用戶登入
用戶名稱:
密      碼:
搜索
教育王國 討論區 小學雜談 孩子口才/表達能力不佳,有沒有突飛猛進的例子可分享? ...
查看: 3264|回覆: 21
go

孩子口才/表達能力不佳,有沒有突飛猛進的例子可分享?

Rank: 4


777
發表於 23-1-22 02:21 |顯示全部帖子
本帖最後由 Anaisbear 於 23-1-22 02:25 編輯

孩子K3,樂天不害羞,說話聲音適中,需要時亦能十分響亮,咬字沒有問題,但速度慢,邏輯欠奉,亦明顯慣性不加思索詞不達意也照講。

有參加說話訓練課程,但一般日常對話,依然很多時候詞不達意,自己又未能發覺。

明白表達能力需要時間磨練(或等開竅),想問大家有沒有經驗,幼兒階段表達能力偏差的孩子,到幾年後高小的階段,能有明顯進步,擁有中上的表達能力的例子嗎?

謝謝!

Rank: 4


761
發表於 23-1-22 06:38 |顯示全部帖子
小朋友喜歡閱讀嗎?他只是K3,除了讓他自己看,你還要每天讀書給他聽。我覺得多閱讀能提升表達能力,他能從中學會很多詞彙、句式和表達思想的技巧。

Rank: 4


777
發表於 23-1-22 08:57 |顯示全部帖子
很喜歡閱讀,我也有伴讀。而我是一個話很多的媽媽,亦是口才好之人,所以看不見他受到好影響,不知道是否時間的問題,再過多幾年有沒有辦法口才更好…..

Rank: 5Rank: 5


1348
發表於 23-1-22 09:24 |顯示全部帖子
有冇可能大人用咗成人標準睇佢?如果對比同齡小朋友呢?

Rank: 12Rank: 12Rank: 12


62845
發表於 23-1-22 10:43 |顯示全部帖子
Anaisbear 發表於 23-1-22 08:57
很喜歡閱讀,我也有伴讀。而我是一個話很多的媽媽,亦是口才好之人,所以看不見他受到好影響,不知道是否時 ...
叫孩子多講故事給你聽,不要你講曬

Rank: 4


777
發表於 23-1-22 11:14 |顯示全部帖子
Dadagaga 發表於 23-1-22 09:24
有冇可能大人用咗成人標準睇佢?如果對比同齡小朋友呢?

當然係同同齡嘅小朋友,甚至俾佢細半年嘅小朋友比較。上故事班老師有分享分享其他小朋友嘅片段,有被指出說話速度及內容也偏下,我就係多留意其他小朋友先識得擔心。

Rank: 4


777
發表於 23-1-22 15:29 |顯示全部帖子
2jkidsfather 發表於 23-1-22 10:43
叫孩子多講故事給你聽,不要你講曬

有嘗試的,但想知長遠嚟講,其實幫到幾多,定係天生唔算講嘢叻,只有限度嘅進步…..

Rank: 12Rank: 12Rank: 12


62845
發表於 23-1-22 15:36 |顯示全部帖子
本帖最後由 2jkidsfather 於 23-1-22 15:36 編輯
Anaisbear 發表於 23-1-22 15:29
有嘗試的,但想知長遠嚟講,其實幫到幾多,定係天生唔算講嘢叻,只有限度嘅進步…..
...

當作說話訓練,持之以恆

你找人”醫“,”專家“一樣係叫你孩子說東說西

Rank: 5Rank: 5


1348
發表於 23-1-22 19:49 |顯示全部帖子
小朋友發展,有天生,有後天,如果唔係先天說話叻,只能後天繼續加強。
持之以恆一定有效…..

Rank: 4


761
發表於 23-1-22 22:57 |顯示全部帖子
媽媽口才好,會否忍不住常常糾正孩子的用詞呢?如果這樣,孩子可能會對自己失去信心。K3孩子詞不達意和用詞錯誤也很正常,媽媽常常示範正確的表達方式,他會潛移默化吸收並運用出來。他吸收的語料,需要時間沈澱、內化,只要維持多閱讀、多聊天的習慣,到了小一又會有飛躍的進步。

Rank: 4


777
發表於 23-1-23 19:19 |顯示全部帖子
我有糾正,感覺是很需要,因為例如他說: ”有人坐喺張枱度”,其實佢係想講”櫈” ,但係完全冇留意到自己錯….我會直接糾正,或者停下來問他,你其實想講枱定係櫈呀?
有時候問多一次,都冇意識自己講錯,依然係講錯的答案。

明白不斷鍛鍊係唯一嘅方法,只係想知道有冇人成功扭轉乾坤。

Rank: 4


761
發表於 23-1-23 22:18 |顯示全部帖子
Anaisbear 發表於 23-1-23 19:19
我有糾正,感覺是很需要,因為例如他說: ”有人坐喺張枱度”,其實佢係想講”櫈” ,但係完全冇留意到自己錯 ...

