關於選校煩惱

LeeCC

西瓜包 發表於 23-1-3 10:21
游泳4式佢冇可能唔識囉

應該係既，不過佢專業唔係教游水嘛

hkpapa852

Winghtsang 發表於 22-12-31 16:00
身邊冇人有小朋友，冇人比到意見我，所以想係到請教咁多位🙇🏻‍♀️我係基層家庭，住九龍， ...

如果妳認為小朋友好動, 津貼傳統學校唔適合佢, 咁妳要諗諗, 妳個仔應該唔係億中無一既好動小朋友, 咁點解幾十年嚟咁多"好動"既小朋友讀傳統官津學校都無問題, 而妳覺得"唔適合"呢?

另外, 要諗下 "去學校讀書" 係為咗乜?
知識以外, 係要學習群體生活, 學習規舉/紀律, 以至學習如何"適應社會"


現今太多家長, 將焦點放係自己子女身上, 不少小朋友自小有4大護法6大護衞跟身, 個個都好似王子公主上身, 自我中心都不得了, 所以呢班小朋友更需要學習


除非小朋友天賦異禀, 有能力可以改變世界, 咁全世界都要繞住佢去轉, 但現實呢? 絕大部份既小朋友, 再叻都好也只是世界中既一粒微塵, 佢地最終要脫離 4大護法6大護衞 獨立去面對世界, 迎合世界 (記住, 唔好期望個世界會迎合你).


今天家長"遷就"/"寵養"小朋友, 但世界又會唔會呢?


就算妳有本事"寵養"小朋友18年入到大學, 妳估佢大學生涯又會如何? 日後出嚟做嘢又會如何?


好多時, 甚麼 "愉快學習", "活動教學" 都只係 Marketing 既口號, 如果自己連呢幾個名詞實際係乜都唔知, 就唔好盲目跟風


黃大仙天虹夠話愉快學習兼活動教學, 妳肯報我相信一定收, 但妳想唔想小朋友去讀先?

adriantai

hkpapa852 發表於 23-1-3 10:57
如果妳認為小朋友好動, 津貼傳統學校唔適合佢, 咁妳要諗諗, 妳個仔應該唔係億中無一既好動小朋友, 咁點解 ...

講得好

adriantai

十個家長起碼有八個覺得自己仔女吾適合傳統

lambeanmama

hkpapa852 發表於 23-1-3 10:57
如果妳認為小朋友好動, 津貼傳統學校唔適合佢, 咁妳要諗諗, 妳個仔應該唔係億中無一既好動小朋友, 咁點解 ...

Very well said.

其實小朋友去到三年級。望著當年升上不同小學嘅幼稚園同學仔；你會發現，有人讀坊間「公認」的Happy School、有人讀神校、也有人讀傳說中的谷谷三寶；但其實讀落開不開心，最大的決定因素，可能其實是父母有幾睇得開成績和排名二事。

現今世代年輕人個個十八般武藝、兩文三語是基本的；但才藝再勁、學術再優秀，但不懂與人相處、不懂compromise, 去到大學或出來社會工作，其實都好大鑊(emoji)

天外之人

Winghtsang 發表於 22-12-31 16:00
身邊冇人有小朋友，冇人比到意見我，所以想係到請教咁多位🙇🏻‍♀️我係基層家庭，住九龍， ...

感覺樓主不是太認識何為教育. 這裡都有好多家長回覆直小也不見得比津小輕鬆(指學習),亦都有家長說出Happy School未必係好,唔懂得Happy Learning比你入到最Top既小學都冇用,家長真係用心去教育孩子,讓小朋友享受到一個真正快樂成長小學階段,邊一間佢都可以有機會學得好,我都唔講我既例子,中文為主既津小,到現在全英既中學都一樣可以輕鬆面對.  
唔需要為了自己面子,入咩學校都好,令小朋友開心去享受學習生涯就足夠.

hkpapa852

Winghtsang 發表於 22-12-31 16:00
身邊冇人有小朋友，冇人比到意見我，所以想係到請教咁多位🙇🏻‍♀️我係基層家庭，住九龍， ...

