唔算講嘢叻，只有限度嘅進步…..
...

當作說話訓練，持之以恆

你找人”醫“，”專家“一樣係叫你孩子說東說西

Dadagaga

小朋友發展，有天生，有後天，如果唔係先天說話叻，只能後天繼續加強。
持之以恆一定有效…..

musiclover1609

媽媽口才好，會否忍不住常常糾正孩子的用詞呢？如果這樣，孩子可能會對自己失去信心。K3孩子詞不達意和用詞錯誤也很正常，媽媽常常示範正確的表達方式，他會潛移默化吸收並運用出來。他吸收的語料，需要時間沈澱、內化，只要維持多閱讀、多聊天的習慣，到了小一又會有飛躍的進步。

Anaisbear

我有糾正，感覺是很需要，因為例如他說: ”有人坐喺張枱度”,其實佢係想講”櫈” ，但係完全冇留意到自己錯….我會直接糾正，或者停下來問他，你其實想講枱定係櫈呀？
有時候問多一次，都冇意識自己講錯，依然係講錯的答案。

明白不斷鍛鍊係唯一嘅方法，只係想知道有冇人成功扭轉乾坤。

musiclover1609

Anaisbear 發表於 23-1-23 19:19
我有糾正，感覺是很需要，因為例如他說: ”有人坐喺張枱度”,其實佢係想講”櫈” ，但係完全冇留意到自己錯 ...

你可以說一次正確的版本，但不用說「你錯了」或者反問他。我仔幼稚園時會把「服裝」說成「裝服」，每一次他說錯了，我就說一次正確的版本，沒有說他錯了，過幾次，他便不再犯相同的錯誤。

Anaisbear

謝謝。你曾經提過小一會有飛躍嘅進步，有沒有經驗，能不夠和其他一般小孩差不多呢？

LeeCC

其實天份是重要因素

天份能力較弱的，做晒可以做的，到高小有可能未達你預期的中上水平


我是過來人，小朋友由5歲開始跟言語治療到小六，到中學都只係一般溝通到，小學說話考試因為有學校言語治療跟，老師知道佢本身能力所限，所以非常包容的畀佢合格，中學就在合格邊緣浮沉，DSE取消說話考試對我來說是最大德政


每個人天份不同，如果家長和小朋友都努力過，到高小就算成效不及期望，家長都不要勉強小朋友，家長要調節期望，接受小朋友能力，反而專注發展小朋友其他強項更好，不必給大家壓力。

musiclover1609

Anaisbear 發表於 23-1-24 10:50
謝謝。你曾經提過小一會有飛躍嘅進步，有沒有經驗，能不夠和其他一般小孩差不多呢？
...

主要是自己小孩的經驗，我從小孩很小開始，已積極伴讀，培養閱讀習慣，也常常跟他聊天。他是細b，考幼稚園和小學時，在說話能力方面完全沒有優勢。升上小一，踏入六歲，我覺得他能學以致用，很多以前在書上讀到的詞語和句子，都能運用出來。所以我猜腦部發展到了一個階段，孩子會有很大的進步，之前父母的付出也不會是白費的。

musiclover1609

LeeCC 發表於 23-1-24 15:59
其實天份是重要因素

天份能力較弱的，做晒可以做的，到高小有可能未達你預期的中上水平

認同你說的，每個小朋友的天分與特質都不同，不能要求他每一方面都做得好。

LeeCC

musiclover1609 發表於 23-1-25 07:40
認同你說的，每個小朋友的天分與特質都不同，不能要求他每一方面都做得好。
...

明白家長都期望小朋友能言善辯，口齒伶俐，樣樣都中上水平，將來出來社會都着數d,但唔係所有職業都需要伶牙俐齒，有些職業個性沉默更適合，孩子慢慢長大，表現出不同的天份和特質，家長就會明白勉強無幸福

minichong28

學校有無show and tell? 我小朋友響幼稚園時期講野成日重覆, 又成日講唔到重點, 去到P.2時, 因為學校多projects要做presentation, 學校加上家長的教導, 可以改善進步好多

BB-Tiger

突飛猛進嘅分享咁又無。分享吓我個仔撞口神，足10個月當日佢一醒左反個身然後望住我叫左聲「阿爸」，我好開心，叫左佢媽媽入房講畀佢知，跟住佢望住佢叫左「媽~媽~」，但之後都無再嗌過。我個仔細個大約歲半至兩歲時都被評語言發展慢半年，當時玩字卡他認識約兩百個詞語，但因為未能習慣用短句溝通，只係講詞語表達要求，所以都係被評語言發展慢，咁返左學係有幫助，同埋我太太搵左聾協一個語言治療課程畀佢學習，咁佢去又學又玩又幾開心，K2講嘢都流利左，不過都而家講嘢都仲係有啲急，同埋好少會講得好簡潔。唔知係咪同胎教聽古典音樂有關，佢嘅音感幾好，聽音階都幾準。

妹妹自小表現好奇怪，我都想借樓一問。妹妹都有聽胎教音樂，但就少過哥哥。個幾月大會笑，會對住哥哥發出「哥~, 哥~」聲，連續一個月後就無再發現有，到佢半歲會聽明一啲說話，例如叫佢矇眼笑，放手，佢會立即同平時唔同咁笑，或者放開封利事或者玩具。之後佢長大講話幾有條理，自然咁會用我估，可能，雖然但係等連接詞，會指出我地大人講錯左嘢或者用詞不當。音樂同記憶力方面就無佢哥咁好。

LeeCC

BB-Tiger 發表於 23-1-28 00:35
突飛猛進嘅分享咁又無。分享吓我個仔撞口神，足10個月當日佢一醒左反個身然後望住我叫左聲「阿爸」，我好開 ...

我家的無聽過胎教音樂都有perfect pitch,但講嘢唔掂