你可以說一次正確的版本,但不用說「你錯了」或者反問他。我仔幼稚園時會把「服裝」說成「裝服」,每一次他說錯了,我就說一次正確的版本,沒有說他錯了,過幾次,他便不再犯相同的錯誤。

Rank: 4


777
發表於 23-1-24 10:50 |顯示全部帖子
謝謝。你曾經提過小一會有飛躍嘅進步,有沒有經驗,能不夠和其他一般小孩差不多呢?

Rank: 9Rank: 9Rank: 9


21839
發表於 23-1-24 15:59 |顯示全部帖子
其實天份是重要因素

天份能力較弱的,做晒可以做的,到高小有可能未達你預期的中上水平


我是過來人,小朋友由5歲開始跟言語治療到小六,到中學都只係一般溝通到,小學說話考試因為有學校言語治療跟,老師知道佢本身能力所限,所以非常包容的畀佢合格,中學就在合格邊緣浮沉,DSE取消說話考試對我來說是最大德政


每個人天份不同,如果家長和小朋友都努力過,到高小就算成效不及期望,家長都不要勉強小朋友,家長要調節期望,接受小朋友能力,反而專注發展小朋友其他強項更好,不必給大家壓力。

Rank: 4


761
發表於 23-1-25 07:38 |顯示全部帖子
Anaisbear 發表於 23-1-24 10:50
謝謝。你曾經提過小一會有飛躍嘅進步,有沒有經驗,能不夠和其他一般小孩差不多呢?
...

主要是自己小孩的經驗,我從小孩很小開始,已積極伴讀,培養閱讀習慣,也常常跟他聊天。他是細b,考幼稚園和小學時,在說話能力方面完全沒有優勢。升上小一,踏入六歲,我覺得他能學以致用,很多以前在書上讀到的詞語和句子,都能運用出來。所以我猜腦部發展到了一個階段,孩子會有很大的進步,之前父母的付出也不會是白費的。

Rank: 4


761
發表於 23-1-25 07:40 |顯示全部帖子
LeeCC 發表於 23-1-24 15:59
其實天份是重要因素

天份能力較弱的,做晒可以做的,到高小有可能未達你預期的中上水平

認同你說的,每個小朋友的天分與特質都不同,不能要求他每一方面都做得好。

Rank: 9Rank: 9Rank: 9


21839
發表於 23-1-25 09:52 |顯示全部帖子
musiclover1609 發表於 23-1-25 07:40
認同你說的,每個小朋友的天分與特質都不同,不能要求他每一方面都做得好。
...


明白家長都期望小朋友能言善辯,口齒伶俐,樣樣都中上水平,將來出來社會都着數d,但唔係所有職業都需要伶牙俐齒,有些職業個性沉默更適合,孩子慢慢長大,表現出不同的天份和特質,家長就會明白勉強無幸福

Rank: 5Rank: 5


3181
發表於 23-1-26 11:08 |顯示全部帖子
學校有無show and tell? 我小朋友響幼稚園時期講野成日重覆, 又成日講唔到重點, 去到P.2時, 因為學校多projects要做presentation, 學校加上家長的教導, 可以改善進步好多

Rank: 5Rank: 5


1152
發表於 23-1-28 00:35 |顯示全部帖子
本帖最後由 BB-Tiger 於 23-1-28 00:50 編輯

突飛猛進嘅分享咁又無。分享吓我個仔撞口神,足10個月當日佢一醒左反個身然後望住我叫左聲「阿爸」,我好開心,叫左佢媽媽入房講畀佢知,跟住佢望住佢叫左「媽~媽~」,但之後都無再嗌過。我個仔細個大約歲半至兩歲時都被評語言發展慢半年,當時玩字卡他認識約兩百個詞語,但因為未能習慣用短句溝通,只係講詞語表達要求,所以都係被評語言發展慢,咁返左學係有幫助,同埋我太太搵左聾協一個語言治療課程畀佢學習,咁佢去又學又玩又幾開心,K2講嘢都流利左,不過都而家講嘢都仲係有啲急,同埋好少會講得好簡潔。唔知係咪同胎教聽古典音樂有關,佢嘅音感幾好,聽音階都幾準。

妹妹自小表現好奇怪,我都想借樓一問。妹妹都有聽胎教音樂,但就少過哥哥。個幾月大會笑,會對住哥哥發出「哥~, 哥~」聲,連續一個月後就無再發現有,到佢半歲會聽明一啲說話,例如叫佢矇眼笑,放手,佢會立即同平時唔同咁笑,或者放開封利事或者玩具。之後佢長大講話幾有條理,自然咁會用我估,可能,雖然但係等連接詞,會指出我地大人講錯左嘢或者用詞不當。音樂同記憶力方面就無佢哥咁好。

Rank: 9Rank: 9Rank: 9


21839
發表於 23-1-28 07:15 |顯示全部帖子
BB-Tiger 發表於 23-1-28 00:35
突飛猛進嘅分享咁又無。分享吓我個仔撞口神,足10個月當日佢一醒左反個身然後望住我叫左聲「阿爸」,我好開 ...


我家的無聽過胎教音樂都有perfect pitch,但講嘢唔掂
你需要登錄後才可以回帖 登錄 | 註冊