N年前, 小弟寫咗篇無聊既文, 當年都有不少會員唔認同, 不過建議樓主妳去睇吓:
選校感想

f00130

甚麽為之活動教育 似乎唔同人心目中有唔同的定義
係咪多活動就係活動教學？係咪活動教學等於happy school? 係咪happy school 等於happy learning ? 係咪happy learning 就等於少測驗考試少功課？ 係咪活動教學就啱好動寶寶 係咪活動教學代表唔守規則無社會規範？有興趣的話自己研究了解一下唔同學校的理念和點演譯。
其實呢 又真係無咩人會讀過幾間學校去比較 各人都係從主觀角度去睇
我覺得傳統和活動兩者各有捧場客 自己認為邊種適合小朋友、小朋友讀得開心順意便可。

西瓜包

adriantai 發表於 23-1-3 11:14
十個家長起碼有八個覺得自己仔女吾適合傳統

我都係一個呀但原來間間都有抄抄寫寫，咁定唔定性為傳統學校呢？

adriantai

西瓜包 發表於 23-1-3 11:56
我都係一個呀但原來間間都有抄抄寫寫，咁定唔定性為傳統學校呢？
...

咁我其實都係其中一個，不過無錢讀國際

hkpapa852

f00130 發表於 23-1-3 11:53
甚麽為之活動教育 似乎唔同人心目中有唔同的定義
係咪多活動就係活動教學？係咪活動教學等於happy school?  ...

Happy school

係 "家長想自己happy"， 定真係＂家長想小朋友happy" ?

f00130

hkpapa852 發表於 23-1-3 12:02
Happy school

係 "家長想自己happy"， 定真係＂家長想小朋友happy" ?

兩者皆是😂純個人睇法 活動教學唔等於”happy school”㗎！
讀傳統都可以好happy

天外之人

回覆 f00130 的帖子

真正發揮到Happy Learning就係最好,係唔係Happy School都冇所謂.
反而我覺得小朋友階段,於學習及適應能力強,理應唔好要有舒適區及有太多限制,若能從不適應情況下早啲面對,對小朋友先係一件好事.那些講什麼合小朋友理念令佢快上手等等,好像想佢走捷徑那樣,唔合理念及唔適應自己既就唔好接觸,解決好面前既野就得,總係覺得幣多於利. 若能早早解決好,那對佢將來在社會上,所有不適應既事同物都會容易快適應,就算失敗都會早走出唔好心態.這是我心得.

kennethlau96

鹹魚青菜各有所愛，其實樓主此貼都係想詢問應否嘗試考直資，係12月出貼相信不是今年應考生。
我覺得不需要太早去訂性自己小朋友，大家嘅討論也都需要切合返樓主的問題核心，太過偏離去討論津校直資比較我覺得有小小跑題。
對於樓主嘅考慮，我覺得應該比小朋友嘗試考直資過程，對於家長與小朋友都係有得著。直接斬咗條路，等電腦安排真係好？
係安排考直小路途中，對於小朋友鍛煉，對家長心態都係一種成長的經歷。
而結果與選擇可以之後再作考慮。另外補充一句，安排自己小朋友教育對樓主嚟講係一個設身處地嘅主觀問題，而宏觀思維只可以作為參考。

gabejang

kennethlau96 發表於 23-1-3 09:49
家長自己教，外補其實都唔係重點，條條大路通羅馬，最緊要學校係要揀選一啲會重視仔女教育嘅家長就夠。相信 ...

exactly! 簡單一句我家孩子由家長自己屋企教加有得玩玩玩同你日補夜補冇時間玩得到同樣offers，講真難聽過粗口，仲要話你讀名幼係主要為個光環，抹殺人地父母嘅心機。我想知offline 喺真實世界佢會唔會對住個朋友兜口兜面講？

adriantai

其實合乎小朋友程度自然讀得比較happy ，只不過家長覺得個刻蝕底咗

Winghtsang

Delete

Winghtsang

Delete

​陳柒

首先、要同老公有共識。花幾多錢落教育度、揀乜學校、都要有商有量。
第二、成績好就只得一個方法、就係死鋤爛鋤。資優除外。果啲多課外活動又成績好既、就係死​鋤爛鋤之餘、仲谷埋你​課外活動。揀之前要諗清楚。
​第三、要諗下女子將來想點。如果你只係想佢入大學讀個護士電腦土木工程（我角度睇都算搵到錢啦）、其實唔洗搞咁多。如果你目標係醫生律​師環球金​融、就最好谷入名校喇。
第四、科技進步、資訊流​​通、依家好多地方分享催谷子女方法、有心既自己谷好過學校谷。​值唔值得俾錢讀私校、都要諗諗。

Anne_Hall

其實真係試左先無壞，直資學校有自己一太簡人標準，間間唔同，佢簡你即係適合學校，到時再去諗讀唔讀都唔遲。

我仔當年面試班老師都話佢適合讀直資，但考完叩埋門，先發現傳統官津先鍾意收佢呢類學生，我仔都係得3間唔係最top既直資肯收佢，但叩門都收到地區名津offer。